求教：如何調整中一女生讀書態度

黃巴士

4cats 發表於 15-11-20 07:01
我明白你的意思，不過，在我這個case，應該留意那些取態和定位呢？我們都不太著重稱讚／推舉，應讚則讚，應 ...

我常常都覺得，仔女是父母的一面鏡，沒有壞的孩子，只有不懂教的父母，但坦白講，我越黎越不懂教。
*******************************************************************************************************************
不要誤會.  每個父母都是新手(我都是) , 大家都在分享中學習.
我經驗接觸到有些資優朋友囝及囡, 她/他們對一些觀念十分執著,  力勸無效.  他/她們對自己一些概念性的觀念, 會在同學/師長/長輩間力爭辯駁, 不論對方是什麼身份/場合.  又有些更會是不理睬別人.  我們看上去, 是有些不尊重別人.  在相處上, 不免有些少磨擦.  
這些孩子, 講多, 他們都是不聽.  反而, 只要一句令他/她到肉的說話, 他/她們才會心服.  
如:一個受電話欺騙案的受害者，  大家會同情他，　責斥他，　抑或是看不起他的愚昧，　這就是一種局外人對事情的取態。
提議多参加一些圑體合作活動, 令他/她更體會感性一面, 令他/她們接受看透的態度.   
在學業上, 相信你不必要太擔心, 亦可以話無得擔心.

little-baby

唔好意思，借個位來呻呻我女中二，小學差不多年年考第一，算勤力，無朋友，中學好順利上了BAND 1A 中學。中一開始HEA HEA 地，第一個TERM 係無咩溫書下考得幾好，但之後越來越差，差極最尾的TERM 名次都頭30%。上了中二，見佢好似勤力咗少少，起碼試過令書出來讀，但都成日上網，唔覺做功課，唔見欠交，但剛派成績，係全級約50%，點算好，好驚一路差落去，現在唔知係能力問題還是懶

4cats

今朝一早我就發癲

星期三測驗，佢竟然夠膽連書都唔拎番黎！

係咪要實驗證明自己真係會考第尾先安樂？！

4cats

little-baby 發表於 15-11-20 14:34
唔好意思，借個位來呻呻我女中二，小學差不多年年考第一，算勤力，無朋友，中學好順利上了BAND 1 ...

無朋友呢個問題似乎嚴重好多喎

bb560

原帖由 4cats 於 15-11-22 發表
今朝一早我就發癲

星期三測驗，佢竟然夠膽連書都唔拎番黎！

不如叫你個女用whatsapp問下的同學仔，每人影幾頁，咁咪讀到囖。

黃巴士

早幾日知都好, 可叫同學WHATAPPS.  考前至知, 個個同學都溫緊書或禁WHATAPPS, 真係有排你等同學覆.......而且WHATAPPS有時都朦查查, 睇唔清課文或NOTES內容.!!!!!!

4cats

bb560 發表於 15-11-22 11:13
不如叫你個女用whatsapp問下的同學仔，每人影幾頁，咁咪讀到囖。

唉！佢根本唔肯讀，又點會肯叫同學影俾佢

今朝我搵左家長影俾佢，一直到而家都未開過黎睇

佢根本唔覺得測驗要溫書，呢下先令我企係度，無論我點做，佢唔讀就係唔讀，我真係好想刮佢幾巴！！！！

4cats

黃巴士 發表於 15-11-22 12:33

見怪不怪. 我都費事勞氣. 我囝當年EXAM前書都唔見都係咁. 發表於 3 小時前

你後來點令囝囝改變？

do-re-me

原帖由 4cats 於 15-11-22 發表
唉！佢根本唔肯讀，又點會肯叫同學影俾佢

今朝我搵左家長影俾佢，一直到而家都未開過黎睇

我女讀書態度都係一樣，我都好頭痛，佢而家中一，佢呈分試時我日日倍讀，考得幾好，但上左中學我真係唔想再陪讀了

Yanamami

4cats 發表於 15-11-22 15:42
唉！佢根本唔肯讀，又點會肯叫同學影俾佢

今朝我搵左家長影俾佢，一直到而家都未開過黎睇

年青人有自己想法，有時係啱有時唔啱，但好肯定係：家長叫不动佢去做佢唔想做既事，亦阻止唔到佢去做佢想佢既事~禁点算？虽然老不情願，但劝过講过道理分析过後，唯有俾佢負責番自己既决定，面对番自己决定既後果｡已經係半个成年人，將來係点，佢都要自負贏虧。

TwinWong

原帖由 4cats 於 15-11-22 發表
唉！佢根本唔肯讀，又點會肯叫同學影俾佢

今朝我搵左家長影俾佢，一直到而家都未開過黎睇

力劝不改 唯有都係劝同等佢开竅
打罚责罵 只係會傷感情
但唔會增长到成绩

TwinWong

4cats 發表於 15-11-17 12:03
我女今年升中一，佢一向都不喜歡溫習同做功課。小學時曾試過長期欠交功課，無論動之以情，打鬧勸都冇用，好 ...

亦可能係你囡囡在小學太努力, 依家覺得攰, 所以想剛升中一想抖下先,
到中三要选科再發力唔太迟,  我大囡都係中三開始努力, 應不大問題,
依家TAT 得TURBO 太紧, 可能弄巧成拙, 有時都要比緩衝期大家, 等其成果

little-baby

回覆 4cats 的帖子

小學無朋友，中學就多朋友，懷疑咁導至心散。真係有又煩，無仲煩

little-baby

回覆 4cats 的帖子

4cats, 你女同我女好似，有時唔想鬧，鬧了好傷感情。

little-baby

黃巴士，我女中一第一次考試，除中史外，科科唔差，3科主科仲好好。之後就除英文，科科跌。剛派卷，中文唔合格，中一中文第一次級10幾名的，諗起想

見女女好hea，想幫她報遵x 的中文班和公x的數學來迫她溫習，但又怕效果一樣。

anna59

樓主, 呢種態度就算讀到大學出黎做野一定唔惦, 一定會比位勤力既人追過

4cats

黃巴士 發表於 15-11-20 13:42
咩科目??

中史

不是沒有興趣，她對歷史很有興趣的，打算大學讀History或Eng Lit，不過就是懶

4cats

anna59 發表於 15-11-23 14:03
樓主, 呢種態度就算讀到大學出黎做野一定唔惦, 一定會比位勤力既人追過 ...

係，所以我先擔心

能力差唯有認命，但明明有能力就唔肯努力，睇住佢咁真係好心煩

4cats

Yanamami 發表於 15-11-22 19:04
年青人有自己想法，有時係啱有時唔啱，但好肯定係：家長叫不动佢去做佢唔想做既事，亦阻止唔到佢去做佢想佢 ...

唔係唔明呢個道理

但我感覺就好似睇住佢行條崛頭路，叫佢轉彎係都唔肯，唔知佢會幾時撞埋牆

Yanamami

4cats 發表於 15-11-23 23:24
唔係唔明呢個道理

但我感覺就好似睇住佢行條崛頭路，叫佢轉彎係都唔肯，唔知佢會幾時撞埋牆

要克服，就好似見宝宝落楼梯，—步—惊心，可能会跌倒，但路总要佢自己行，跌痛了佢会学精｡F1跌下無问題，升上去就弊，所以早跌有好处~