6歲小朋友如何操好數學底子？

longlokma

原帖由 Ocean419 於 15-10-15 發表
請問你仲有keep 小一程度的kumon 練習嗎？可以影2張相比我參考嗎？

練習纸做完即棄，全部冇keep啊，唔好意思

JuliaCKL

原帖由 Ocean419 於 15-10-15 發表
請問可以share Taobao link 嗎？

你search 「湊十法」就得，淘寶未到之前，你已經可以同定小朋友講故事，因為我仔仔對故事特別敏感，所以我作咗d故事關於呢5組數嘅關係，例如大哥哥9好照顧小妹妹1，所以佢哋係好朋友，鴨仔2好鍾意戴眼鏡8，媽媽長頭髮7要用梳3梳頭，警察4（4好似yes sir 手）捉咗個肥嘟嘟嘅賊6，大肚姨姨5鍾意同返一樣大肚嘅5傾計。要小朋友記住邊個係邊個好朋友，跟住開始湊十法就易上手

jojoplanet

Ocean419 發表於 15-10-13 19:17
數感好差，簡單心術如6+3，10-7，等完全計唔出，文字題如$10去超市買包餅$8應該找回多少錢連係加或減數都唔 ...

我個仔當年數慨唔得..我比佢學數研好咗.

Ocean419

thanks so much!

Wistaria

計到就冇問題，有些大人也數手指啦

Nath

其實可以試下用蒙特梭利數學教具，有得觸摸可以將抽象既數字實體化。之前係Monte Kids 買過，可以睇下。另外，多玩同數字有關既board game 如大富翁、啤牌等都有助心算。

http://monte-kids.com/default_c.htm

picture

原帖由 Ocean419 於 15-10-13 發表
請問佢學識心算有咩問題？我正想比我仔學珠心算不過我唔會要求佢學得咁advance, 只想佢操好100以內的加減數 ...

平平地Hk100around.   
買個鬼佬算盤，十粒一行，十行一百粒咁數。

再可用來學一百以內加減數。

但缺點你要自己親自教。

picture

原帖由 picture 於 15-10-16 發表
平平地Hk100around.   
買個鬼佬算盤，十粒一行，十行一百粒咁數。

Melissa and Dough brand sold at Toys r Us.

fox@23

以前公司有套生本數學的參考書，是2000年代中頗流行的，這套書的學具做得很好，有幸見過兩樣，心算卡及分數卡，是一流的，自己也可製作，我也做了SET給兒子。

心算卡：用A4紙，直度CUT做4等份，(將張紙打直，然後打橫CUT4份)，便會得4條紙條，底面都會用到。

然後於紙條寫上算式，例如:1+1=? (不用寫答案)，反轉紙條寫上2+1=?，第二張紙條寫上:3+1=?，反轉紙條寫上4+1=?....如此類推，其實每條算式的答案，就是下一條數的第一個數字。大家可以按小朋友的程度出題，題數不宜太少。不用告訴他們找出答案的橋妙，他們會自行發現。可以平常飲茶畀佢睇吓。

留意一定要他們順序睇，睇的時候隨他們於心裡讀也好，讀出聲也好，沒所謂的。很有用的，有同學係油塘一小學教，他們數很出名，學生於小息時就係做這個心算練習。

不過這只是FOR加法，乘法都得。

如果2000年中教書或做過教材出版，一定識生本，如果大家知道生本其他學具，也請分享吓，我也想知道「減法」、「除法」可以怎樣做。

kennycwk

分享下我自己經驗，小女K3開學期初開始學Enopi，原因係知道小一面試某些學校要考數，不準數手指。
我自己能心算，但不懂教，每次我只懂叫她數手指。
我一直有睇佢enopi的功課，見佢由數手指到心算過程如下：
1） 學Counting，要求count到120
2）兩組objects的counting，例如，左手5隻手指，右手3隻手指，counting總共有8隻手指；
3）改用心黎做counting，代替要望住手指黎count，例如：6+3，由6開始，之後數3個數字，7，8，9，答案係9。開始有心算的假象，雖然老師叫她不要讀出聲，但還是口嗡嗡。
4）唔知點解，慢慢便不用口嗡嗡咁count，隨口能說出單位數答案的加數
5）學習雙位數答案的加數，例如9+6，就會學到「合十法」，即（1+9）（2+8）.....
小囡懂了單位的加數，之後我就懂教了。

4月10日媽媽

其實最緊要明白概念 , 建議用實物, 形象化如用10個1元取去8個, 餘下多少? 等等,憑空想是很抽象的話慢慢來!

Olympian

原帖由 kennycwk 於 15-10-16 發表
分享下我自己經驗，小女K3開學期初開始學Enopi，原因係知道小一面試某些學校要考數，不準數手指。
我自己能 ...

很好的分享啊！我仔單位加減有時數手指，有時口噏噏，有時一望寫答案。希望佢快d領略到湊十法。其實兩年前老師試過咁教佢湊十法，但係唔成功，所以我比仔數返手指。其實小朋友學加減數個過程就係咁。正常會慢慢甩掉數手指。大人心算都多用湊十法。

kennycwk

我覺得應該鼓勵小朋友用心算計算單位數，不要太過依賴手指這輔助工具。或許用殘缺做比喻太敏感了，可能改用揸筷子做比喻，現時也有成人揸筷子的方法並不正確，對吃飯夾餸沒有影響，也能吃得飽飽，健健康康。不過，我會選擇嘗試糾正小女的手勢，正確拿筷子在操控上確是較好，固然嘗試過還是不行，那就沒法免強，亦不是什麼大不了的事情。

Ocean419

原帖由 kennycwk 於 15-10-16 發表
分享下我自己經驗，小女K3開學期初開始學Enopi，原因係知道小一面試某些學校要考數，不準數手指。
我自己能 ...

多謝你的分享！你提及的1-4我都明我小朋友都基本做到，但5）10合法的例子9+5他就卡住了。你的意思是把5拆開為1+4，所以9+5=9+1+4=10+4=14嗎？這方法對佢黎講有點困難，如果用紙筆慢慢遂步寫出來他應該是明白的，但要心算就...

Olympian

原帖由 Ocean419 於 15-10-17 發表
多謝你的分享！你提及的1-4我都明我小朋友都基本做到，但5）10合法的例子9+5他就卡住了。你的意思是把5拆開 ...

減數仲難 。例如13-7= 10-7+3

Olympian

原帖由 Olympian 於 15-10-17 發表
減數仲難 。例如13-7= 10-7+3

上次聽講座，關於如何協助數學弱的小朋友，教育心理學家comment呢個方法，theory 係好，但實行係上來又唔係咁成功。我諗要叻少少先快pick up 到。所以我比仔佢數返手指或係心入面數。不過遲d會再試下。

Ocean419

原帖由 Olympian 於 15-10-17 發表
上次聽講座，關於如何協助數學弱的小朋友，教育心理學家comment呢個方法，theory 係好，但實行係上來又唔係 ...

你小朋友也是6歲嗎？其實10以內心算要求對小一程度算太高嗎？

wan_sosin

原帖由 Ocean419 於 15-10-17 發表
你小朋友也是6歲嗎？其實10以內心算要求對小一程度算太高嗎？

剛上小一，再比D時間數下手指，其實問題不大，到下學期至小二前，如果能十以內用心算，就已不錯。

Olympian

原帖由 Olympian 於 15-10-17 發表
上次聽講座，關於如何協助數學弱的小朋友，教育心理學家comment呢個方法，theory 係好，但實行係上來又唔係 ...

仔7歲了，小一。10以內有時還會數手指。比如剛剛我口頭問佢6+3等於幾多呀？佢會拎6隻手指出來，跟住好快話9。即係加3個道佢冇拎3隻手指出來數，係個心數。係奇怪d，但佢有自己有方法。我相信10以內慢慢就唔會再用手指。

kennycwk

對，開始時會寫個1在5的旁邊，記住個5少了1，慢慢便不用了。