當發現左自己個小朋友係資優

Activehealth

原帖由 vienchan 於 15-10-29 發表
嘩，好多謝你嘅分享呀﹗等我研究吓先﹗我阿仔三年級咋，對佢黎講會太深嗎？
佢暫時無出去上堂，不過都鍾意 ...

Khan Academy 數學可以三年級開始。
阿仔都係Year 4 （相等於本地三年級）開始。佢英文可以嗎？

Khan Academy 只有好少有中文（普通話），其實基本上可以話無。
最方便係用英文學。

小曳人

少少分享
我仔有情緒問題，所以我唔會逃避"資優"呢兩個字，我要佢明白：大部份人思想方法同佢唔同，佢必先接受自己 (及接受其他人)，唔好怪自己先！

我自問EQ唔高，忍耐力有限，我自從兩年前11月做完個評估，就開始參與HKAGE嘅家長小組，大家遇到差唔多嘅問題，唔再覺得以前咁無助，導師亦會每月聚會中講相關議題，學多d... 我有同仔講：媽媽同你一齊努力學習架！

學校生活就... 唉~睇下遇到個咩老師囉！
舊年小二神奇地無被數學老師投訴 (個老師真有辦法！)，今年嗰位... 絕不手軟！衰完校內數學比賽，最近評估又係咁多科當中最低分嘅一科(writing/作文 除外)！但HKAGE導師曾經話：呢d仔，你俾同年 / 深幾年嘅卷佢考，好多時佢都係90-95分左右，唔會太高分！
中哂！因為明白多咗，自己都嬲少咗~

我地都教緊中學數，暑假會學得快d，暫時無諗過外判俾人教，唔想將興趣變成責任，而且少爺掛住玩，連自己d功課都仲要人催，好可能要cut佢d興趣班嚟俾佢free play，anyways, 目標係一科科自修考GCE / IAL 之類公開試

浩霆豬豬

好奇問吓，你哋啲資優仔會唔會好鍾意上興趣班，幾乎乜班都想學甚至可以用cut興趣班嚟威脅佢返學做好啲，否則我認為兼顧唔嚟就要cut咁啲咁佢又會返學做好啲喎，因為驚無得學嘢

Activehealth

原帖由 浩霆豬豬 於 15-10-30 發表
好奇問吓，你哋啲資優仔會唔會好鍾意上興趣班，幾乎乜班都想學甚至可以用cut興趣班嚟威脅佢返學做 ...

阿仔好有主見，佢有興趣果啲，如國際象棋、數學，佢好有興趣上完堂後仲自己練。考琴5級，成日提佢練，佢都無心機。依家考完5級，學唔用譜彈improvisation, 再學自己作曲寫譜，佢又好有興趣。
運動如打兵乓球，跳hip hop、游水（雖然佢識游四式）、踩單車全部唔鍾意，跑步麻麻，但超鍾意滑雪，好多野估佢唔到。

chansiub

小一份卷考90，同時間考佢小四嗰份又係90。你話佢唔小心，佢又唔開心。

chansiub

我很喜歡國際學校的。究竟有什麼我們本地學校家長可以做的呢？每次見到考卷model answer,我怕佢越讀越蠢

964000

原帖由 chansiub 於 15-10-30 發表
我很喜歡國際學校的。究竟有什麼我們本地學校家長可以做的呢？每次見到考卷model answer,我怕佢越讀越蠢:to ...

其實佢咁聰明，你應該教佢估埋老師想問乜野，想佢答乜。

chansiub

學校沒法改變，他自己執生。唯有找一些另外的去補救。

小曳人

其實舊年開始，俾咗哥哥去上英文作文班，主因係接送問題，細佬同一時間上phonics。
佢越上越鍾意，老師好有辦法，兩堂已知呢個仔生字庫驚人，知道點樣佢先會聽話唔搞事，今年九月開學之後，成日掛住玩唔做功課，我地真係話cut佢個writing class架！佢好唔捨得，其實佢唔係咁，我地真係唔會cut，起碼佢多個機會同NET傾計先，始終多接觸好重要...
而且... 不進則退！現時津小小三教嘅嘅英文，仍然不及私小小一下學期

longlokma

原帖由 小曳人 於 15-10-30 發表
本帖最後由 小曳人 於 15-10-30 17:56 編輯

其實舊年開始，俾咗哥哥去上英文作文班，主因係接送問題，細 ...

我以前睇过同事讀SFA个仔的英文書，係深过longman express, 但同依家light house比差不多，我又唔同意有小三比小一咁大差距，計課程，最多是差半年至一年，比較明顯有分別的只是寫作要求方面。不过學習能力高的孩子也不会是等學校教，所以學校教快教慢根本無所謂

ponolunok

資優個問題係學校冇資源配合。好多讀書唔好嘅人其實係喺某啲地方有潛能,但冇被發展,家長亦都唔知唔識點做。家長可能只識畀錢送去補習社希望其他人可收幫佢教。
之前有朋友都係咁,佢自己去學去了解先,效果好好多。佢話其實家長要自己去學點教然後一定要親身教。

Activehealth

依家咁多免費網站，可以孩子跟父母一齊學。
但外國網站以英文為主，孩子英文聽唔明就會減低興趣，好難網上學習。
這方面國際學校學生比本地學校學生有較大的優勢。

小曳人

longlokma 發表於 15-10-30 20:14
我以前睇过同事讀SFA个仔的英文書，係深过longman express, 但同依家light house比差不多，我又唔同意有小 ...

其實主要係SFA小一下學期教past tense，但現時小三都未開學講past tense (除reader)
因為SFA用書係P1用P2書，如果差唔多，都係相差一年
我自己無比較過~

longlokma

原帖由 小曳人 於 15-10-31 發表
其實主要係SFA小一下學期教past tense，但現時小三都未開學講past tense (除reader)
因為SFA用書係P1用P2書 ...

印象中好似小一reader已有past tense, 相信學生已經吸收左，至於正式verb table, 就算唔派，好多仔本身都已經識哂，所以暑期作業是做快一年的。

lillymarie

有時聽到有人話「潛能未展」，都會諗：甚麼意思呢？怎樣才是潛能已展呢？

Activehealth

原帖由 lillymarie 於 15-11-01 發表
有時聽到有人話「潛能未展」，都會諗：甚麼意思呢？怎樣才是潛能已展呢？
...

首先要知小朋友有幾多潛能，未係只估估下。
IQ test 可找出潛能有幾多及在那方面。
因同是資優，剛達標IQ130跟IQ145或以上，相距甚遠。實際差異等同由IQ60（弱智）到資優（IQ130或以上）。
知道孩子斤両有多少，便知怎樣助他發展。
很多資優兒最初都被誤會為頑皮搗蛋，無心向學，其實課程太易，只要調較課程（包括校內校外），他們覺得有興趣及有足夠挑戰，便會竭盡所能，潛能盡展。