始終要TSA

palmchristy

原帖由 ANChan59 於 15-11-27 發表
因為敎育局是好多時用中位數，可能避免標籤效應，換句話，捽就有50%，當然不會間間睬佢，但為數自然不少。
...

你的想法是較實際，也有執行上的細節，比只懂說取消的有力。

作為討論-

1. 要安排調任，首先要找出合適教師，第二只能在官校或在較有規模教學團體，才有足夠老師供調動。小教學團體似乎不適用。

2. 請多談談能力指標，是校內性還是全港性的嗎？ 如何客觀評定？

3. 如果課程主任與官校教師同屬教育局的education officer, 應已有恆常調職安排，讓他們有機會在不同時間分別在學校前線和總部任不同職位。

4. 這個我不肯定職能上教育局是否有權作這種審核補充練習，可要求出版商調整深淺，甚至要求學校不準使用某些過深的練習; 還是這挑選練習的權因教學自主而在辦學團體或在個別學校身上。教局是否有權實行你的建議？

另外，有沒有一些針對個別學校不應操練的建議？

palmchristy

原帖由 ronniedad 於 15-11-28 發表
呢個TSA評估原意及用意如有問題，十幾年前就根本唔會通過啦。實情而家成個教育課程，已被攪到完全要圍繞着 ...

我留意到有些回應不時把他人主觀看法當成客觀事實，因此得出的推論和實情有距離。而一些提問似乎顯示有些具爭議性的基本事實，大家均未能掌握，亦不足以下有意義的定論。

palmchristy

原帖由 Doray 於 15-11-28 發表
最大問題是咁多人提出訴求，EDB都冇實質回應，淨係識講原意係點點點，又hea出張指引俾學校家長，又玩小圈子 ...

你期望被針對的教育局可以就個別學校選擇操練去應對評核結果不達標呢件事作倉卒回應，還是先等檢討完成呢？

palmchristy

galileo2013 發表於 15-11-28 21:00
的確係，不必要的考試當然可以取消。佰小三TSA係全港性的評估，讓學校能知道真實學生的水平，而且更加能和 ...

校內試，是一個簡單而公平的方法，讓學童，家長同學校透過量化的分數，客觀地知道有乜應該改善地方。另外學童未必有温書的習慣，但因為要應付考試，大多都會温習，令所學得以鞏固，故校內試是有其價值的。

MASAYA

palmchristy 發表於 15-11-29 00:53
校內試，是一個簡單而公平的方法，讓學童，家長同學校透過量化的分數，客觀地知道有乜應該改善地方。另外 ...

用考試去量化就係容易標籤, 反而難搵返真正需要改善既地方, 某學生中文閱讀理解失大量分, 知邊part唔好啦, 只睇個分, 邊個知佢係閱讀問題定理解問題? 定兩樣都冇問題, 只係唔識寫出黎? 唔識寫都可以係唔識個字點寫或唔識文字表達, 甚至本身表達能力有問題, 只睇個分, 知d咩?
政府話求學不是求分數, 我認同呀, 咁佢又係出左個口號就算喇?

數字不會騙人, 呢句本身就係騙人, 做會計既應該同意嘛? 每日 "造" 緊咩呀?

唔通TVB收視高真係等於好節目? 0岩0岩選員區議員, 得票率高真係做實事?

謙仔媽咪

同意，呢個世界就係咁，要評核，量化，排位，從而選出精英加以培訓，能力較弱的加以補底。難道唔分強弱直至升中先晴天霹靂，發現自己個仔落後於人，到時點追，我寧願每年排位知道個仔喺咩位置，有定心理準備啦。我仔考得差學校唔會比壓力，有壓力都係家長比啫，所以我兩個仔無論考成點我都唔會罵，只會睇下邊題唔識教返佢。點解有人咁可笑，覺得小朋友唔應該比較，唔應該有排位，係咪想世界大同，有時適當的壓力或鼓舞會令人更有上進的動力，知不足而努力吧

ANChan59

最近較忙，幾日後回覆你！

shadeslayer

對，咁根據TSA成績比意見學校，一些學校做乜發哂癲操。取消小三TSA，唔通等到小六才晴天霹靂，學生完全唔達基本能力，為時已晚。

palmchristy

原帖由 shadeslayer 於 15-11-29 發表
本帖最後由 shadeslayer 於 15-11-29 10:39 編輯

對，咁根據TSA成績比意見學校，一些學校做乜發哂癲操。 ...

同意。只要年幼學童的家長，把目光放遠一些，就會看得見這個關鍵。

ANChan59

原帖由 palmchristy 於 15-11-29 發表
同意。只要年幼學童的家長，把目光放遠一些，就會看得見這個開鍵。

我有興趣知道EDB如何提供數據及改善方法，幫助學校改善教與學。

Doray

回覆 ANChan59 的帖子

用咗成十年的TsA都唔能夠隨時講得出實質例子去証明，嘈咗好多年都是得個檢討，仲要等到幾時，人地提出嗰位發起人，由個小朋友初小去到已經中二，真係唔知要大家俾幾多時間佢先有啲實則啲的回應為之合適？

ANChan59

原帖由 Doray 於 15-11-29 發表
本帖最後由 Doray 於 15-11-29 13:01 編輯

回覆 ANChan59 的帖子

我只是有興趣知道TSA講到咁重要，咁有用，是如何應用，是否大家都一廂情願，抑或是真係一揸數字，對教與學，欠缺意見！

Hiacelady

請指點迷津.我地是想兒女識多啲知識或想佢地玩多啲.唔好識咁多知識.補習.學琴.學跳舞.學英文.也是好辛苦.有需要嗎.玩或讀書我都唔知邊個啱.

bee918

原帖由 ANChan59 於 15-11-29 發表
我有興趣知道EDB如何提供數據及改善方法，幫助學校改善教與學。

數據可能有，有多深入則不知，例如中文科，那些數據會不會告訴學校在閱讀理解、聆聽等跟其他學校的異同？

至於改善教學方法，則不是數據可以提供，如無教學新思維，恐怕這些數字只會令整個教育界加劇操練--最最簡單直接的做法。

shadeslayer

原帖由 ANChan59 於 15-11-29 發表
我只是有興趣知道TSA講到咁重要，咁有用，是如何應用，是否大家都一廂情願，抑或是真係一揸數字，對教與學 ...

我認為敎育局不應直接指點學校前線教育該如何如何。管太死，學校全部一式一樣。敎育局講大方向，前線教育由學校處理。教育局話比學校知學生（例如）時鐘問題學生掌握不好，學校便想辦法教好D時鐘，是老師的教法不好？是課時大少？時課室道具欠備？唔係直接比一百題時鐘比孩子操。咁係人都識，使鬼校長教師？

ANChan59

bee918 發表於 15-11-29 14:24
數據可能有，有多深入則不知，例如中文科，那些數據會不會告訴學校在閱讀理解、聆聽等跟其他學校的異同？

...

我是想理清事實，我就是想聽聽校長，教師及教育局的詳細說法，單睇份TSA卷深淺之外，是否都要知道TSA的反饋機制及內容，才知道，小三的結果是否達到改善教與學的目標！

ANChan59

回覆 shadeslayer 的帖子

明白及同意，但EDB的想法可能不一定！

你是否知道 TSA 的反饋機制及內容？

palmchristy

ANChan59 發表於 15-11-29 12:32
我有興趣知道EDB如何提供數據及改善方法，幫助學校改善教與學。

我都有興趣知道幫助改善教與學的良方.  如果是提供數據, 相信無乜特別, 如實報告就是.

至於教育局就提供數據以外, 有沒有改善方法提供, 老實講, 我無乜期望.  官校成績唔見得比一般津貼學校好, 如果真係有乜野改善良方, best practice之類, 早就應該公諸同好.

ANChan59

palmchristy 發表於 15-11-29 14:47
我都有興趣知道幫助改善教與學的良方.  如果是提供數據, 相信無乜特別, 如實報告就是.

至於教育局就提供 ...

咁咪大家理性討論，不是非黑即白。

我的經驗，如果有料到，EDB一早攞出嚟以正視聽！你睇鉛水事件，一步到位都敢噏。今次－d 具體嘢都冇，只是重申政策及出份指引，我擔心真係得啖笑。

palmchristy

ANChan59 發表於 15-11-29 14:59
咁咪大家理性討論，不是非黑即白。

我的經驗，如果有料到，EDB一早攞出嚟以正視聽！你睇鉛水事件，一步到 ...

市民期望同教育局所真正做到的, 應該有落差.

我留意到有朋友心目中為教育局打造了一個強勢印象, 想像該局能規限學校的不當操練作為, 為表現較差的學校提供意見和支援, 當發現原來真實世界的教育局並不是這樣英明神武, 就會十分失望, 然後說政府及教育局無能.

我就不相信教育局如此有為.