拍拖點處理

fion6406

原帖由 ponolunok 於 15-10-31 發表
而家的小朋友好早熟。以前去圖書館偷睇生物課本。而家上網免費真人示範按幾吓就咩都有得睇。
上面有人講唔 ...

「……男仔幾鹹濕，好危險。」嗯……作為有兩個仔嘅阿媽，我覺得早熟嘅女仔係男女關係中最危險最恐怕，主動索求累得男仔監都有得坐、中咗伏就永無翻身。男女關係雙方都有責任，要陷刑責的卻是男方，我覺得損失最大係男仔。……我老公係咁樣嚇D 仔，雖然佢地宜家仲係拾下拾下。

little_yolky

fion6406 發表於 15-11-1 15:45
「……男仔幾鹹濕，好危險。」嗯……作為有兩個仔嘅阿媽，我覺得早熟嘅女仔係男女關係中最危險最恐怕，主動 ...

咁真係要教吓阿仔要帶眼識人了, 唔好識D咁主動的。其實, 如果兩個都係初中生, 衰咗11, 法官一般都唔會判得個男仔好重, 但如果男仔已經係高中生, 面向DSE, 應該有一定成熟程度, 識個初中生仲要衰埋就真係佢既責任了。要知道, 有乜大鑊嘢搞出人命都係女仔受, 所以法例係比較保護女性的。你老公好啱, 等佢仲係十下十下就嚇定先, 唔係就唔知驚了。

mamee

原帖由 fion6406 於 15-11-01 發表
「……男仔幾鹹濕，好危險。」嗯……作為有兩個仔嘅阿媽，我覺得早熟嘅女仔係男女關係中最危險最恐怕，主動 ...

其實我都有咁樣嚇讀中二的阿仔（佢都係拾下拾下）就算你情我願，衰果個都係你⋯都要明白人地阿媽一定痛心，實晤會放過你。

Santana

我女兒跟我說，朋輩同友校幾位男生出來看戲食飯，不過佢冇興趣云云   初中女生對男孩子也很好奇，宜小心處理。

ponolunok

Santana 發表於 15-11-3 12:59
我女兒跟我說，朋輩同友校幾位男生出來看戲食飯，不過佢冇興趣云云   初中女生對男孩子也很好奇， ...

青春發育期,今日冇興趣明天有個男仔主動啲佢就暈咗。

hktraffic

share:

                    中學時，唔准我拍拖；工作後 ，唔准我單身。你到底想點呀？                                                   
「今日既辯論題目係：中學生應否談戀愛」
老師們覺得這題目太有討論價值？還是因為想不出其他題目？總之每年中學的辯論比賽，都會有這題目。
「咩年代呀，仲辯論呢啲題目，Miss 你顧掂自己先啦，自己都嫁唔出，仲學人講咩中學生應否談戀愛」
中學生談戀愛還要用「應否」來評論，讓 Ranee 覺得很反感。看著那位年過三十，依然單身，正在主持辯論比賽的剩女老師，Ranee 就更覺得貽笑大方。
「學生最重要既就係專心讀書，考到好成績，入到好既大學，第時畢業之後你慌你無機會拍拖咩」
母親三不五時的警告不可以在求學時期拍拖，令正處於反叛期的 Ranee 更想嘗試一下戀愛的感覺。既然家長、老師都不想中學生拍拖，那麼將所有學校都變成男校、女校，那不就一了百了嗎？
「各位早晨，相信大家都知道我地學校係嚴禁學生拍拖既，但早前我地就發現咗幾位好曳既同學，好唔聽話，竟然無視學校既規定，偷偷地拍拖，所以我決定要公開呢幾位同學，佢地就係 ….. 」
這天，校長在早會上突然提起有同學拍拖的事，並在全校面前公佈這些同學是誰。似乎拍拖是猶如殺人放火般的嚴重罪行，這些有拍拖的中學生都是甲級重犯，應該要捉去浸豬籠，或者用石頭擲死。聽到校長宣讀的名單中沒有自己，Ranee 與阿 Sam 都鬆一口氣。阿 Sam 是隔壁班的男同學，高大帥氣，正在與 Ranee 曖昧中。以為自己逃過一劫，可是最終依然被那不好好教書，總是做一些狗仔隊工作的班主任發現了。
「Ranee，琴日放學個時我見到你同隔離班個個阿 Sam 拖住手喎，你點解釋呀」
解釋？與男同學拖個手都要解釋？要不要好像參觀完博物館之後那樣寫個五百字的感想，描述自己在過程裡學到的知識和深刻的體會呢？
「你無說話好講啦嘛？好，我同你家長講」
這一刻，Ranee 知道事情已經難以收科。年輕人天不怕地不怕，就是怕父母知道自己有拖拍。
「你個衰女，仲讀緊書就學人拍拖？」
「拍拖又唔係犯法既，我點解唔可以拍拖呀」
「中學生就係唔可以拍拖，你唯一應該做既野就係讀書、讀書、同埋讀書。拍拖？諗都唔駛諗呀，以後唔准再同個個男仔來往呀」
在父母與老師的反對下，Ranee 那還處於萌芽階段的愛情就被硬生生的扼殺了。捧打鴛鴦，這種似乎只會出現於古裝劇的事情，卻切切實實的發生在現代的香港。一向覺得自己很西化的香港人，思想上夠西化嗎？
「係大學，我一定要好好咁識個男朋友，拍返次拖」
經歷過不准拍拖的中學階段，Ranee 帶著對戀愛的憧憬上到大學。可是缺乏戀愛經驗，不懂得與異性相處，初入情場就被 player 玩弄感情。加上自己在擇偶上也是有要求的，最終都是拍不成拖，A 住 grad。
「讀好啲書，考個一級榮譽，第時揾份高薪厚職，你慌你會無拖拍咩」
如母親所願，Ranee 畢業後覓得一份跨國企業的高薪厚職，可是返工後，母親給 Ranee 的第一個任務，卻是以前一直都不允許的，「拍拖」。
「人地張師奶個女，一入大學就揾到男朋友，仲諗住明年結婚呀，阿女你到依家仲係單身，我好擔心你呀」
記得剛上大學時，母親還說張師奶的女兒一上到大學就顧著拍拖，荒廢學業，叫 Ranee 不要學似她那樣。現在人家結婚了，就羨慕起人家了。不知道當初是誰說張師奶個女無出色，浪費了大學學費呢？
「啲嫁唔出既剩女上司真係特別麻煩呀」
轉眼幾年，Ranee 已經晉升為經理。高學歷、高職位、高人工，名乎其實的「三高」女強人。可是 Ranee 身邊都是一些怕自己高攀不起的沒用男人，而年輕的女下屬更在她背後取笑她是剩女。一個年過三十的女性，就不能單身嗎？社會上充斥著對「剩女」的標籤，即使是女權當度的香港，女性依然受到不公平的對待。
「你地嫁唔出，最主要係三個原因，家教錯、愛表現、心頭高，成日吊高黎賣，你係三高既女強人又點，有高薪厚職又點，男人根本就唔當你既三高係一回事」
以前一直不敢正視自己感情上的問題，今天 Ranee 終於勇敢面對，她選擇了去婚姻介紹所。在介紹所的講座上，那位資深媒人狠批在座的剩女。大家聽後都面有難色，但又不知如何反駁，因為她說的並沒有錯。
「Ranee，喜帖我已經寄咗俾你啦，記住個日早啲到呀」
回家後，Ranee 看著那張來自某位舊同學的紅色炸彈，開始反思自己的過去。這位舊同學，就是當年其中一個被校長公佈有拍拖的女生。
「到底我以前讀書既時候學咗啲乜」
學校教你的甚麼唐詩三百首、幾何公式、微積分，並不會對你的生活有任何幫助。在社會上最實用的人際相處、兩性關係，學校卻從不教你。啊差點忘記了，老師們連自己的人際關係也顧不好，又怎懂得教學生呢？
內地著名作家韓寒曾經說過這一番話：
「很多家長不允許學生談戀愛，但畢業後就希望馬上從天上掉下來一個很優秀的人和自己的兒女戀愛，而且要結婚，想的很美啊。」
應拍拖時，不准拍拖。應結婚時，才剛開始學習拍拖。這樣的教育方式，是現代社會應有的嗎？


original link:

http://hkwriterhub.tumblr.com/post/132523130125/%E4%B8%AD%E5%AD%B8%E6%99%82%E5%94%94%E5%87%86%E6%88%91%E6%8B%8D%E6%8B%96%E5%B7%A5%E4%BD%9C%E5%BE%8C-%E5%94%94%E5%87%86%E6%88%91%E5%96%AE%E8%BA%AB%E4%BD%A0%E5%88%B0%E5%BA%95%E6%83%B3%E9%BB%9E%E5%91%80

hermanpapa

原帖由 Santana 於 15-11-03 發表
我女兒跟我說，朋輩同友校幾位男生出來看戲食飯，不過佢冇興趣云云   初中女生對男孩子也很好奇， ...

我仔中一时是男女校，話女仔好煩。中二轉男校，反而識更多女仔。
他交的朋友，我大部分都識，甚至家長也識埋，方便交換情報。同小朋友多溝通，禁拍拖可能有反效果，我比較功利，成績達標，便可以去玩(大班人，而且係要我識，並post相上FB做証)。

germainehui

原帖由 hktraffic 於 15-11-04 發表
本帖最後由 hktraffic 於 15-11-4 16:04 編輯

share:

其實都真係幾矛盾。初中時拍拖又太早了，家長接受唔到，到高中時要考DSE又怕影響成績唔俾拍拖，大學及就業時又未必咁好彩遇到一位啱嘅，咁應該點做啊？

YDLFATHER

germainehui 發表於 15-11-15 11:26
其實都真係幾矛盾。初中時拍拖又太早了，家長接受唔到，到高中時要考DSE又怕影響成績唔俾拍拖，大學及就業 ...

工作後隨緣吧, 好過讀書時早恋

angelfan07

Santana 發表於 15-11-3 12:59
我女兒跟我說，朋輩同友校幾位男生出來看戲食飯，不過佢冇興趣云云   初中女生對男孩子也很好奇， ...

早前我女話同班幾個男同學約佢去游水,我女同我講話唔會去~~

angelfan07

ponolunok 發表於 15-11-4 11:37
青春發育期,今日冇興趣明天有個男仔主動啲佢就暈咗。

應該話,岩佢杯茶約佢就可能已經答應約會

Artie

-----

chocolatebean

annie40 發表於 15-10-23 23:43
樓主，自己對年青人初戀的topic 是太好奇，為了尋找理論與實踐的真諦，前兩年，小女已經渡過其甜蜜的十五歲 ...

你失戀了!

annie40

Yes, teens' 1st love is enormous interesting and cute.  It is funny the boy's mom has the same feeling like me.  失戀也有伴儿真好!!!!

Yanamami

Artie 發表於 15-12-8 14:32
我細個都讀女校，名校嚟㗎，當年都有女生拍拖囉，
估唔到今時今日仍有人以為讀齋校會安全 D。
其實不如早 D ...

係呀~~要細細个教定要点保護自己，点尊重别人，唔好到洗濕个头先説教，乜都听唔入耳囉~我成日覚得，拍拖嘛……係到時到候，受賀尔蒙影响，就有个urge想，呢个年紀摸索紧自己identity,、定位、风格，有異性对自己另眼相看，自然鬆毛鬆翼，自信大增，呢种感覚会上瘾~撇除或影响学業，或佢地唔識保護自己，又或者無考慮後果出事外，其实無对与錯~情况有d似BB仔乜都擺入囗瀬下，就算佢就近有隻鞋俾佢攞到都会擺入囗—样，本能—样……

kimmy2006

原帖由 little_yolky 於 15-10-23 發表
中一啲男仔咁核突又矮得得, 點會鐘意呢, 會唔會係師兄?

你錯了，而家啲細路唔知食咩，個個小五小六都已經標到好高。