跪求有經驗既媽媽指路有關細B既問題

fm721

囡囡現時23個月大(13年12月出世)，現在開始in緊K1，下個月足2歲會返N班，由於1歲半時健康院話囡囡講野慢，要2歲再返去評估，所以我係佢20個月時(早2個月)帶左佢出去做私人評估，結果係佢語言能力慢左4個月，我陪佢in幼稚園時，發覺佢理解方面ok的，(例如玩lego，認生果，切生果及指眼耳口鼻等)，佢都做到的，但說話方面就差(例如自己名，幾大，男定女)，佢有講，但完全唔知佢講咩，老師都多次叫佢講清楚啲。
現在問題出現啦，如果今次成功in到有幼稚園收，究竟比佢讀還是唔讀呢？我驚佢跟唔上，因為佢到時只有2歲8個月，如果唔讀，佢12月返N班，到出年暑假後就冇書讀了，我應該點安排呢？好矛盾唔識得點處理，跪求有經驗既媽媽指路。

kayleyleung23

原帖由 fm721 於 15-11-18 發表
囡囡現時23個月大(13年12月出世)，現在開始in緊K1，下個月足2歲會返N班，由於1歲半時健康院話囡囡講野慢， ...

收就讀，小朋友一返學pick up 好快

musicfreer

唔使太擔心, 佢一肯講野就會講唔停的了

mrsmartie

23個月仲係好細，點解而家呢個世代唔容許個別差異㗎

mababyba

其實不用太擔心，我仔是11月b，去年情況與你現在相約，1歳8個月就開始in K，而且無讀過N，健康院都是話2歲要返去再評估，我只是無去私人評估。我要返工，假期去街同佢見咩講咩，交通工具，衫，鞋，超市水果，水，罐頭，菜，…人地可能以為我儍儍地不過慢慢佢就開始講得make sense 一d，2歲返健康院都pass左！比多d時間佢，而且interview佢去年都有幾個offer,所以不用擔心！返左學把口無停添加油！

ella_805

原帖由 fm721 於 15-11-18 發表
囡囡現時23個月大(13年12月出世)，現在開始in緊K1，下個月足2歲會返N班，由於1歲半時健康院話囡囡講野慢， ...

每個小朋友發展唔同，收就俾佢返，小朋友學習能力很強，唔使太擔心！

fm721

非常多謝咁多位媽媽既支持同鼓勵，呢幾晚都瞓得唔好，好驚做錯決定，好感恩有咁多位有經驗既媽媽比左正面既意見我。

SYWu215

我身邊朋友（包括我自己）既小朋友都講野慢，都要兩歲半再評估，唔駛擔心，到三歲都唔識講先諗

964000

原帖由 fm721 於 15-11-18 發表
囡囡現時23個月大(13年12月出世)，現在開始in緊K1，下個月足2歲會返N班，由於1歲半時健康院話囡囡講野慢， ...

有得番都會番，但可否番N做大B呢？

mokmeihk

唔洗擔心，我仔23個月仲係BB話，宜家28個月番緊N班乜都識講💪💪💪💪

天悅

我覺得如果有K1收，就讀住先，到下年再睇下小朋友情況，如果覺得都係追唔到其他小朋友，咪考多次K1重讀

AAA999

原帖由 fm721 於 15-11-18 發表
囡囡現時23個月大(13年12月出世)，現在開始in緊K1，下個月足2歲會返N班，由於1歲半時健康院話囡囡講野慢， ...

我情況同你差唔多，我明白你擔心啲咩，因為真係好迷茫嘅。我情況係我個仔都係細b，第一年in n班冇人收，第二年in k1得一間收照讀，今年重in k1 已有一間心儀offer,我仔2歲半前仲講bb 話，2歲半後講說話只有我明白，依加3歲加返左學3個月情況大大不同，已有完整句子，清晰度大大提升，所以有學校收照讀小朋友一返學同其他小朋友一齊學習會快好多，但你預左老師會話你個小朋友進度跟唔到，但唔緊要嘅，因為你係細b,你自己有得選擇重讀一年，所以其實已經好好的，自己係屋企多啲引導，教佢
唔使太擔心

april12

原帖由 fm721 於 15-11-18 發表
囡囡現時23個月大(13年12月出世)，現在開始in緊K1，下個月足2歲會返N班，由於1歲半時健康院話囡囡講野慢， ...

收就讀，返左N班會好快識講，我個小朋友都係咁，如果以純粹慢左，唔係其他原因，好快會pick up到，不用擔心

mapp2009

no worry, kid will improve much more after going to school

keep-calm

個人覺得呢D情況盡量唔好揀英普幼稚園，先學好廣東話（母語）先

tuliplee_hk

mrsmartie 發表於 15-11-18 07:02
23個月仲係好細，點解而家呢個世代唔容許個別差異㗎

認同,健康院小冊子成日寫每個小朋友發展唔同,但實際係唔得囉,成個社會言行都唔一致

Littlecatta2013

回覆 fm721 的帖子

我仔都係13年12月b，講到句子，但大小肌肉冇咁好，冇讀N但有番育嬰園。如果有幼稚園收照讀，下年再睇情況重讀K1。我prefer做超大b。

Littlecatta2013

莫講話小朋友，大人都有個人差異啦。

jaycee_mami

fm721 發表於 15-11-18 07:52
非常多謝咁多位媽媽既支持同鼓勵，呢幾晚都瞓得唔好，好驚做錯決定，好感恩有咁多位有經驗既媽媽比左正面既 ...

如果有一間唔錯的k1收, go ahead吧, 唔好未試就自己嚇自己.  我仔仔都是12月細b, 歲半時講野麻麻地, 兩歲時要再返健康院見姑娘.  我從無想過repeat, 因為我家姐和叔仔當年都是高考考衰了一科, 被逼重讀一年, 所以我覺得要留番個quota大個用.  我仔仔現在小三了, 過去幾年雖然追得辛苦D, 但以勤力取勝, 成績一直是全級top 10.  我覺得大b和細b的分別去到小三已不明顯.  我在幼稚園和初小階段是有親子伴讀, 也讓他多聽故事, 聽完我會問番佢內容, 亦有多去公園玩, 這兩點對細b都有很大幫助.  

maomaofafa

原帖由 jaycee_mami 於 15-11-18 發表
如果有一間唔錯的k1收, go ahead吧, 唔好未試就自己嚇自己.  我仔仔都是12月細b, 歲半時講野麻麻地, 兩歲時 ...

十分同意
留番個quota大個用
我仔都係12月細b
有學校收就照讀住先，比佢試下無壞