求教：如何調整中一女生讀書態度

4cats

我女今年升中一，佢一向都不喜歡溫習同做功課。小學時曾試過長期欠交功課，無論動之以情，打鬧勸都冇用，好彩成績一直都保持不俗水平，但未去到全級top 5。

六年級時佢發現了一間很想入的直資名校，於是發奮圖強，功課亦交足。雖然因為起步太遲，始終都入不到她最初想入的中學，但叩門入左另一間別人眼中的名校，佢亦好開心。

但問題又再浮現，佢又唔交功課，上堂唔聽書偷看金庸，測驗默書只讀十五分鐘。因為佢呢種求學態度，成績很飄忽，滿分到零分都試過......

其實佢資質好，學野快上手，大部份時候的成績都above average，但聰明反被聰明誤，佢成日覺得自己唔讀都考得好過好多人，又何必花時間讀！

佢同我講，好唔中意做功課，所以可以不做就不做，但其實佢學校功課不多，咁都唔做，我擔心佢升上去功課量大增後更加唔會改善。

我而家好頭痛，應該由得佢，等佢跌得痛後自行改變？定係我會唔會有野可以做黎幫佢改善？

加上佢而家反叛期，性格一意孤行，唔中意聽人講，撞左板就死頂。問多幾句，就話我唔信佢。

升中後，我地關係一時糖黏豆，一時水溝油，我發覺佢越黎越難教。

請問有沒有過來人可以教路？

aa06

回覆 4cats 的帖子

咁似我囡囡, 我囡囡亦是不喜歡做功課不喜歡讀書, 但成績ok, 我的做法是向她曉以大義, 告訴她DSE成績好可以簡些冇咁谷的大學, 到時仲可以簡些好的科目, 前途/錢途 無可限量, 帶她參觀示範單位, 告訴她只有專業人士才可買這些樓, 等她有目標. 成效還可以.
你囡囡在家不做功課, 做什麼? 每日晚上早睡嗎?

TwinWong

反叛期難搞D, 比時間佢, 到老師追功課唔成, 要見家長, 你再提出要求改善,
鐘意得睇書, 成績應不會成咩問題, 多閱讀的話, 也可以啟發讀書同做人態度

Yanamami

喜欢与否同責任係两回事~我諗幾大部份人每朝起身番工都只為責任，唔多喜欢~佢明唔明做学生既責任？相信佢好聰明，所以覚得功課好無聊、無用……

4cats

aa06 發表於 15-11-17 12:44
回覆 4cats 的帖子

咁似我囡囡, 我囡囡亦是不喜歡做功課不喜歡讀書, 但成績ok, 我的做法是向她曉以大義,  ...

她晚上就看書、「寫書」、上網

其實她不是不喜歡讀書，但只喜歡讀自己中意的書

有些不明白，大學還會谷嗎，那些是冇咁谷的大學？

Yanamami

大学嘛~當你係大人啦~讀唔讀、上唔上堂、交唔交功課無人会逼你，後果自負｡

4cats

TwinWong 發表於 15-11-17 12:50
反叛期難搞D, 比時間佢, 到老師追功課唔成, 要見家長, 你再提出要求改善,
鐘意得睇書, 成績應不會成咩問題, ...

本來我都係咁諗，但始終擔心爆煲時先處理已經太遲

佢話到中三會發力，叫我信佢

但可惜好多時世事不會在佢預料，唔會次次咁好彩，等佢得閒發力就可以扭轉形勢

4cats

Yanamami 發表於 15-11-17 12:54
喜欢与否同責任係两回事~我諗幾大部份人每朝起身番工都只為責任，唔多喜欢~佢明唔明做学生既責任？相信佢好 ...

其實都唔知佢係唔明定唔認同，可能佢覺得日日返學已經係盡左責任

4cats

Yanamami 發表於 15-11-17 13:05
大学嘛~當你係大人啦~讀唔讀、上唔上堂、交唔交功課無人会逼你，後果自負｡ ...

佢讀中學咋，如果係大學，我真係唔理得佢有冇交功課，有冇走堂

blee427

是不是聰明的孩子都這樣
我女比較好, 不會欠交
因為怕煩怕記過
但就HEA做
佢話佢會做本份
交足功課, 不會不及格, 但也不會好勤力
溫15分鐘就可以及格, 點解要咁辛苦

Yanamami

其实聰明人真係好多，但成功人士只靠聰明才智係唔会成功，态度決定高度~到最後可能俾無禁叻但有良好态度既人追上~

4cats

blee427 發表於 15-11-17 13:10
是不是聰明的孩子都這樣
我女比較好, 不會欠交
因為怕煩怕記過

回頭再望，我覺得小學較嚴厲是好的，可以培養小孩子紀律。我女小學就是較隨意，欠交功課不會有任何罰則，只會寫手冊，造成我女覺得不交功課也沒有甚麼問題。

如果我女小學會記缺點和記過，相信她也不敢長期欠交

4cats

Yanamami，因為我見到有jm回覆話向囡囡曉以大義，努力就可以揀冇咁谷的大學，所以好奇怪，大學仲有分谷唔谷？所以問清楚佢既意思。

blee427

回覆 4cats 的帖子

但係會好谷氣明明就可以好成績
點解唔盡一下力.
反叛期又唔可以好似小學咁用高壓
花很多時間去聊天
口講會改, 好唔夠一陣又懶過.

還有現在中學沒管欠交嗎
我女中學很嚴
欠交要留堂,
有SMS通知家長
5次記缺點.

aa06

回覆 4cats 的帖子

中大, 科大, 城大都很谷, 即是多測驗多考試多功課, 港大冇咁多考試.

4cats

blee427 發表於 15-11-17 13:40
回覆 4cats 的帖子

但係會好谷氣明明就可以好成績

哈，就係唔知我女好彩定唔好彩，中學又係唔點理欠交，只係開學時講明平時分佔一定%，欠交同測驗分都會影響最後成績，老師就唔會鬧。

可能未殺埋身，我女未發現唔交功課有乜問題。所以我先擔心，到最後如果考試高分都會拉低成績，失手就影響更大，可惜佢仲未明呢個道理。

blee427

回覆 4cats 的帖子

我們平時分佔30%佢TEST成績唔錯
QUIZ一般
功課HEA住做
所以拉低平時分
分析左好耐
但沒聽入腦.

aa06

回覆 4cats 的帖子

可否pm我你囡囡讀邊間? 我還有一個細路, 其實我buy少功課.

ydoris

父母叫子女做功課返學呢D野,一向都係左入右出架啦.不過只是吾做功課少溫習,並不太差啦..先降低少少要求妥協下啦.起碼佢會返學,返屋企,無惡習,都聽妳人哦夜哦....我2個女其不太聰明,不過異口同聲同我講,中學首要既係測驗考試合格,因為原本及格係好難...互相體諒,朋輩都好緊要,留心佢同咩同學一齊.會易些溝通..

4cats

ydoris 發表於 15-11-17 14:43
父母叫子女做功課返學呢D野,一向都係左入右出架啦.不過只是吾做功課少溫習,並不太差啦..先降低少少要求妥協 ...

或者你講得岩，我應該試下降低要求

不過，明明知佢「非不能，不為也」，真係幾意難平