請教孩子幾年班不用跟功課、默書、測考？

MASAYA

你諗下學游水要點學？一直用水泡游，永遠都學唔識，你就係學生個水泡，但冇準備就踢佢落水，只會係水底見，小一適應冇問題，一定係幼稚園開始著手

有人提前學小一課程，呢個我唔識，另請高手賜教

有人幼稚園教小朋友點學習，基本自理同閱讀能力，小一係開始放手階段，讀書識唔識要自己負責，基本條件佢已準備，家長要做既係留意佢既責任感

我家係我一人工作，老婆全職湊小朋友，但我地商量好，學業我跟進，咁樣唔會有分歧，所以老婆係屋企都唔會理小朋友功課默測考，小朋友亦清楚功課要自己做，識做功課首先要上堂聽書，做功課有唔明可以自己搵書，呢個做功課過程已經係等同溫左書，所以測考唔駛另外再溫課本內容

但默書唔係做過功課就可以識 (至少我個唔係，佢抄寫唔用腦，抄一百次都冇用)，所以小一我有教佢溫習中英默既方法，英文串字都係跟音拆字去記，如果有學phonics應該唔難，不過我自己唔鍾意，雖然phonics上手快，但之後越黎越多個別例子，所以我選擇一開始就唔學，用自己 (小朋友) 經驗去拆，所以學溫英默方法用左一年，不過我相信用自己去試既方法學習會較深刻同靈活，當識既字越多，串字能力就越強，後黎應該可以識讀就識串

繁體中文好有系統，可以用形音義去記，例如剔手邊都係指用手既字，加埋另一邊既讀音就好好記，手+足，手+八，手+倉呢d，雨字部係大自然關於水既字，下面又係個音，雨+路，雨+務呢d，初初學會用較長時間，識既字開始多就唔花時間，中文仲容易，大約花左半年時間，知個字點解點讀就識寫，順帶一提，明白個字既意思應該唔會有錯別字

之前講過我要返工，所以睇功課係佢睏左既時候，我主要了解佢既學習進度，要知道佢邊d跟到邊d理解不足，第二日再問下佢有咩唔明或者試下佢有冇理解錯誤再去解釋清楚或諗方法解決，因為小學課程大部份可以係生活應用，即係都可以係生活中學習，例如計數計錢睇鐘，常識更加應該唔係靠學校去學，日常知識基本就要識，學習語文應該係學習使用語文，做多幾本練習係唔治本既，多聽多講多睇多寫係必要，所以雖然話放手，其實我都跟到好足，只係等佢覺得自己著緊過父母

最後想講，功課係可以最早放手既地方，如果連功課都唔放手，考試你邊敢放，尤其唔計平時分既學校，佢地已經提供左畀你放手既環境

MASAYA

打完一堆廢話唔記得講應該講既野... 已經小學，返唔到轉頭，而家放手你可以試下逐科放，先放最有信心個科，假設係英文，佢自己搞得掂英文，畀d鼓勵佢認同佢，等佢知道自己有能力handle學習，然後放其他科
同埋你陪佢讀書，就算有100分，其中50分都係你既，但佢自己讀，無論係70,80,90,100分，全部都係佢自己

loveDD

回覆 little_yolky 的帖子

little_yolky  咁都要罰?專注力不足都可以係SEN啊
[color=rgb(153, 153, 153) !important]發表於 1 小時前[color=rgb(153, 153, 153) !important]

或者咁講，如果係SEN，我會納入"身理因素"，唔係罰而係搵方法解決。

200904

正巧前兩天我也在詢問什麽時候可以放手。
我兩個剛小一，我也在嘗試放手。希望我能堅持。
我一直主張，學習是孩子自己的事情，我沒有責任幫他們發現錯漏，現在每晚檢查功課，是他們的bonus，不是我的責任。
不過發現錯的地方，我會讓他們自己改，不懂可以問，畢竟老師要管30多個小朋友，我能馬上教，他們印象也深些。

scyauchris

每個小朋友不同, 如果個小朋友未ready, 當然唔好放手。重有放手, 間中都抽吓佢d功課來看。p2 咪比佢自己處理默書, 但中默我會攞來看, 因為我女自己改都會錯。

P3 今年我都有望吓佢, 現在我就無理。小朋友有時好奇怪, 不用明天交的功課又做, 時間管理有問題。考試又就去做prepare的功課, 不是温書先。

考試可以比佢自己温, 不過佢地會skip野温。你可以放手, 但係都要留意下。如果之前是未試過自己温習, 最好問吓佢書。默書是最易放手的一樣, 你不如試左默書先。

scyauchris

現在d野深左, 你先生有無見過d卷, p2 重好細。

jdhwangmom

我的囝囝7歲小二, 功課一向都系自己做,我復查有冇做漏,  真系會做漏家, 默書就由今年起幫佢定時間表溫書, 每天溫一些, 到默書前一兩天抽問, 默到幾多分都當見唔到.

momama

個個細路唔同，我大女已小五都仲係甩甩漏漏，細女小一返咗兩個星期已經乜都自己搞掂哂。但係，我認為係佢哋讀書、唔係我，所以我願意俾大女成績差d都唔會跟到實。

lovebunny

我女現在小一，個人比較定，而且有好多字佢認到(如果佢認字唔多其實都好難放晒手佢自己做)，於是我開學後引導左佢一個月點樣做功課，點樣執書包，跟住就到佢自己黎。開頭佢都唔想，怨左一輪，我同佢講宜家你攞到既excellent分數係屬於我，如果你自己做都攞到excellent呢個分數先屬於你，跟住就開始進行，so far都順利，而之前監督住佢做功課而發生既爭執都少左好多，我又可以煮飯做家務。開頭果幾晚會偷偷睇下佢交唔交齊，有無錯得好離譜，之後覺得無咩問題，就無再日日睇，只是週未望下，而且佢錯我亦唔會提佢，你要忍得到呢樣野。我覺得由老師改佢會入腦d。至於溫書我覺得佢未掌握到技巧，所以我測驗前有同佢溫。

不過我覺得每人有佢自己既進度、性格，如果未得都勉強唔黎，你又可以試下一步一步來，俾d獎勵佢。

lovebunny

Masaya講得啱，如果學校平時功課唔計分，我地可以大膽d放下手睇下佢究竟可唔可以自己handle.

另想補充，我放左手佢功課果part, 令我可以集中注意力响同佢睇課外書果度，這對我黎講會心情愉快d。

conniecheung

我兩女分別 小三，小一 ，我未敢放手，她們仲係細，有家長從旁教導和幫忙很重要！

我小學時，父母讀書少，想教我但有心冇力……
我現在會想，假設他們當時可以在學業上教導我、指導我… 感覺多好。

Bigpig_2007

其實學習真係因人而異， 特別小學階段，男生真係一般比女孩子慢.....  
我覺得你應該細心留意小朋友， 點解學習態度差？ 如果係因為佢覺得功課太多？ 功課太難？ 或者無目的....？你就要用方法鼓勵! 留意他喜歡什麼， 為他訂立目標，獎勵自己， 久而久之，當佢找到成功感，自然會更努力 ！
至於學習問題， 各科都有自己難處， 我仔小二， 我都會從旁教導他讀書方法，如何理解，但對於自理學習問題，就一定要諗計要佢學，加油！

MrBeast

ailimama 發表於 15-11-18 10:17
我兒現7歲讀小二，我們是雙職父母，升小後功課、默書、測考都是我主力跟進的。 因為我們要上班，故升小後已 ...

放手時間表要doc身諚做，我從小二開始已想，進度很慢，除了性格較依lai，至少都要合格升班，今年開學默書試過一次，disaster!  不過最重要係佢要明白讀書係佢責任，老師罰佢唔係罰我，有2建議：
1）一起定時間表，做完一樣工課可以小休say 10 mins，如工作上許可就打電話搖控
2）讚works much better than鬧，praise the effort，找一些亮點，給他成功經驗，小朋友好單純，豬肉獎都會好開心。有句金句希望幫到：爸媽知你一定做到

MrBeast

另外其他網友提供的認字方法也可試試。初小要增加大量詞彙不易，有錯別字在所難免，亦要多些關心孩子

little_yolky

MrBeast 發表於 15-11-19 06:04
放手時間表要doc身諚做，我從小二開始已想，進度很慢，除了性格較依lai，至少都要合格升班，今年開學默書試 ...

小一小二啲功課除時一兩分鐘做完一樣, 如果做完一樣可以休息10分鐘咪好盞鬼?

我家金句係：嘩, 媽媽細個時都無你咁叻啊。

bobbob

little_yolky 發表於 15-11-19 08:41
小一小二啲功課除時一兩分鐘做完一樣, 如果做完一樣可以休息10分鐘咪好盞鬼?

我家金句係：嘩, 媽 ...

我仔學校又係好少功課，所以從來唔洗我跟，除咗中默（都係幫佢默2次，佢自己對答案），其他如英默或評估都無幫過溫書（好多時直頭無溫過去打天才波）。不過仍然有家長呻話多功課多默測，放咗工仲要督住個小朋友做個幾鐘功課同溫習，原來同班同學取態都可以好varied。

MrBeast

little_yolky 發表於 15-11-19 08:41
小一小二啲功課除時一兩分鐘做完一樣, 如果做完一樣可以休息10分鐘咪好盞鬼?

我家金句係：嘩, 媽 ...

當然係so先會中招la，有冇試過一二折清倉時買左好多呢世都唔會用d野返屋企呢？
你句金句我都有用ar

marcuscyrus

原帖由 ailimama 於 15-11-18 發表
我兒現7歲讀小二，我們是雙職父母，升小後功課、默書、測考都是我主力跟進的。 因為我們要上班，故升小後已 ...

我細仔都小二，講真係唔會完全放手，適當指導仍然需要，功課要自己做同執好，我會在啲仔訓左時望下有冇大錯，如有，可能佢唔明，就及早跟進，但當刻唔會叫佢改，搵機會教返佢才等派回來改正。測默考自己溫完我會抽問，咁佢地就知邊啲未夠熟咁咪再溫。大仔小四，現在好啲，唔明會問，咁我唔睇佢功課了，默書可以放，測考仍會抽問。

jade_h

我仔小一，同樓主小朋友一樣錯字多，仲要係比個正確字對住，佢都找不出錯在哪裡。我試過特登唔提佢有錯字，發現給老師改過的字，他會有較深刻的印象。有時即場要他寫回正確的字，他好快又唔記得。所以我也在學習放手多D,等佢錯。不過默書就好難放手，因為我家小孩不懂得用一些方法記字(如：拆字法、圖象記憶)，所以要教他。

我有時都為教功課而發忟噌，但冷靜下來，想想搞到親子關係差左，是得不償失的，所以現在盡量忍手唔捉錯處，多D讚賞。

希望大家的小朋友都可以好快學識自立﹗