其實我有冇做錯呢!! 大家比啲意見呀 (有啲長)

小曳人

朋友，你之前有無試過norma個smiley system??
或者好似星期六個talk所講：你做到我就獎你xx

我唔知得唔得，但norma個樣... 俾我都會聽話！

HaYi

感同身受, 冇咩可以分享, 理論上的獎懲都行不通... 假以時日??  天知了

MASAYA

little_yolky 發表於 15-11-17 13:31
你成日活在當下

妳活在邊？

Jane1983

回覆 muimui812 的帖子

做完先玩，係父母都想，但行左兩年幾都吾通，看來一年半載亦難達到。
7點前完成功課係目標，佢4-5:30玩，之後做，同4-5:30做，之後玩，我無所謂，最緊要佢肯做，完成到。

哈利媽

回覆 angela1229 的帖子

其實都已經常有用不同獎勵嘅方法啦....不過佢好似係要激吓你先開心咁囉....

哈利媽

回覆 小曳人 的帖子

我昨日用咗政府工樣, 佢好似好慘咁問我點解對佢咁冷淡, 我又冇比good night kiss 佢, 所以佢真係有啲失落, 今朝同我講>> 媽咪, 我今日返學會好乖啦, 你唔好再咁嘅樣啦.... 我差啲忍唔住笑 . 希望今晚真係有改善啦.....

pro_teacher_lau

我曾經睇過一本書，叫做 "但以理讀書法"。 書中描述到 有好多家長都會搵作者補習，而作者 (老師) 都會叫 學生 有幾盡玩幾盡先，玩完之後一定要抽1小時去補習。 每日都抽一小時去補習，成績自然會有進步。 當學生見到自己成績有進步，之後會自動減少玩的時間 而加多補習的時間。

不過我不知道這個方法對 小朋友 work 唔work >.< Just for your reference.

loveDD

在眾多玩具或卡通片之中，小朋友不難可以選出自己最愛的一兩款/套，試下同佢講玩完依個玩具，或者睇依套卡通片前後，唔該要自動自覺做功課，一來不會不近人情，二來亦可以要他保持自覺

homeuser

oooray 發表於 15-11-17 11:31
係要鬥智，唔係鬥大聲。罰要狠，獎要到位。戰爭係漫長。有時乖一日衰番3日。唔同年紀又要唔同誘因。我每日 ...

好同意你所講，想請教下奬要點先到位，真係唔知奬咩， 佢好想既， 例如玩ipad，玩電話嗰D我又唔想奬， 貼紙衫嗰d唔奬都會買

simonwan

拿，我唔系推薦呢種方法，不過我老豆以前系甘做。佢系十分result-oriented.
我細個時（幾十年前）讀書，由幼稚園到研究院，父母一日都無理過我功課、默書、測驗、考試，全部自己搞掂。我讀書時系玩完，食埋飯，睇埋歡樂今宵（系，十一點后！）先做功課。老豆唯一做的事就系簽成績表、默書、測驗卷。若佢發現我不及格或無交功課，二話不說，手起刀落，打到飛起；真系飛起個種，藤條痕起碼一個星期才散。小三時試過背默無溫書，囖零分，返到屋企被打到天昏地暗，以後默書全部一百分。

方法是有效的，至於對孩子有無壞影響，我自己都唔知。

oooray

原帖由 homeuser 於 15-11-17 發表
本帖最後由 homeuser 於 15-11-17 15:56 編輯

請教就唔敢，大家研究下。资源有限慾望無限。物質上總有一天無法滿足。我会不断洗腦，做D期望管理放假唔比玩咁癫，升班功課越來越深，嗱，出年冇得用电子產品，除非你交到課，學業跟得上，先继續限時使用。退步？唔該同我做個double先requalify。兴趣班一樣，学業跟唔上？cut.

babywoman

我仔亦是小三。
大部分時間（除小一時），接佢4點返到屋企，至5:30，基本上係自由時間，可睇電視，玩玩具。返咗成日，好攰。
5:30--6:00冇卡通睇，我會提佢做功課，6:00--7:00睇電視，食飯。

7:00後，再做功課（若有），佢在校有功課堂，有時在校已做晒，但小三就少此情況了。
大多數時間，8:00前都會做晒功課，有默書測驗，就每日溫半個鐘，每日溫少少咁。
昨天請左病假（已連休息四日），我到校取回功課，本計劃食飯前做少少，點知做左兩份就話攰，就讓佢休息一會，訓醒再做，一訓就至今朝七點（晚飯都冇食），咁我都諗住算喇，寫入手冊話俾班主任知實情（睇下可否推遲一日交），若當欠交都冇辦法。仔七點醒，自己話要做功課，做到八點，食左早餐，急急腳返學，時間剛剛好
。
我仔知道，每日完成功課是佢的責任，但都要提一提，畢竟，小朋友一玩就忘我




所以，我覺得，放左學要俾佢鬆一鬆。

Jane1983

回覆 simonwan 的帖子

一腳藤條痕，今時今日學校已經報左警啦，行吾通。
體罰係好有效，尤其以前果代，但打係好難掌握，越打越大鑊，驚親子關係無左...

Jane1983

回覆 babywoman 的帖子

係呀，大人放工返屋企，都想抖吓，先做帶返屋企OT的公司野。

sumyau1012

一兩日假無用。或者可以試下，唔要求一次過完成所有，叫佢做完3樣打俾你，放佢玩半小時，再做3樣，再玩。

letea

我呢，由一年級下學期開始，係比哂個主控權阿仔(今年二年級)，只訂明一個條件，除非情況特殊，否則晚七時後不得做功課，只可以睇書同玩

阿仔試過挑戰我呢條條款，有一次真係過七時未做完，原因係拖拖拉拉而唔係功課多，所以，果日係欠交一份功課。

自此，無下次。

pro_teacher_lau

有時小朋友不專心，可能同屋企環境有關，例如冇一張固定的書桌做功課，家人/電視機太吵/見到爸爸媽媽自己都玩手提電話等。

阿仔試過挑戰我呢條條款，有一次真係過七時未做完，原因係拖拖拉拉而唔係功課多，所以，果日係欠交一份功課。

我自己都覺得呢個方法幾work。小時候，我同細老一食完飯(功課都在學校/放學後立即做好) 就會去 屋企付近的YMCA 去玩(有很多玩具)，睇書 (多拉A夢) ，同姑娘傾下計，好開心嫁~ 媽咪都規定左 只可以在YMCA 玩一小時，1小時後一定要返屋企。

mandytanghk

我小兒小二，我比較寬鬆，4點放學回到家會問佢幾點做功課，他自己定，他通常定5點前。 咁我就由佢自由時間，有時睇書，有時玩Lego..., 夠鐘會自己做。通常1個鐘內做完。之後又自由時間。 叫他做功課好煩，但如比佢自己定時間表又ok.

哈利媽

回覆 mandytanghk 的帖子

其實佢嘅時間表都係大家一齊定嘅, 小朋友都唔係一返屋企就即刻要做功課, 佢有45mins 沖涼食嘢同休息, 不過佢係都要過哂時限都繼續唔知攪咩直至有人閙先開工咋.

哈利媽

回覆 pro_teacher_lau 的帖子

我諗我哋已經提供咗好理想嘅學習環境比佢啦, 從bb開始屋企都好少睇電視, 家中亦冇人打機同玩手機, 佢又有自己嘅書檯, 又冇其他人打擾佢 (做功課時多數只得工人/婆婆), 全部文具齊全, 時間表set好, 都唔知仲欠咩.....可能係欠一個full time 媽.