數學專科

alhy.love

有些數學專科補習，比學校教得快，題目深，這樣教法有效嗎？

sampapa

我自己認為是催谷的。如果小朋友數能力好及有「數感」，不如比小朋友試下一些較正規的奧數班。因為可以擴闊數學思考能力，有助小朋友理解高小或中學的數學思考題或應用題。

alhy.love

原帖由 sampapa 於 15-12-03 發表
我自己認為是催谷的。如果小朋友數能力好及有「數感」，不如比小朋友試下一些較正規的奧數班。因為可以擴闊 ...

但如果小朋友的學校數學題仍未完全掌握到，未理解到，或是多唔小心錯，應該怎樣幫佢呢？

另學奧數不是針對學校課程，對於本來數理不精的小朋友有效用嗎？

under_the_tree

原帖由 alhy.love 於 15-12-03 發表
但如果小朋友的學校數學題仍未完全掌握到，未理解到，或是多唔小心錯，應該怎樣幫佢呢？

另學奧數不是針對 ...

應該要明白數理先，通咗再加奧數。我大女數一向差，所以當初加埋奧數就唔掂! 不過有D小朋友一點就明，也不能比較

mimi1102

under_the_tree 發表於 15-12-3 13:55
應該要明白數理先，通咗再加奧數。我大女數一向差，所以當初加埋奧數就唔掂! 不過有D小朋友一點就明，也不 ...

唔好意思, 我一向以為數學比較叻的小朋友先會讀奧數, 你女一向差, 點解你會比佢讀既? 我女都係數感差的人, 純粹好奇想知.
謝謝~

kittylam

原帖由 alhy.love 於 15-12-03 發表
但如果小朋友的學校數學題仍未完全掌握到，未理解到，或是多唔小心錯，應該怎樣幫佢呢？

另學奧數不是針對 ...

如果對學校數都不能完全掌握，不建議學高一級或奧數，建議你搵1對1補數，針對不明白的部分教學。
粗心方面多做練習會有改善。我仔一向數學好好，已經超學年，之前考試前我會畀份數學卷個仔做，做到完全唔錯就可以，如果有錯要再做多一份，做卷目的係熱身，佢地錯唔係因為唔識，往往在考試期間就出現老花問題，會睇漏睇錯導致出錯，做卷可以訓練一下金睛火眼，之前肯合作，數學一直可以保持全級第一，今次因為懶唔肯做，結果數學又出現大意問題，只在班上排第四。

mimi1102

kittylam 發表於 15-12-3 15:27
如果對學校數都不能完全掌握，不建議學高一級或奧數，建議你搵1對1補數，針對不明白的部分教學。
粗心方面 ...

你會自己出卷定做坊間練習?

kittylam

原帖由 mimi1102 於 15-12-03 發表
你會自己出卷定做坊間練習?

坊間買返同年級就可以，最好就係有建議時間，同學校考試既題目量差唔多就得，主要唔係學習，係熱身，做大量題目難免會睇錯，所以在考試前做，目的係唔可以錯，有錯要做多份卷，目的係要求認真完成，呢個方法只針對校內數學已完全掌握但粗心既小朋友。

under_the_tree

原帖由 mimi1102 於 15-12-03 發表
唔好意思, 我一向以為數學比較叻的小朋友先會讀奧數, 你女一向差, 點解你會比佢讀既? 我女都係數感差的人,  ...

開頭唔信"邪",之後有自知知名

alhy.love

原帖由 kittylam 於 15-12-03 發表
如果對學校數都不能完全掌握，不建議學高一級或奧數，建議你搵1對1補數，針對不明白的部分教學。
粗心方面 ...

我仔依排成日數學錯到冇眼睇，又唔肯操，真係好頭痕

kittylam

原帖由 alhy.love 於 15-12-03 發表
我仔依排成日數學錯到冇眼睇，又唔肯操，真係好頭痕

要攪清楚錯既原因，係因為冇心機做功課亂咁做？定真係唔識做？因為我仔d數學功課都係錯好多，佢是但做完有得交就算，考試測驗要計分佢又變返好。反叛期越迫越反，有d事要尊重下佢，好似補習咁，不如你同阿仔講下條件，唔補習可以，考試測驗分數要達到一定要求，問佢得唔得？如果分數唔達標就要補。

sampapa

不好意思，我誤會了，因為我見你想找一些超過小朋友原本學年的補習社，所以認為閣下小朋友的數學已很好。
其實許多小朋友是懂得的，是唔小心或粗心大意而做錯。所以先找出小朋友是不懂或唔小心，才可以對症下藥。
如果是唔小心或粗心大意，這個就要從學習態度着手，這個要有父母出手較好。另外一個是基礎理解不明暸。才適宜找外人幫忙，而我自己較傾向由父母幫忙而不找外求，因為這些小朋友很需要耐性引導。最後由孩子較起歡的人引導，因為小朋友擴拒心會較小。

假如閣下是小4生，原本的學年要求仍然不明白，我會先把瞭解小朋友實際的能力是那個學年，例如小朋友實際能力是小三上學期，那麼就幫他再從不明瞭的題目開始再度重點講解。而原本小4的不明白地方，只需解釋他錯誤的地方，千祈晤好重點解釋，否則兩頭唔到岸。

alhy.love

原帖由 kittylam 於 15-12-03 發表
要攪清楚錯既原因，係因為冇心機做功課亂咁做？定真係唔識做？因為我仔d數學功課都係錯好多，佢是但做完有 ...

佢就係每日追功課是上心做，點會做得好，仲有一次呈分，冇得再同佢講條件唔補習，怕唔補仲衰，最多自己再要盯緊D

alhy.love

原帖由 sampapa 於 15-12-04 發表
不好意思，我誤會了，因為我見你想找一些超過小朋友原本學年的補習社，所以認為閣下小朋友的數學已很好。
...

多謝你，我老公同你所講一樣，佢都唔太建議補習，依個我同佢諗法唔同，阿仔亦好鍾意老公教，好配合佢，可惜平時唔多加油

sampapa

我自己小朋友在小一或二時，屬於差的一批。
經過兩年努力，現在已有進步了。
下一列是曾經在小4求助的問題。

http://www.edu-kingdom.com/forum.php?mod=viewthread&tid=2552839


Now is S1 student.

sampapa

我太太用了許多時間重新由小一基礎再學習一次，經過兩年時間，終於見到效果。
原因是老師傳統教學方法不適用於小兒，採用另外方法，在小5及6時，經己取得很滿意効果。
現在小兒的數學程度，可以參考他曾經提問的問題，可略知一二。

sampapa

用日常生㓉例子，去街市、超市。
把概念性數字轉為㓉生生實物。
例10元4件和8元3件、3元一件、買2送一、買2得3、等等。各款包裝和體積，形象的關係，小數和份數都能夠從超市學到。
小朋友可以觸摸得到甚麼是數學。
當然要去到小朋友能夠學習到另一類的數學，即上述例子，是很困難的。
主要是他的求知慾和數感能力增強許多，而且對科學怱然有濃厚興趣才可以達成。

sampapa

同一時間，培養他玩Lego,可以學習及明白甚麼是立體，甚麼是空間感。
體積和面積的關係。
到最後，他改為開始玩Lego 的MindStroms電子機械人，即NXT 糸列。
從而學習羅揖關係。編輯NXT程式。
www.lego.com/en-us/mindstroms/?domainredir=mindstroms.lego.com