你願意當這份差事嗎？(轉載文章)

wan_sosin

一篇文章的分享:

你對以下一份苦差的條件有何看法？
每天工作八小時，每天加班一至兩小時，仍未完成工作可下班，但工作必須於指定時間(多數為第二天)完成立即交到老闆枱面。
鼓勵員工於工餘時間多作進修。
一小時午膳時間，午膳不得外出，可以自行帶飯，或選擇本公司已定的食品供應商，每天可有三個餐款選擇，食物不得浪費，否則記錄處分。
洗手間時間需先得老闆同意，也不宜去得太久。
跟八至十四個老闆，每個老闆要求不同，要完全達到每項要求，包括自行帶齊工作所需用品 (公司不會提供文具)，否則獲處分。
需穿著一致工作服飾，包括頭飾及鞋飾，男性必須短髮見耳，女性必須束起長髮，違規者記錄處分。
工作其間不得與人交談，不得離開坐位，不得進食，飲水要先得老闆同意，坐姿要直，不得使用電腦上網或電話與外界接觸，違規者記錄處分。每天若有半小時休息時間才可談話及小吃。
每星期定期需作工作進度評估，每年定期將進行四次工作能力評估 (appraisal)，表現良好者將獲獎賞鼓勵，劣者則獲處分，或會強制性加班工作。

假若小學生是一份工作，這是他們的代遇，可能我誇張了一點，不過可想而知小朋友的壓力其實頗大，分分鐘家裡還有兩個老闆在等著呢。我只是想家長們多點諒解，並做回父母，而非老師甚至老闆的角色，孩子回家要的不是先OT開工，而是玩耍休息與父母建立親密關係的時間
換個角度看看孩子每一天，互勉！

YolandaTam

"洗手間時間需先得老闆同意，也不宜去得太久。"


我先生有朋友(中年男士)曾經喺某日資銀行資訊科技部做過, 去洗手間要舉手, 得上司批准才可以去.  結果做咗好短時間頂唔順辭職.

lily233242

咁嚴!唔願意呀!

juliso

現今香港的小孩子真的不易做。

共勉之！

HKTHK

回覆 wan_sosin 的帖子

不要忘記重點,這份工無人工,不過亦都唔係義工,而係要真金白銀俾錢先有得做嘅工!

S-Kwok

噚日我返學校做librarian, 由0830做到1630，返到屋企真係會咩都唔想做，所以，要好好體諒小朋友。

happy_lavender

總之就辛苦啦！

shadeslayer

重有，屋企的老闆，一星期（尤其假日）要求你做幾份兼職！

feiji

如果小學可以改回半日制便好多了。

hehawendy

說得很好⋯ 這是我一直時時提醒自己的！各位媽媽，共勉之！一定不可忘記，由我們小孩第一天出世，我們都只希望同祝福他們健康快樂，其餘的一切比較，學校⋯ 其實真的不是最重要的！

tws2010

回覆 feiji 的帖子

Can't agree with you more.  Half day school is the best choice

Jane1983

而家小學生係幾辛苦，晨咁早起身，返一日學，放學做功課、溫默書、練琴，有時仲有補習、學體藝...好多真係一日無一個鐘時間hea玩

其實真係幾陰功！

suzuki12

所以我今日當呀囡做完功課和溫習後，晚上俾佢跟弟弟玩夠本，玩得好癲, 俾佢釋放壓力。不過，當然係讀書時讀書，玩時玩。

還要提住自己，跟佢嘅功課時要好脾氣，維持和諧家庭氣氛。大家共勉啦！

wan_sosin

IloveJJ 發表於 15-10-6 20:27
所以我係覺得小學生要補習，要學課外活動，好可憐! 雖然有好多人會話啲課外活動係佢地自己鐘意先去，但一個 ...

我都聽有d家長話係個小朋友鍾意,但想像唔到幾歲人就會咁鐘意忙足一日!

under_the_tree

原帖由 feiji 於 15-10-06 發表
如果小學可以改回半日制便好多了。

可能實現到的時候，阿囡都小學畢業了

little_yolky

IloveJJ 發表於 15-10-6 20:27
所以我係覺得小學生要補習，要學課外活動，好可憐! 雖然有好多人會話啲課外活動係佢地自己鐘意先去，但一個 ...

有個朋友女女小四, 因為出年小五分精英班, 今年開始日日補習到八點幾至返屋企, 補習老師仲警告, 如果持續無明顯進步, 要開始cut興趣班。佢個興趣班真係興趣嚟的, 好鐘意, 好投入的。但阿媽堅持一定要先讀好書, 要入到精英班, 要入到B1校, 最慘係佢响北區, 學額唔夠, 雙非勁多

wan_sosin

原帖由 little_yolky 於 15-10-07 發表
有個朋友女女小四, 因為出年小五分精英班, 今年開始日日補習到八點幾至返屋企, 補習老師仲警告, 如果持續無 ...

如果個小朋友唔開心，其實都會影響讀書心情！一個人生活如果唔滿足，邊會有動力！勉強咁去讀書，捱到而刻，將來都會攪唔掂！