對蘇浙小學既感想/分析及歷年中一派位分享, 希望幫到大家.

大媽爸爸

作為小朋友係蘇小畢業既家長，都想為蘇小寫返幾隻字，希望幫到小朋友想入讀蘇小既家長。
以下只係根據我小朋友由N班讀到小六既經驗而寫，如有偏差請見諒：

• 教學模式
  傳統教學，著重語文能力，全普通話(除英文科外)教學，學校有兩名全職英語老師，每天最少有一堂英語課。
  

• 合適既功課量
  功課每日有5樣左右，但因為有功課堂的原故，所以大部份都可以在學校完成。
  
  
• 有道理既考、測、默
  真係差不多每星期都有各科的考、測、默，但亦因為密，所以每次既範圍都比較細，都唔難應付。
  

• 冇壓力下既TSA
  大家呢排好關心既TSA，好好彩，可能由於蘇小係私小既關係，所以由教育局既壓力近乎冇，我地只係見過小朋友做過一本TSA練習作家課，我地亦幾乎冇買過練習比小朋友做。
  
  
• 意想不到既派位結果
  升中成績亦係出奇咁好，參考過去幾年既派位，我估計派到Band1/2/3中學既比例係大約係6:3:1。
  令外，蘇小係冇直屬中學既，就連同一辦學團體既寶馬山蘇浙公學，都唔係真屬中學，不過講真直入都未必會讀。
  
  
• 聽/講 普通話/英文 "語境"
  關於"語境"有我小朋友未入讀前想像唔到既好處，我地當年選蘇小都係因為佢用全普通話(除英文科外)教學，本來只希望為小朋友打好普通話既語言基礎，但原來好多外國(瑞士/德國/英國/美國都有)公司派黎香港工作既父母(以我既小朋友為例，由K班至小三有半班同學有呢個背景，有小部份既家長係兩位都唔識中文既)都一樣有呢個想法，係咁既情況下，除上課時用普通話，好多時小朋友既溝通語言就係英文，變相聽/講英文既機會就大大提升。出黎既結果就係相對其他小學生，冇論普通話/英文既聽/講機會同能力都有一定水平，呢點係我地意想不到既。
  
  
• 轉校的傳言
  班裡係會有同學因蘇小相對注重中文背誦未能適應而轉校，但真係小數而且唔係因為成績差。
  其實小四之後，可能小朋友穫得能以普通話作溝通語言既能力，中文亦開始比較深，對於非本地/中國既學生係比較吃力，好多"外籍"父母就會將小朋友轉讀國際學校，或回流祖家，當然亦有到外地升學既學生。
  
  
• 極大改善空間既校舍設施
  由於校舍比較細同已有超過50年歷史，校舍環境及設施真係同其他小學相差太遠，連一個正式既籃球場都冇。
  
  
• 偏向的校外活動
  比較小校外活動、冇辦任何遊學旅團。亦由於校舍冇正式球場或泳池，都唔太鼓勵學生參加校外體育比賽。
  反而有積極參與中英文朗誦及舞蹈比賽，而且穫得相當多既獎項。
  

   附加：蘇小2012至2015年中一派位結果(數據由互聯網穫得作出統計)

sallyshlau2

Thank you for your share

KTP

讀蘇浙的小朋友是否要普通話好好才跟得上? 請問派中學犉位好嗎?

大媽爸爸

KTP 發表於 15-11-30 22:05
讀蘇浙的小朋友是否要普通話好好才跟得上? 請問派中學犉位好嗎?

普通話方便覺得唔駛太擔心，小一入學時可能要小小時間適應，但亦因為係全普通話環境教學，小朋友好快就可以掌握得到，到小四左右後，直情係小朋友教返我地普通話。

中一派位真係幾好架，你可以參考令一位家長既POST
蘇浙2014-2015升中派位
http://www.edu-kingdom.com/forum.php?mod=viewthread&tid=3187679&fromuid=1764167

ymjchan

好詳盡呀，謝謝你

WH127

不好意思，有點疑問，根據以下這由小學概覽取得的資料。小一或小二有7班，但到了小六減至4班，如保守估計30人一班，既是走了90人。請問是什麼原因會縮了班？

謝謝！

lowlow228

據我所知，每年小一開的班數也不同。像來年 9 月好像只開 4 班小一（資料來自先前的簡介會）

lizhiyouxi

回覆 lowlow228 的帖子

點解反而少了？

lowlow228

(只是估計)班房得咁多間，佢可能來年多開了幼稚園一班，咁小學便要小一班。
又或者先前小一多開了班（先前見是固定 4 班的）他們會繼續升上去，要俾返班房佢地升上去.

lowlow228

其實今年小六得 4 班，即代表下年只有 4 間房吉了岀來

Bmwbobo

Thanks for your sharing! That's a really useful info to us.  May I know which secondary school did your child go now?

lizhiyouxi

回覆 lowlow228 的帖子

对哦，只有4间房，而且老师也只够4个班的老师，看来今年小学竞争很激烈呀。而且现在上K1的已经比去年少1个班了，估计前几年多开了好多班现在没资源了要缩减。。。

WH127

謝謝各位！另，有点問題想請教。
請問一班約有多少人？
聽聞六年都是同一班同學，即是每年都是原班升讀，对嗎？
班主任会否六年都是同一個？
聽聞班主任是一人負責教多個科目(中，數，常)，是否真的？

不好意思！問題多！

WH127

对呀，為何升上去，班數會變小了？
是小了三班的同學，真的有點奇怪……

大媽爸爸

WH127 發表於 15-12-2 14:55
对呀，為何升上去，班數會變小了？
是小了三班的同學，真的有點奇怪……



  ...

睇清楚D, 係原班同學一齊升上去
例如: 2014/15 小一有7班升上2015/16小二都係有7班喎

只係每年小一開班既數目唔同咋

大媽爸爸

WH127 發表於 15-12-2 14:16
謝謝各位！另，有点問題想請教。
請問一班約有多少人？
聽聞六年都是同一班同學，即是每年都是原班升讀，对 ...

請問一班約有多少人？
35人左右
聽聞六年都是同一班同學，即是每年都是原班升讀，对嗎？
係
班主任会否六年都是同一個？
唔係
聽聞班主任是一人負責教多個科目(中，數，常)，是否真的？
好問題，我都問過，今晚問左小朋友再答你

zzllpp22

但為何去到小六，只得4班？？

zzllpp22

謝謝大媽爸爸！

miumiu酱

大媽爸爸 發表於 15-12-2 16:42
請問一班約有多少人？
35人左右
聽聞六年都是同一班同學，即是每年都是原班升讀，对嗎？

同问

大媽爸爸

zzllpp22 發表於 15-12-3 17:20
但為何去到小六，只得4班？？

我嘗試再說明一次


係因為每年收生人數唔同，所以每年開小一既班數亦唔同，唔係縮班或大量學生轉校

例如:
2014/15 有6班小二(2013入讀小一)/4班小三(2012入讀小一),
唔係代表小二上小三係小左兩班生，
而係代表2013年開左6班小一/2012年開左4班小一