小朋友唔谷得，可以㨂邊類學校？

daisylhn

愛睇書、學嘢快、講嘢叻，但太有自己主見，又對別人情緒非常敏感；我已不考慮報自己母校了，功課太多太谷，相信應不適合阿女讀；除了啟基啟思外，還有咩選擇？

Jane1983

救恩、港同

liliankaykay

我女一樣！都想知係咪要完全放棄官津？

Sam1018

嶺小

daisylhn

原帖由 Jane1983 於 15-11-23 發表
救恩、港同

家在九龍中，呢兩間好好，但好遠

daisylhn

原帖由 liliankaykay 於 15-11-23 發表
我女一樣！都想知係咪要完全放棄官津？

唉，我都想問呢個問題

仲要同老公傾，老公怪我教佢時無耐性，但其實我之前有耐性咁教左幾耐，佢又無睇到呢 佢睇到嗰啲，都係我由三點又氹又教，比足時間佢自己決定幾時估十，但都未掂，忍耐到七八點，梗係火滾啦

liliankaykay

原帖由 daisylhn 於 15-11-23 發表
唉，我都想問呢個問題

仲要同老公傾，老公怪我教佢時無耐性，但其實我之前有耐性咁教左幾耐，佢 ...

是否做功課問題，我女都係淨係鍾意玩唔做功課，唔知點算。

daisylhn

原帖由 liliankaykay 於 15-11-23 發表
是否做功課問題，我女都係淨係鍾意玩唔做功課，唔知點算。

都係咁上下，佢知功課佢有責任做，一時話太難（寫字）一時就話眼瞓

Jane1983

回覆 daisylhn 的帖子

禮賢可以考慮，聽興趣班家長話好有愛心，吾算谷，但近年跟大隊，話無以前咁輕鬆和愉快。
St Margaret都可以望吓，小一無考試，小二都輕鬆，但佢地有突擊測驗，計少少分，小三開始分類似精英班，如果你係輕鬆家長，小朋友都可以讀得輕鬆開心。但如果你係緊張家長，要小朋友密密溫書，又可以幾忙。

Jane1983

回覆 daisylhn 的帖子

都明你勞氣，不過嬲係無用，打鬧亦傷感情，慢慢搵一套方式相處。
我小朋友初小，我都係時時微調教養方式，調節自己期望，控制自己脾氣，望吓人地點教，又反省自己有無做錯，做人父母真係吾易...你着手搵一間適合小朋友性情的學校，已經係個好開始，減低了將來爆大鑊的機會。

daisylhn

原帖由 Jane1983 於 15-11-23 發表
回覆 daisylhn 的帖子

都明你勞氣，不過嬲係無用，打鬧亦傷感情，慢慢搵一套方式相處。

SMC都係其中一間心儀學校呢

我從不打，鬧，我諗係兩日鬧一次的頻率啦，鬧嘅意思係催左三次都唔做（如著鞋返學），第四次就打聲話叫佢做。

知佢情緒敏感，學左遊戲治療，而家每日都用呢套方法同囡囡溝通，都好左啲；不過有時趕時間（尤其朝早返學），催促真係好難免。唉！

明天幼稚園評估，我今日一啲都無同佢溫過 明知今年k2成績要見人，又唔敢迫佢（今日第一次見佢咁爆發）
真係好擔心

cyriliris

請問你在邊度學遊戲治療，我最近都想學，因仔情緒起伏大

Tabo88

回覆 daisylhn 的帖子

我都想知邊度學遊戲治療, 我囡都係情緒化, 固執己見，硬頸, 脾氣大, 愛玩, 佢都知自己要做功課, 但做功課就發炆，佢已經好少功課, 每日得一版紙幾行字寫, 學校係happy school, 我又冇迫佢, 真係唔識點教佢！

MrBeast

daisylhn 發表於 15-11-23 23:20
SMC都係其中一間心儀學校呢

我從不打，鬧，我諗係兩日鬧一次的頻率啦，鬧嘅意思係催左三次都唔做（ ...

Assume 你母校是官津而你又夠分sure win, 自行入表先，至少有間係手，咁咪唔使點理kg 評估，kg 評估好多時都唔會寫差，除非你ai for 神校，無需太擔心，順其自然，隨遇而安。

bonmom

功課表現只是一張紙,相信學校要的是一個立體有血有肉有學習熱情的小朋友,講野叻已經好著數,放鬆D,預備小學仲有好長的路要走,唔好輸掉親子關係。

試下保良局蔡繼有,佢地好注重閱讀和presentation,可能啱你個囡。

4001cc

daisylhn 發表於 15-11-23 23:01
都係咁上下，佢知功課佢有責任做，一時話太難（寫字）一時就話眼瞓



  ...

會不會太迫呀. K2寫字慢好正常. 唔好迫爆呀.

lingan

其實K2小肌肉可能未發展哂，寫字辛苦係正常。由於努力寫，可能好大力，咪攰囉。你教下阿女寫字細力d，睇下有冇用，慢慢佢就到力就無咁累。到K3會寫快d㗎啦。
其實得K2，咁細個，唔駛由3點教到7點喎。我通常會俾小朋友玩咗先，然後玩完才做功課的。媽媽你放鬆d，儘量不要罵。因為罵好影響情緒的。忍唔到時就離開現場，俾自己俾小朋友多d空間吧。

lauwingtai

原帖由 liliankaykay 於 15-11-23 發表
我女一樣！都想知係咪要完全放棄官津？

輕鬆的一線官津，實在冇乜，輕鬆的二線頭二線中官津，其實係有的。主要睇家長能否揸得定主意放棄揀一線，你住邊區？

daisylhn

原帖由 lauwingtai 於 15-11-24 發表
輕鬆的一線官津，實在冇乜，輕鬆的二線頭二線中官津，其實係有的。主要睇家長能否揸得定主意放棄揀一線，你 ...

34網

daisylhn

原帖由 MrBeast 於 15-11-24 發表
Assume 你母校是官津而你又夠分sure win, 自行入表先，至少有間係手，咁咪唔使點理kg 評估，kg 評估好多時 ...

我母校就25分入梗，但真係超級谷

其實想報直私，希望佢哋唔睇成績表，睇表現啦⋯⋯事關幼稚園個個都全A，但阿女有一兩個B，好似爭好遠咁