請問小四既小朋友要學咩可幫助考中學？

mw7183

原帖由 洋蔥頭媽咪 於 15-11-14 發表
個人意見，如為考中學學琴作用不大，除非係演奏級或獲獎無數，游泳都一樣，如非代表學校出賽或獲獎，真係只 ...

去年校際鋼琴攞左第三
今年會再參加
而家有系學校做午善大使明年會叫佢做風紀
朗誦小朋友無興趣唔想參加

mw7183

原帖由 TSEHANG 於 15-11-14 發表
英文oral

報英文Oral ？

Yanamami

小四学太遲了~~小五已係收成期｡仲可以入既辯論隊~

大件仔

亞仔明年呈分, 佢學2種樂器, 其中鋼琴我打算明年改為2星期上一次, 主力谷學術

TSEHANG

原帖由 mw7183 於 15-11-14 發表
報英文Oral ？

好多面試會英語对話，朗讀文章，所以oral好重要！

miriam

原帖由 mw7183 於 15-11-14 發表
咁系唔系報專科補習？

係專科補習

ChapmanMa

原帖由 miriam 於 15-11-14 發表
我囡上過操卷班，佢話無用，上堂一對六，畀份卷佢做，做錯改正，再錯個導師就寫答案落份卷度。

我囡科數係 ...

我覺得操好成績，若仲有時間，多傾計、天南地北，個人興趣，時事新闻，生活鎖事，見下陌生人……乜都討論下……已足夠

miriam

ChapmanMa 發表於 15-11-14 23:18
我覺得操好成績，若仲有時間，多傾計、天南地北，個人興趣，時事新闻，生活鎖事，見下陌生人……乜都討論下 ...

我囡除成績外, 有去社區中心做義工, 學到既野絕非學校可以教到, 點同社工傾活動, 去宿營時要安排小朋友幾日既活動, 照顧同帶恆常班小朋友, 最大得益係訓練耐性, 社工又會講下佢既經驗, 呢 d 有錢都買唔到.

mw7183

原帖由 miriam 於 15-11-15 發表
我囡除成績外, 有去社區中心做義工, 學到既野絕非學校可以教到, 點同社工傾活動, 去宿營時要安排小朋友幾日 ...

仲有時間？

洋蔥頭媽咪

原帖由 miriam 於 15-11-15 發表
我囡除成績外, 有去社區中心做義工, 學到既野絕非學校可以教到, 點同社工傾活動, 去宿營時要安排小朋友幾日 ...

me too ，我仔間中都有響中心幫手做下義工，上次同爸爸以親子形成式幫手看守住攤位遊戲，企足3粒鐘，社工都有讚佢，下個月頭星期六又會去幫手，佢自己都想去，呢啲經驗的確對小朋友黎講好珍貴。

miriam

原帖由 mw7183 於 15-11-15 發表
仲有時間？

小學時由做實習義工到正式義工，只要星期四同五有堂就會去幫手，暑假都係。

依家升中後校隊操練時間多左，好難做足全堂，佢都會襯補習前去一陣幫手或同社工傾偈。

有 d 活動自小去做時，佢會自己安排好温書時間，我完全唔使操心，當然係要佢鍾意先得。

miriam

原帖由 洋蔥頭媽咪 於 15-11-15 發表
me too ，我仔間中都有響中心幫手做下義工，上次同爸爸以親子形成式幫手看守住攤位遊戲，企足3粒鐘，社工都 ...

升中後既星期五我囡會係補習前去一陣，當然唔似以前去到足晒，但對佢黎講真係唔去唔安樂咁架，得半個鐘都要出現。

自細有活動玩開係鍾意，學壞機會少好多。

星運教授

原帖由 mw7183 於 15-11-14 發表
小朋友而家有學緊鋼琴同游泳
請問仲要唔要學多樣樂器？可幫助考中學？



  ...

1.) 出身名小學成績A哂，攞晒獎好威威，思想成熟又主動，屋企又住半山。
2.) 運動學界攞晒獎好威威，預定未來六年都好大機會繼續橫掃學界做靚學校個名好威威。
3.) 出身名小學成績A哂，思想成熟又主動，屋企又住半山。
4.) 出身名小學成績A哂，思想成熟又主動
5.) 出身名小學成績A哂，屋企又住半山。
6.) 成績A哂，思想成熟又主動。
7.) 成績差點A哂，思想成熟又主動。
8.) 成績A哂。
9.) 成績差點A哂
10.) 成績無A，玩過下野，無獎。

如果你係校長，以上咁多種細路，你會收邊種先？

mw7183

原帖由 洋蔥頭媽咪 於 15-11-15 發表
me too ，我仔間中都有響中心幫手做下義工，上次同爸爸以親子形成式幫手看守住攤位遊戲，企足3粒鐘，社工都 ...

系唔系咩任何社區中心都有？

mw7183

原帖由 星運教授 於 15-11-15 發表
1.) 出身名小學成績A哂，攞晒獎好威威，思想成熟又主動，屋企又住半山。
2.) 運動學界攞晒獎好威威，預定未 ...

照你咁講唔系住半山就入唔到B1

YDLFATHER

關鍵是小朋友英文要好, 一定要催谷小朋友的英文,. 要想上BAND 1 中學小朋友英文考試一定要全部取得A.  Oral 對答如流

miriam

原帖由 mw7183 於 15-11-15 發表
系唔系咩任何社區中心都有？

有部份唔係話做就做。

好多小朋友係由細係中心讀課程，到大時社工再按情況揀小朋友學做義工。

我囡係讀兒童課程，讀左年幾後畀佢做實習義工，到 P.5 時社工畀多左機會佢去帶活動，P.6 先做到正式課程義工。

中心有好多義工都係同一課程出黎，有部份讀到大學只要暑假有活動都會返去幫手，有部份去左外國升學，暑假返黎香港都會負責宿營同暑期活動閉幕禮等。

所以好多野唔係到高小時先去諗點樣加插落去，凡事非一朝一夕可以做到。

當初我囡做評估後有問題所以去讀兒童課程，估唔到一路讀落去社工發掘到佢長處，希望取長補短所以畀佢試。

mw7183

原帖由 miriam 於 15-11-15 發表
有部份唔係話做就做。

好多小朋友係由細係中心讀課程，到大時社工再按情況揀小朋友學做義工。

原來系咁明白謝謝

Yanamami

miriam 發表於 15-11-15 16:01
有部份唔係話做就做。

好多小朋友係由細係中心讀課程，到大時社工再按情況揀小朋友學做義工。

絶对贊成，好多野係要時间浸，擺心机落去~唔係到高小先臨急抱佛腳~

洋蔥頭媽咪

原帖由 mw7183 於 15-11-15 發表
系唔系咩任何社區中心都有？

我仔係響果間中心託管數年，同中心社工已經好熟，所以有時會叫佢幫手，好似上次攪嘅智障童生日會，仔仔都有去幫手，不過佢呢啲又唔算係咩正式義工，只係間中幫下手囉。不過如果你有興趣想做，其實可以問下部份中心，我好耐之前層經問過，eg.ywca，你可以填表申請登記，佢地會安排，有課堂會叫你上 ，如合適就會安排去做。