用戶登入
用戶名稱:
密      碼:
搜索
教育王國 討論區 資優教育 我個仔是資優嗎?
樓主: Ethanbb18
go

我個仔是資優嗎?

Rank: 8Rank: 8


15280
發表於 15-10-11 23:54 |顯示全部帖子
zngo 發表於 15-10-10 11:42
我小朋友在小一前都只有玩、玩、玩……,我們多在家玩玩具,有時去公園行山等,真係一直冇留意佢識D咩,同 ...
同意, 有資質反而唔好花咁多時間去學業, 利用佢學習優勢, 可以將時間花去更值得用既地方
教養孩童,使他走當行的道,就是到老他也不偏離。
Learning to Read, Reading to Learn.

Rank: 3Rank: 3


213
發表於 15-10-13 12:32 |顯示全部帖子
zngo 發表於 15-10-10 11:42
我小朋友在小一前都只有玩、玩、玩……,我們多在家玩玩具,有時去公園行山等,真係一直冇留意佢識D咩,同 ...

我大仔都好有自己思想同見解,好易鑽牛角尖。佢而家4歲, 我都無諗過要去check, 但最近開始情緒有問題, 脾氣差咗。

Rank: 3Rank: 3


128
發表於 15-10-19 16:13 |顯示全部帖子

回覆:我個仔是資優嗎?

大家可比d意見嗎?
我囡宜家2歲8個月,我ftm, 自小佢已經好定,好calm, 係外面環境唔多笑,較緊張
自小已很喜歡學野睇書,一歲已可坐個幾鐘不停睇,一歲多已識各種colour,認得好多英文字
我估佢宜家既英文認字量超過一百,宜家開始喜歡認中文字,英文拼音自己學識,一d未見過ge英文字,自己好容易拼出黎
小肌觀察力都好強,二歲可砌60塊砌圖,宜家玩貼紙薄一定要貼到唔出界,亦好多時可做到
講野句子好長好清晰,可用許多不同詞彙,但只限對住我和幾個較熟的家人
宜家n班左個半月,冇喊,係學校唔講野唔唱歌唔做動作,其他食茶點去廁所做手工之類全部on task, 返到屋企全部兒歌識唱識唸,但成日同我講返學掛住媽媽...好辛苦...唔駛同人講野....淨係掛住媽媽就得之類.....
就好似今日,亞囡話排隊有同學撞開左佢,我問佢有冇跌底有冇痛,佢話冇. Ok, 咁我跟住話「如果下次跌底/痛,就要話比老師聽」佢即刻話「唔駛啦!我自己企返起身就得」
總之我就覺得佢好抗拒同同學老師講野,even遇到問題都寧願自己解決.
請問大家可比d意見,可點處理?



Rank: 5Rank: 5


1822
發表於 15-10-29 12:54 |顯示全部帖子

回覆:我個仔是資優嗎?

我覺得似你狂train佢多啲喎



Rank: 5Rank: 5


2639
發表於 15-10-29 16:23 |顯示全部帖子
caroljoyful 發表於 15-10-19 16:13
大家可比d意見嗎?
我囡宜家2歲8個月,我ftm, 自小佢已經好定,好calm, 係外面環境唔多笑,較緊張
自小已很 ...
咁似我個女細時嘅,又係吾鍾意出聲,K1仔評語居然係:個性謹慎! 佢又係咁上下歲數,做你講嘅野...一歲去上playgroup,吾肯跟動作吾唱歌,吾郁齋睇....係幼園年年比班主任話吾出聲,又吾多鍾意同同學傾計
以前我都好擔心,K1-K3都係咁,覺得佢有點奇怪,升小後,發現原來佢係好有自己想法,吾想人搞佢.....
只不過自己會超緊張,因為對自己有要求...


我女而家10歲啦,問題又不大喎,可能佢間小學吾傳統,又吾係太大pressure,慢慢佢覺得安全,就打開鎖住自己道門,而家都幾多朋友,仲成日約老師 lunch,日日開心上學,學習上自己都handle倒,緊張情緒都有時會有,不過吾嚴重,班主任話佢對自己要求高喎...

而家望返轉頭,覺得其實都無壞嘅,佢地有自己方式,只要吾傷害到人,你個女如果解決到就由得佢自己解決lor,如果有情緒或社交大問題可以上course,或者你自己先上course了解下,我自己以前無上,所以對於佢地一d問題吾識好處理,搞到較多磨擦, 自己又EQ低,易發火....
不過或者要提下佢叫人,因為我女以前見到老師,直情緊張到吾識叫人,老師吾明白,可能會覺得佢無禮lor

另外,多d教佢同理心lor,因為人地撩你都成日吾出聲,人地會吾開心㗎,亞媽都會瘀瘀地添....

Rank: 3Rank: 3


128
發表於 15-11-4 10:14 |顯示全部帖子

回覆:idy926 的帖子

多謝你意見!我囡又係上playgp唔唱唔郁,同埋宜家係幼稚園都係,唔唱歌唔講野,我覺得其中一個原因係佢知道就算唔講野,都會按時間去廁所、食茶點、玩玩具....!老師都冇佢乎.....所以佢覺得冇講野既需要...但係佢對住屋企人就好多野講,古靈精怪....佢話自己係校車都有唱歌tim...
所以我唔明佢點解唔肯係學校講野...
我都知性格都有影響....但拿地問佢十問十唔應,始終唔係咁好咁...唔知可以點呢?
你囡囡細個時一直係咁?有沒有咩方法呢?



Rank: 5Rank: 5


1130
發表於 15-11-5 18:10 |顯示全部帖子

回覆:caroljoyful 的帖子

睇哂咁多個post真係獲益良多,其實我都好明白大家都係新手媽咪,發覺個仔/囡比正常小朋友超前嘅喜悅,比起其他小朋友不同嘅擔心。

好多有經驗嘅前輩媽咪分享比我地知[唔洗擔心],其實唔代表叫我地放手咩都唔理,只係放手唔好將件事放大同太緊張。相反,建議我地多去了解同學習資優嘅教育。

當你睇多左書,了解多左。就明白前輩們叫我地[唔洗擔心]嘅意思係將有意義嘅時間同心機,放喺徳育、人際關係、親子關係等等之上,到左適當嘅時間,如果真係有需要嘅情況(如有情緒問題)先去check. 言下之意即係如果冇特別情緒問題就唔使特登去check分數,亦不要為呢個分數太在意。

我都係新手媽咪,本身個人亦都屬於好緊張嗰種,但我嘅緊張只會放喺為小朋友嘅事前嘅準備,到適當時候就要放手。以前見小囡比正常小朋友超前,內心又興奮又擔心,深怕自己疏忽令小朋友損失了什麼學習嘅時機同機會。但我而家諗通左了,越了解資優是怎樣,就越明白咩叫急都無用、迫都無謂。

學業上,佢地既然有個底,只要有適當指導配合學習動機,呢方面就不用擔心了。所以我地家長嘅責任,更多嘅係點去教識佢地點去愛人同愛自己(徳育)、比環境同機會佢地去自我學習(學習動機),避免成為低成就資優就好了。

有JM發現自己小朋友喺屋企好多野講,番學就企定定觀察。其實部分資優小朋友唔即時去嘗試好可能係因為佢地處於觀察同學習緊嘅模式中,佢地會等到自己有自信一定做到,先至嘗試。當中係有一些係自尊心重怕失敗嘅感覺,亦有些係佢地內心上明白點做,但生理上未支持到。呢種心理同生理嘅唔同步係好需要我們家長嘅同理和鼓勵,更加好嘅做法係分享我地自己嘅經驗去身教嘗試。

我喺個囡兩歲左右發覺佢與別不同,但慶幸小囡情緒很好,亦有很好嘅學習動機。配合我地嘅教育理念,揀左一間愛心型學校。配合佢嘅學習動機,學習模式行IB。配合佢嘅性格(固執),除左影響身體安全嘅事之外都比佢自己決定減少爭執。

因為家族中有兩個低成就資優嘅關係,令我覺得學習育兒嘅重要性。我地全家用無比嘅愛同關心對待囡兒,不用太著意將資優同成續掛鉤,大家會活得開心。純分享



Rank: 4


888
發表於 15-11-5 23:48 |顯示全部帖子

回覆:bennyeva 的帖子

請問你們睇咩書呀?我係新手媽媽,囝囝在15個月,已經識講哂及認得哂1-10,A-Z, 在10個月已經認哂同識講基本 colours, & shapes, 好多英文單字都識講,其實我咩都無特別教佢,只係俾書佢自己睇,及有時俾dvd佢睇,我無諗過佢會識哂

我其實最擔心係點同佢溝通! 佢幾個月已經好專心睇每一樣野,我初初都覺得係bb都好奇架啦,但返左pg之後,發覺比其他小朋友快識野好多!

我之前都有開始留意d post, 我都唔敢同人講,d人一聽就比較,其實擔心多過想比較啦,所以我都好明要搵到知音人先傾到



Rank: 5Rank: 5


1130
發表於 15-11-6 12:02 |顯示全部帖子

回覆:nyip 的帖子

其實人嘅擔心同恐懼有部分係建基於對事物嘅唔了解。所以早點去學習資優係咩一回事,你嘅擔心就會少好多。當再發問嘅時候,前輩們比嘅意見就會理解得更透切。

圖書館有好幾本書有用,之前亦有好多JM post 過,我都係聽完佢地講,借完睇過覺得好先去買嘅。不過如果你要我揀一兩本嘅話「資優兒童親職學教育」、「家有資優兒:父母教養指南」都 ok。如果睇完覺得小朋友可能係過度敏感兒嘅話,可以睇「孩子,你的敏感我都懂」。過度敏感不是病,好多資優小朋友或普通小朋友都有機會有的,睇完你就明。

我除左老公之外都無同人講過阿囡嘅特別,反正講左人地都唔明亦未必有心去聽,自己知咪好囉。好彩小囡除左細個嗰時比較堅持己見之外,就無其他特別問題,所以我地當個囡係比較聰明嘅小朋友,件事就簡單好多。睇嗰d資優書咪當育兒書咁睇咁教,而家佢都肯聽我地講,情緒社交亦無問題,所以學習育兒真係好緊要。

當你朋友見到你小朋友識哂d野,難免會有點比較,我只會同佢地講不同小朋友成長步伐不一樣或者係女仔快過男仔之類。當然平時出街嘅時間會有年長級媽咪問下你個囡幾多歲,點解會識呢d之類,咁咪當佢有小聰明囉。另外,老師都未必個個明,仲會話你個囡比較固執之類,但我好清楚佢堅持己見同固執係兩回事,我會分享比老師聽我平時點處理,因為我無可能要求個個老師都係識哂又睇得出資優生。始終而家都係幼稚園,只要老師有耐性,有愛心就夠了吧。

其實我囡中意同大佢兩三年嘅哥哥姐姐玩,佢地玩落左你就會覺得無問題。當年一歲幾其他小孩未肯講野嘅時候,我囡已經講緊故事書,咁我咪比佢同三四歲嘅講故事書囉,大嘅哥哥姐姐又會好好照顧佢地,幾好呀。而家佢又係鐘意大嘅姐姐,咪隨佢囉。

至於同唔同同學玩,係無得迫,之前個囡好想同佢一樣年紀嘅小朋友玩,但因為種種嘅不同步好無奈。後來佢自己發現左一套,就係幫老師照顧其他小朋友同維持課堂秩序,好自然吸引到其他小朋友同佢做朋友。我相信佢而家都唔知兩歲班時自己做左大家姐,當然我地將來都唔會話比佢知,等佢自然發展囉。

其實我講咁多,係因為想大家個著眼點唔好以為「資優=績優」,想大家嘅小朋友有個快樂童年。



Rank: 5Rank: 5


1002
發表於 15-11-7 01:49 |顯示全部帖子

引用:睇哂咁多個post真係獲益良多,其實我都好明

原帖由 bennyeva 於 15-11-05 發表
睇哂咁多個post真係獲益良多,其實我都好明白大家都係新手媽咪,發覺個仔/囡比正常小朋友超前嘅喜悅,比起 ...
very well said! thank you



Rank: 3Rank: 3


128
發表於 15-11-9 10:48 |顯示全部帖子

回覆:我個仔是資優嗎?

Thx for the sharing



Rank: 8Rank: 8


15280
發表於 15-11-9 11:51 |顯示全部帖子
bennyeva 發表於 15-11-6 12:02
其實人嘅擔心同恐懼有部分係建基於對事物嘅唔了解。所以早點去學習資優係咩一回事,你嘅擔心就會少好多。當 ...
你係一個有智慧既家長,小朋友一定可以愉快成長,對你有信心

點評

bennyeva  謝謝你的鼓勵, 一起努力 :)  發表於 15-11-11 13:19
教養孩童,使他走當行的道,就是到老他也不偏離。
Learning to Read, Reading to Learn.

Rank: 5Rank: 5


2639
發表於 15-11-9 17:13 |顯示全部帖子
caroljoyful 發表於 15-11-4 10:14
多謝你意見!我囡又係上playgp唔唱唔郁,同埋宜家係幼稚園都係,唔唱歌唔講野,我覺得其中一個原因係佢知道 ...
係呀,5歲前都係咁,頭頭我怕佢聽吾明英文同國語所以吾出聲,但老師話吾係,只講一次,佢自己做啱晒D野,咁我又無理lor...我問佢好多次點解吾講野,佢只係話:驚驚...我都好吾明....咁你有無問你小朋友點解呢?
我女又係係屋企口水多過浪,到而家d老師都吾信,我真係好想怕條片比老師睇下佢真身,佢小1開始好d,上年話佢溝通同領道才能有好大進步,今年做左head prefect,我覺得適合的小學都好重要,佢係自信心方便巳經好左好多....而家佢有時都會係小組討論時吾答野,因為怕錯怕瘀,上次我去資優學苑上堂,請教講師,佢建議我女參加社交小組,不過我女吾多制,佢咁大個無得迫,你可以考慮下

Rank: 5Rank: 5


2639
發表於 15-11-9 17:23 |顯示全部帖子
bennyeva 發表於 15-11-6 12:02
其實人嘅擔心同恐懼有部分係建基於對事物嘅唔了解。所以早點去學習資優係咩一回事,你嘅擔心就會少好多。當 ...
你真係分析得好透徹

點評

bennyeva  謝謝, 新手仍在學習中:)  發表於 15-11-11 13:20

Rank: 5Rank: 5


2639
發表於 15-11-9 17:31 |顯示全部帖子
nyip 發表於 15-11-5 23:48
請問你們睇咩書呀?我係新手媽媽,囝囝在15個月,已經識講哂及認得哂1-10,A-Z, 在10個月已經認哂同識講基 ...
你話你囝囝幾個月已經好專心睇每一樣野,令我諗起我囡囡兩個月大時,只要貼一張揮春係度,巳經可以睇半個鐘,經常都係嘜都睇餐矇,超攪笑,有時咁樣真係好好湊,不過當時真係以為個個都係咁,同人講開,人地吾係咁,自己巳經吾敢再講,又驚人地覺得你囡囡奇怪

Rank: 5Rank: 5


2639
發表於 15-11-9 19:31 |顯示全部帖子
回覆 caroljoyful 的帖子

仲有—様野,我女做乜都好需要心理凖備,有凖備佢會做得好好,但對於突如其來嘅野好大反應,仲記得第—次帶佢睇E生,佢一見人想掀佢件衫,佢幾乎扯甩人頭髮,吾知你囡會吾會咁,你留意下,盡量講定會發生嘅事佢知

Rank: 3Rank: 3


128
發表於 15-11-10 03:29 |顯示全部帖子

回覆:idy926 的帖子

我有問亞囡做乜唔講野,佢冇答我呀!

你話比多d心理準備亞囡,我有d兩難....因為我有時講定比佢聽,佢會係個心諗好耐咁,更加試過夜晚發夢有關既事,第二日零零碎碎咁講d我聽(但係當中既內容係我冇講過或者無從稽考既)所以有時我都諗好唔好講比佢知,我驚加重左佢心理壓力



Rank: 5Rank: 5


1095
發表於 15-11-10 07:55 |顯示全部帖子

引用:Quote:原帖由+zngo+於+15-10-07+發表我阿仔

原帖由 Ethanbb18 於 15-10-09 發表
想問下你仔仔k1-k2除咗學習成績好有冇其他特質?我仔會對唔識既吔有好大學習動力,而且一講就明或記到,之 ...
我個仔都係咁,今年小一



Rank: 5Rank: 5


1095
發表於 15-11-10 07:58 |顯示全部帖子

引用:Quote:Brainwave+發表於+15-10-8+09:48+我

原帖由 cl_kaka 於 15-10-09 發表
有時上嚟呢度,好多人會話,資唔資優又點,都係你個仔,都係咁教㗎啦,但其實當小朋友係咁時真係會擔心㗎: ...
我仔仔都係6歲,我都考慮緊帶佢去做評估。



Rank: 5Rank: 5


1095
發表於 15-11-10 08:00 |顯示全部帖子

引用:Quote:Brainwave+發表於+15-10-8+09:48+我

原帖由 Radiomama 於 15-10-09 發表
其實在這裡會回覆大家的都是過來人,你們的情況不多不少大家都曾經歷。

幼兒時期可以做的就是培育品德、情 ...
我身邊嘅過來人都係咁講。
唔易做,父母自己亦都好好控制情緒。