F.1 既家長, 你地幾時開始考試呀?

silvia_ng

過多個幾星期就開始考試了, 但某人仲大安旨意唔溫習, 我真係放手睇下佢點死

blee427

1月6, 都懶懶閒呀，一日溫半個鐘咁。 下個月先發力wor

silvia_ng

blee427 發表於 15-11-23 12:06
1月6, 都懶懶閒呀，一日溫半個鐘咁。 下個月先發力wor

咁都好乖啦! 我地12月頭考啦, 而家都冇溫過書

chrischeung

你地適應了中學答題技巧了嗎？
中學深了好多，希望今次好過十月那次！！

yamyau

一月中開始考, 今個星期仲測梗 電腦 和 體育, 十二月先始溫書

CPLA

回覆 silvia_ng 的帖子

放完聖誕假即考，佢應該假期時先溫   
你仔測過驗未呀？如果有持續小測應該ok

silvia_ng

chrischeung 發表於 15-11-23 12:29
你地適應了中學答題技巧了嗎？
中學深了好多，希望今次好過十月那次！！ ...

答題都未係好識呀,我諗考試實深過UT好多

silvia_ng

CPLA 發表於 15-11-23 13:42
回覆 silvia_ng 的帖子

放完聖誕假即考，佢應該假期時先溫   

佢UT左啦, 有D科唔係幾得, 有D就幾好, 所以佢自我感覺非常良好, 因此我呢次就放長雙眼睇佢點死
平時勁多QUIT,但有D科就冇, 唔知佢會攪成點。同埋有時都未必睇到佢QUIZ咩成績, 未必要簽名麻。

happylogin

blee427 發表於 15-11-23 12:06
1月6, 都懶懶閒呀，一日溫半個鐘咁。 下個月先發力wor

我個女都係呢日開始考, 佢話聖誕節溫書. 希望佢今次唔好咁hea.

friendfriend

我那位也是預備考試兩星期前才溫書，只用七成力，從來都不太認真。英文測驗不讀，所以回來成績不好，這點教訓希望他會改。中一食老本，中二才見真章！

e12340

原帖由 happylogin 於 15-11-23 發表
我個女都係呢日開始考, 佢話聖誕節溫書. 希望佢今次唔好咁hea.

我兩個囡出年一月四考,依家仲係度混吉!

Yanamami

各位家長，其实要幾多時间温、点样温，係由仔女自己摸索，亦因人而異，有好多人要殺到埋身先有动力去温，有人只有短期記憶，太早温会唔記得，温多幾次又悶。我女从來唔会平曰無端端温書，亦唔会两个星期前就开始温……所以以上投訴，实屬平常｡放鬆d啦，中—係俾佢地適应同摸索，trial & error, 慢慢就知点温先啱自己(起碼我女係禁~)

peggy

7/12 開始考

schumacher

從9月中開始每個星期都有各類小測，10月開始評估，中考在1月。仔已經對考試麻木了，由於活動又多，功課也多，根本沒有時間溫習，唯有每日keep住做幾道題，做功課時即時做快速溫習，還要爭取11點前睡覺，真係忙過小學N倍。

Gudettama

12月頭考兩星期，基本上十月已經開始不停ct同quiz

silvia_ng

我鐘意放長假前考哂佢，免得影響假期心情

ChapmanMa

原帖由 Yanamami 於 15-11-23 發表
各位家長，其实要幾多時间温、点样温，係由仔女自己摸索，亦因人而異，有好多人要殺到埋身先有动力去温，有 ...

好認同你的講法，可否分享多些家長在旁可以做到的事呢？謝謝

Yanamami

ChapmanMa 發表於 15-11-24 10:19
好認同你的講法，可否分享多些家長在旁可以做到的事呢？謝謝

我比較好彩，阿女自己知自己唔係好top既人，所以都重視学業(但唔代表佢好紧張成曰温書或唔上網)｡我自佢升中都無同佢温書~升中前果个暑假有brief过佢，分数嘛不同小学計法~8字头好叻啦~6字头就叫ok麻麻地……功課嘛唔係第曰交，枱头擺个大大格月曆，mark好哂啦……温書嘛，最好每日番黎望—下當日notes, 每周—小温(自然从來無实行过啦~)……課外活动參加下識多d朋友……放学要立即回家，不可著住校服逛街……
平曰声控，久不久问下：下星期有無默書？quiz?有唔識就开声问，覚得唔掂就出声揾補习……

上学期俾佢自己摸，接受下名次低，set 个reasonable target(eg上学期名次要係50%之類)，review下有乜可以做好d......我見佢下学期都搞掂，連提佢都唔洗~F2甚至連升幾十名，就知佢上軌道了，可以自动波唔洗再理佢｡

ChapmanMa

原帖由 Yanamami 於 15-11-24 發表
我比較好彩，阿女自己知自己唔係好top既人，所以都重視学業(但唔代表佢好紧張成曰温書或唔上網)｡我自佢升 ...

多謝您的回覆，你的經驗好受用，我暫時都係用口提下佢，但佢D書我真係望都冇望，因我沒本事教他了……他有兩天会在校做功課和預習，回家有時間就望一望D notes, (但真是望一下)，再預習下明天要上堂的書，星期日再重温一小時左右，我不懂是否足夠。而今次 U T 中英數和 I S 考得吾錯，可能是靠食老本，其他文科則一般，我擔心是他懶、或不懂答題，好想向你請教下。我現在是否只提下佢温，如果佢吾做得太足，也由得他？我也認同從撞板中學習呢……

Yanamami

ChapmanMa 發表於 15-11-24 11:06
多謝您的回覆，你的經驗好受用，我暫時都係用口提下佢，但佢D書我真係望都冇望，因我沒本事教他了……他有 ...

足与唔足只有佢自己知~你仔已算乖，我女無預习呢回事添~
望—望夠啦~F1已开行turbo, 捱唔到去DSE喎。中三讀哂文理科仲要搏殺揀科係好辛苦，中—二揾多d時间輕鬆下準備F3作战好d.睇多d課外書、報紙增强語文底子都好~

係㗎，答題技巧都要佢地自己摸~以為自己讀哂答哂，点知唔中point或無寫老師要既字眼都唔会高分……

F2可开始去下大学資訊日~唔知方向無紧要，去吸下靈気，攞下靈感，感受下気氛都好。年青人轉幾次意願好閒~况且一年睇唔哂禁多间，分开幾年慢慢睇，有兴趣又可再去多次都好~对中四揀科亦有d方向。

中—二唔好睇个分禁紧，但学習态度就—定要好，不能妥協~