新人加入

samji

仔仔2歲8個月, 剛做了測驗後醫生話有自閉傾向, 並已轉介社署排緊i位。

我一向唔係虎媽, 甚至可以講係hea媽, 我從來只想佢做一個開心寶寶, 唔鍾意比較, 唔想俾佢壓力學呢樣學果樣亦冇報讀N班。

就算覺得佢學講野慢又冇人地咁叻，我最多咪辛苦D, 報多幾間幼稚園博多幾個收生機會囉。

就算依家醫生咁講, 我都只當係排多條隊, 大D機會有幼稚園收佢咋。。。

屋企人關心阿仔, 明明醫生只安排了排i位, 佢地都要搵好多資料俾我, 又言語治療, 又早前教育, 又話我依家唔俾壓力佢, 第日承受既係家長自己

help.....各位jm可唔可以share D經驗俾我

yiyi0401

原帖由 samji 於 15-10-09 發表
仔仔2歲8個月, 剛做了測驗後醫生話有自閉傾向, 並已轉介社署排緊i位。

我一向唔係虎媽, 甚至可以講係hea媽 ...

你好，想請問你點發現仔仔係而帶佢去評估？

你咁樂觀正面係好架，加油!

samji

原帖由 yiyi0401 於 15-10-09 發表
你好，想請問你點發現仔仔係而帶佢去評估？

你咁樂觀正面係好架，加油!

我從來都冇發現仔仔有任何問題, 只知佢講野唔叻, 佢出世時因為頭仔大, 所以keep住都有睇政府兒科, 而健康院既2歲檢查亦唔合格, 所以轉下轉下就轉左黎呢度評估啦

maggieandrachel

支持你，平常心對待。A寶寶更加需要家人的關愛同痛惜。
不過自閉係好大嘅範圍，你嘅寶寶主要乜問題？

samji

原帖由 maggieandrachel 於 15-10-09 發表
支持你，平常心對待。A寶寶更加需要家人的關愛同痛惜。
不過自閉係好大嘅範圍，你嘅寶寶主要乜問題？



  ...

唔夠eye contact, 當佢專心做緊一件事既時候就唔多鍾意應人

maggieandrachel

听落唔係好嚴重果地。不過，如果小朋友鐘意，做地訓練幫下佢都好。

yiyi0401

原帖由 samji 於 15-10-09 發表
唔夠eye contact, 當佢專心做緊一件事既時候就唔多鍾意應人

我仔都係咁，所以我好擔心我仔都係A仔，而且佢樣樣都發展遲緩，我好想知道點可以幫到我仔

yiyi0401

你係去邊到評估架？謝謝

irenelwl

做治療應該無壓力的，你自己唔高要求，不要迫孩子即刻識，跟足治療師做就好。唔係叫比壓力佢，相反適時的介入係幫小孩成長，減低長大的負面影響。舉例，我女發音不正，5歲先排到協康治療，一直做，上左小學跟學校st做，小二有一次，他同學說聽唔清楚我女說話，叫他不要說了，他不開心回來跟我說。我心痛他，但無奈是事實，幸好經過幾年治療，現在已好了很多。所以我覺得適時的治療係重要，而且言類治療師都會用輕鬆，活動，有趣的方法教兒童，不用太擔心給小孩壓力。

samji

原帖由 yiyi0401 於 15-10-09 發表
你係去邊到評估架？謝謝

政府既診所, 係健康院轉介的

pocoyo123

適當訓練和壓力無關, 如果放著不理, 有機會年齡越大, 其他問題會陸續浮現, 可以搵一些小組課程上下, 當學前訓練

Jcat

其實家長要清楚自己既心態, 你係出於谷孩子, 還是幫孩子?
例如孩子大肌肉差, 你會多帶佢去公園攀爬, 希望幫助他大肌肉強壯D. 咁算唔算俾壓力孩子呢? 現代孩子都聰明的, 佢知道什麼自己掌握得好, 什麼唔叻, 咁佢去到公園唔願意爬, 你鼓勵佢爬高爬低, 孩子都有壓力架喎, 咁係唔係佢唔想做就唔好迫佢?
孩子仲細, 訓練會事半功倍. 如果黃金時期唔幫他一把, 佢漸長大, 佢既弱項會影響社交, 孩子的自尊心會受損, 更唔想和別人相處, 或者相處得不容易.
我自己都係星孩媽媽, 孩子能有自己朋友, 建立自己的社交圈子, 是我的願望, 我相信也是很多星媽的願望.

Jcat

我孩子兩歲半已做評估, 當年大小肌delay半年, 言語delay一年, 社交也有問題, 不過佢只係輕度架咋.
這四年間無停過訓練(之前私家, 後來政府), 到今年升小一了, 學前評估結果, 大小肌追到同齡, 言語仍然delay半年, 社交進步了只需家居訓練.
足足四年時間, 佢已是好好把握了黃金期的訓練, 但都只係追到"正常". 不過一切都值得, 現在他已是一個有自信又開心的小學生. 因為孩子四歲開始自尊心建立既敏感時期(正常孩子都一樣), 佢由初初好多野做唔到, 到慢慢著眼自己的進步和"做到了"既滿足感, 都係建立緊佢既既自信心. 佢有自尊和自信, 更容易融入社會, 加強社交.

marcoyuen85

Just, 有否分享做了咩訓練同埋有冇試其他療法？

vincelo29

原帖由 Jcat 於 15-10-10 發表
我孩子兩歲半已做評估, 當年大小肌delay半年, 言語delay一年, 社交也有問題, 不過佢只係輕度架咋.
這四年 ...

jcat,我好贊同你的說法，我兩個兒子都係在2歲半評估言語社交緩慢，遲同齡九個月，有自閉傾向，我即開始同他們接受言語治療，早期啟導課程，感統訓練，大小手肌沒有問題，現在就來3歲，剛在政府做言語治療評估，言語仍慢，不過認知已同同齡一樣，所以盡自己能力，回家再訓練，希望讓他們吸收多的，幫助他們！

Vicky_Kwong

回覆 samji 的帖子

其實也不是要給孩子壓力，只是儘早安排訓練給孩子，對孩子的成長也有幫助。要知道6歲前是黃金期，小孩的吸收能力是遠遠超乎所想。我細仔在2歲3個月也被評估為自閉症譜系，也正在排政府的兼收位，不過輪候時間太耐了，為了能快點幫到孩子，我自己在外找些訓練給他，坊間也有很多不同的機構可提供服務，有些是有資助的，我自己就找了協康。我家孩子接受了兩個月的訓練，已見到進步不少，由沒有眼神接觸，到現在他會主動邀請你玩、主動分享有趣的事物。由不肯與人一同玩，到現在會想邀請小朋友一齊玩，這一點一滴的進步都是出乎我所想。所以，不是要你做虎媽，而是作為媽媽，要如何幫助孩子能融入這個社會，讓他能自信地成長，這點才是最重要。

Jcat

回覆 marcoyuen85 的帖子

marcoyuen85 我孩子有做職業和物理治療, 有言語治療和社交小組.
之前升小一前有小一適應班.
近半年開始用精油, 效果唔錯.

samji

原帖由 Vicky_Kwong 於 15-10-12 發表
回覆 samji 的帖子

其實也不是要給孩子壓力，只是儘早安排訓練給孩子，對孩子的成長也有幫助。要知道6歲前 ...

都有人叫我搵協康會, 但我問過要$570/50分鐘有點貴, 請問你小朋友要上幾多堂協康會架?

Jcat

samji 其實協康會已算"平"了, 治療費用係好金的, 而且係長期做, 唔係做十次八次就完成, 係以"年"去計算.
所以我地成日話政府無資源俾我地囉, 有一個SEN兒童, 又未排到政府訓練, 又唔想白白浪費黃金期的家庭, 無論精神和經濟都好有壓力.

Vicky_Kwong

回覆 samji 的帖子

其實你可以申請協康的兒童訓練津貼，如果你符合資格，最高資助額是$6000。另外，也可以參加協康的荒漠甘霖計劃(為期一年)，包括有幼兒訓練及言語治療，如符合資格，幼兒訓練一堂$100、言語治療$150一堂，可以是個別或小組的，視付治療師評估完覺得小朋友適合上個別還是小組。我仔仔都參加了這個計劃，剛上了4堂，進展不錯~另外，政府的關愛基金也有一個學習津貼，如符合資格，到政府指定的其他機構上訓練(都幾多選擇)，費用是全免的，直至你排到服務為止。你可以問問跟你的社工。