其實我有冇做錯呢!! 大家比啲意見呀 (有啲長)

哈利媽

小朋友己上3年級, 我一向嘅要求係每日放學後沖涼小食, 之後先做哂全部功課 (如果佢要做多數1小時可完成), 然後比佢自由活動(玩同睇電視都可以), 而大家都一齊做咗個時間表, 佢係應承可以做嘅.     
可惜, 頭2年直至依家都係係失敗嘅.......每日佢仍然唔會主動開始做, 而選擇冇所事事咁攪一輪 (但呢段時間我講明唔可以玩玩具同睇電視), 等到婆婆嚟不停叫或收到我電話不停提佢先開功做功課, 雖然.....佢每日最終都可以7pm前做完, 但佢又覺得自己冇得玩同睇電視而唔開心.....另外, 又攪到我每日放工都黑哂面為佢唔自律而勞氣, 成屋氣氛都唔好. 食完飯又唔知攪咩一輪又差不多瞓覺, 其實真係冇咩時間溫習 (只可集中溫默書), 不過佢嘅成績係呢間學校裏係中下, 其實以佢嘅成績同我哋付出嘅努力都算正比, 而我都覺得ok, 可是, 如果要繼續留响呢間學校甚至想原校升中就要再努力啲啦....

昨晚連婆婆都話我, 唔好晚晚返嚟都因為小朋友做功課而勞氣, 是但由佢自己安排, 但係我又真心好想佢有時間玩吓, 咁我應該放寬比佢自由活動完先開工做功課呀..... (可能我自己係超級自律同做嘢有系統型, 我好似有啲過唔到自己心理關口咁), 但長至落去又真係唔係辦法, 大家關係都差咗....

jenniferK

其實係習慣問題。有冇可能請假一兩星期由放睇緊佢跟時間表做？最最重要比佢試到就完功課一定有得玩。佢習慣左之後就可以了。

哈利媽

回覆 jenniferK 的帖子

因為要返工冇可能請咁耐假, 其實婆婆可以每日早啲去, 但咁樣咪一樣冇自律要人睇先做功課!! 呢樣係我最嬲嘅地方

oooray

原帖由 哈利媽 於 15-11-17 發表
小朋友己上3年級, 我一向嘅要求係每日放學後沖涼小食, 之後先做哂全部功課 (如果佢要做多數1小時可完成),  ...

呢D問題我每日都面對緊。玩呢樣野, 覆水難收，咪心軟。這是全職家長的難題。另一方面，放工你又唔使黑面，今日做得唔好咪听日做好D。做得快嗰日咪鬆手D。唔玩电子产品可以放工一齐玩下board game, 比睇电视益智。

momama

你總可以請一兩日假吧

jswailam928

身同感受 日日為功課弄到不愉快
我係全職媽都攪佢唔店
屢勸不改

哈利媽

回覆 momama 的帖子

一兩日假有用嗎?

哈利媽

回覆 oooray 的帖子

其實我係嬲佢日日講完都做唔到呀... 食完飯如果真係要溫默書真係冇咩時間剩, 溫默書又唔係溫1-2次就識嘅人, 叫瞓覺又攪一輪, 總之樣樣都係時間囉...

oooray

原帖由 哈利媽 於 15-11-17 發表
回覆 oooray 的帖子

其實我係嬲佢日日講完都做唔到呀... 食完飯如果真係要溫默書真係冇咩時間剩, 溫默書又 ...

係要鬥智，唔係鬥大聲。罰要狠，獎要到位。戰爭係漫長。有時乖一日衰番3日。唔同年紀又要唔同誘因。我每日都仲學緊野。

muimui812

小朋友天生愛玩，好少會自動自覺，家長要狠下心腸訓練。

我那個，雖然升小一時已約法三章，亦用飯後的遊戲時間做獎勵，但一至三年級都不能一回家快快手完成功課，就算每年都有改善，但仍然非常多甩漏，到我放工仍然找出很多東西未做，有時很難唔發脾氣，但我都會盡量忍，解釋佢知我放工前自己完學校的東西有多好，話佢知你每個拖拉的行為都直接減少遊戲時間，唔係媽咪罰你，係你自己的行為令你自己沒時間玩，將責任交返比佢。如佢仍選擇拖，到夠鐘瞓就好firm咁要佢上床，不用罵不用哦。

小朋友唔係唔明，而係太多引誘（就算發白日夢都好吸引。。。），常常忘了有正事要做。到我回家捉到又會因為自己未做得好而唔開心。

就算如此，我都堅持要佢自己找辦法改善，對佢的要求不改，亦不會請假跟，因你一不在家就會打回原形，白白浪費假期。人漸大會有進步，但不要期望好大進步，有進步要讚，亦會給獎勵（如貼紙，遊戲時間）慢慢到三年級最後兩個月終於沒有欠做。今年四年級才開始不用check功課是否做齊。

看見人家一，二年級已可自動完成功課好羨慕，但沒辦法，自己那個不是，就自己想辦法調教訓練。

Jane1983

佢吾接受做完先玩，其實都吾係吾可以理解。7點幾出門，~4點到家，返足一日學，放學想玩吓都好正常。既然而家都係無得玩(佢覺得)、親子關係緊張和成績麻麻，不如變陣，定落比佢玩先，到5點半要開始做功課，佢玩過，心甘情願，可能效果更好。

little_yolky

哈利媽 發表於 15-11-17 09:55
小朋友己上3年級, 我一向嘅要求係每日放學後沖涼小食, 之後先做哂全部功課 (如果佢要做多數1小時可完成),  ...

拿, 真係幾咁有自律既小朋友都會走精面。好似我大女, 真係自小一已經好自律咁吃晚飯前做晒功課溫晒書(6:00前), 但係, 咁有credit既小朋友, 放暑假時list咗個time table俾佢, 都係愉懶, 樣樣打個六折俾你, 但答你佢有做, 到暑假尾聲先俾我發現, 嬲到我呢。

小朋友無論幾有信用都好, 都係要check緊D, 好似小二暑假, 我check緊咗, 都係只做到八成。今年都係小三呀, 功課多咗, 有時都唔可以吃飯前做得完, 但一定唔可以話玩完先做, 玩到個心創晒, 你都話啦, 其實有心做, 一粒鐘一定做得完的。開始時叫婆婆跟下都無可厚非, 唔可以話小朋友唔自律, 始終都要養成為習慣, 已經小三了, 升上高小, 課程再緊D, 小朋友唔自律真係怕你中下游都保唔住。

nat_tsangyy

身同感受!所有方法都用過.  
現在只有拉住佢行..., 每天都是痛苦的.
有沒有媽媽有方法呢?

oooray

原帖由 nat_tsangyy 於 15-11-17 發表
身同感受!所有方法都用過.  
現在只有拉住佢行..., 每天都是痛苦的.
有沒有媽媽有方法呢?

應該"推"，唔係"拉"。motivation好緊要。現今小朋友衣食無憂，連零用$都唔多需要，要揾D獎勵，set d target, 总比惡鬥互相消耗佳。

yanyan1398

每個小朋友都有不同的性格 .媽媽可嘗試不同的方法 ，看看那一個較有效。 我也在學習中 ，努力！

Rachelmummy2008

回覆 muimui812 的帖子

你好有耐心呀！
有時媽媽就是要一邊指引一邊等待。

little_yolky

MASAYA  小三係高小？  發表於 半小時前


小三唔係高小, 但馬上就到了, 唔通到高小先慢慢再搞? 先知先覺點都好過後知後覺, 最慘既重要係不知不覺。

MASAYA

little_yolky 發表於 15-11-17 13:31
MASAYA  小三係高小？  發表於 半小時前

//已經小三了, 升上高小// <-- 以為妳講緊當下

angela1229

原帖由 MASAYA 於 15-11-17 發表
//已經小三了, 升上高小//

我個仔都係小三，其實可以用獎勵形式，例如同佢講如果佢可自動自覺完成功課，比粒星,儲夠一定數目可得到奬勵，至於甚麼形式的獎勵可與孩子一同協商，小三其實還少，尤其是男孩，偶爾愛玩分心 是難免的，佢哋返咗一日學已經好辛苦，用言語鼓勵，比D甜頭佢哋，雙方關係會好D，加油！

muimui812

Jane1983 發表於 15-11-17 11:53
佢吾接受做完先玩，其實都吾係吾可以理解。7點幾出門，~4點到家，返足一日學，放學想玩吓都好正常。既然而 ...

問題係，要比佢知道佢有咩行為就有咩後果，我唔快快做功課就可以玩完先做，唔好的行為反而有個好後果，咁似乎唔係幾好。。。

我自己就讓佢自己分配，總之我回家前一定要做完。做完就有遊戲時間和我玩，除了電玩其他遊戲都可以，由佢話事，而且有貼紙和bedtime story，係，現在四年級仍然講，佢視之為獨佔媽咪的quality time，唔係為認字什麼的。

至於下午佢幾時做完功課有時間玩，呢個佢自己決定。我知佢選擇食少少野先開工，我無所謂，總之deadline前（ie. 我回家）要交到貨（ie. 做完功課）（其實返工咪又係咁）。但我不會因佢不達標而建議佢先玩，或一定要比時間佢玩。都係果句，佢每個行為都直接影響佢有無時間玩，佢要對自己的行為負責，佢me me moh moh搞到無晒空餘時間去玩，呢個就係佢自己要承擔的後果，無理由要我幫佢想辦法解決。