其實我有冇做錯呢!! 大家比啲意見呀 (有啲長)

哈利媽

回覆 小曳人 的帖子

話時話, 我個civil face好似有啲效喎, 昨日佢有好多功課(約10樣), 都可以响7點前做完, 而後來check返都多嘢做錯, 不過我都有理冇理讚咗佢先呀...即管又睇吓今日如何

Jane1983

回覆 IloveJJ 的帖子

咁快？朋友打仔，條痕足足3日，佢被老公鬧，「係都打pat pat，你比人報警拉左，我又要返工，邊個湊仔睇功課？」

little_yolky

Jane1983 發表於 15-11-19 07:21
回覆 IloveJJ 的帖子

咁快？朋友打仔，條痕足足3日，佢被老公鬧，「係都打pat pat，你比人報警拉左，我又 ...

我都藤條鋼尺一齊出動架, 不過唔係打佢, 係打枱面, 打到藤條散咗, 鋼尺曲咗。剛開學教溫英默, 我用自己隻手打枱, 打到手腕腫咗, 睇咗兩日跌打先好返, 跌打師傅問我係唔係練功。老細以為我有家暴, C6真係好無辜。



BTW, 真係純粹分享, 唔知係咪work。
我無同小朋友講要做好功課就可以獲得XX獎勵之類。以前細個, 佢哋自己有做功課, 有溫書, 我會讚佢哋, 唔止係讚自動自覺做, 仲讚埋好難既題目都可以自己諗到答案等等。佢哋睇書, 唔止讚佢哋會閱讀, 仲讚佢哋咁深既書都會睇, 咁特別既內容都會睇, 其他小朋友都無興趣, 真係特別等等。總之, 唔單止讚佢哋主動做功課及閱讀(因為assume這是應該做的, 就好似食飯咁自然), 仲要讚佢哋功課做得好, 字靚, 總之搵嘢讚。佢哋唔知係咪咁, 唔會認為做功課係玩既代價、係苦, 玩先係樂, 所以就算懶得要死既阿妹, 都係會回家先做功課, 從不拖拉(當然只做一半, 另一半話唔識做, 當然也可能係學家姐)。唔識做的功課, 坐一邊陪做, 引導佢, 佢諗到會好開心, 又要摸吓頭仔讚兩句, 唔駛錢, 唔駛玩具, 無等價交換, 免費的。做功課時大家好開心, 笑到哈哈聲, 所以响做功課上無負面情緒。

MASAYA

little_yolky 發表於 15-11-19 08:38
我都藤條鋼尺一齊出動架, 不過唔係打佢, 係打枱面, 打到藤條散咗, 鋼尺曲咗。剛開學教溫英默, 我用自己隻手 ...

我老婆話佢老豆以前試過一掌打散張枱, 自此之後佢就好聽話, 但 (我覺得) 換來青春期後性格衝動, 直到現在

little_yolky

MASAYA 發表於 15-11-19 08:45
我老婆話佢老豆以前試過一掌打散張枱, 自此之後佢就好聽話, 但 (我覺得) 換來青春期後性格衝動, 直到現在 ...

嘩, 細伯內功心法都好厲害喎。

不過我同意架, 阿細脾氣比較暴燥, 家姐一聽到鬧人聲音就會變得好不安(就算唔係鬧佢), 加上自己血壓, 所以, 近日無鬧人, 放工回家吃飯教功課, 無功課教就學是非, 和樂融融。

MrBeast

MASAYA 發表於 15-11-19 08:45
我老婆話佢老豆以前試過一掌打散張枱, 自此之後佢就好聽話, 但 (我覺得) 換來青春期後性格衝動, 直到現在 ...

佢係咪姓葉？有時自己認唔住發火之後補wok講下自己在公司mung時會攞電話出氣，wah，以前d電話好kum ga, 幾大力拍都唔爛。

ckh311

原帖由 MASAYA 於 15-11-19 發表
我老婆話佢老豆以前試過一掌打散張枱, 自此之後佢就好聽話, 但 (我覺得) 換來青春期後性格衝動, 直到現在 ...

嘩，外父好勁喎

wing.2bb

我情況差不多，我兩公婆要返工，主要姐姐湊。放學要佢吃完茶點抖一陣後要開始做功課，佢竟然顧住同細佬玩下，hea 下慢慢做啲又玩下，到我放工返企成8點幾仲有3-4成功課未完成, 晚晚搞到10點幾11點先瞓，根本連書都溫唔到。嗰段日子我係日日黑面日日鬧佢搞到親子關係唔好。最後無辦法要佢去功輔班。亦好彩揾到間唔錯嘅補習社我先至勞少好多氣

大公仔

其實，小朋友已返了整天學，放學梗係想玩下，我會睇當日嘅功課多唔多，如果唔係太多，就俾小朋友玩一陣先開始做功課，玩前最好同小朋友約法三章，玩幾耐，咁佢地就會心甘情願去做，如做得快，仲可有時間玩多陣㖭，大家開心

Jane1983

回覆 IloveJJ 的帖子

適量體罰其實吾係吾可以接受，中國人社會多少都有，亦有效，係好難拿捏點為之適量...

wan_sosin

原帖由 Jane1983 於 15-11-19 發表
回覆 IloveJJ 的帖子

適量體罰其實吾係吾可以接受，中國人社會多少都有，亦有效，係好難拿捏點為之適量... ...

6歲前幼兒，因為做了不當行為，危險行為，打下patpat驚戒下可以，打完之後可以抱抱，唔嬲父母，知自己錯咗，可以叫做打得適量！
但大個咗而因為學業問題，唔多認為打係有效方法，學習並非道德問題，不致於要用打來罰，學習方面最好都係用鼓勵，稱讚，獎勵方法比較好！不過有時忍唔住發火都總有，唔係日日都發火就得！邊個人可以承受日日有人向自己發火！最後會反效果！就算暫時有效，長遠會影響性格發展！

annie40

回覆 little_yolky 的帖子

little yolks, 真的要徹底大聲讚妳了。
隔離讀IS的孩子，得到的學習真諦就是從來唔知「難」，人讀佢地又讀，中學以后功課量和溫習量不少，心情總是嘻嘻哈哈，又無話要一定top top grade, 結果就已經top grade有突了。家長有時落力預警，反而誤導了孩子，認為做好功課和溫書不容易，做事情就背負各式負面想法，事倍而功半。

怎樣把正確訊息傳達給孩子，是門高深學問，觀察幼兒老師便明白，怎麼我們看管兩個已累得要命，人家一對十五，要教知識，班房有秩序，孩子又開心，原來箇中學問深。

little_yolky

annie40 發表於 15-11-19 11:41
回覆 little_yolky 的帖子

little yolks, 真的要徹底大聲讚妳了。

你讚我........我真係汗顏.........我家只係做功課時先嘻嘻哈哈...........溫英默就....................

不過近來心臟唔好, 默書唔合格都無鬧佢了, 反正唔知點解測驗好高分, 只係默書唔得, 所以由得佢了。呢幾日見我無鬧佢默書, 佢做worksheet都快手咗, 話頭醒尾添。


不過我家情況可能係家姐表現好, 正所謂上樑不正下樑歪, 家姐呢條樑立得正, 阿妹跟住做都有番咁上下。

Jane1983

回覆 wan_sosin 的帖子

係，尤其越來越大個，好難，人地果套行得好好，亦吾一定适合自己。
而家小朋友開始大個，聽吓朋友家長講吓，發現吾少差不多年纪的小朋友，讀local又好，IS又好，已有大大小小的行為問題。聽落個心都惊，遲早燒到黎，但打，就怕搞到小朋友吾敢同屋企講，仲煩。

Jane1983

回覆 little_yolky 的帖子

都話你大女好野，幫你搞掂埋細女！

wan_sosin

原帖由 Jane1983 於 15-11-19 發表
回覆 wan_sosin 的帖子

係，尤其越來越大個，好難，人地果套行得好好，亦吾一定适合自己。

係呀！個個小朋友都要父母攪盡腦汁，設計一套計劃比佢哋，無得照抄別人！讀什麼學校都好，其實小朋友都是一樣！