但是和却有何分別？

little_yolky

psad2 發表於 15-9-25 16:03
我中文程度不好，雖然....但是和雖然...却有可分別呢？
另外，在書店，有沒有教中文語法參考書介紹呢？

這只是課程內要小朋友學習的垃圾語法, 請小朋友測考時滿足老師的要求就可以了, 有時間陪小朋友看多一點優秀作家的散文或故事書好過。既然你自謙中文不佳, 不會要求你看古文古詩的, 台灣也有很多文筆很好的作家的。到中文長進到一定程度, 你就不會介意雖然.....但是......了。但為了考試攞分, 我們還是要做一些門面功夫的。

little_yolky

psad2 發表於 15-9-29 13:04
謝謝你的回答。古文和詩詞對我來說，有點難度。請問能否介紹一些台灣出色的作家呢？我也很害怕中文科。:thi ...

你首先不要害怕中文科, 害怕係永遠都學不好的。

看來, 你小朋友一定是小學生, 不知道程度如何, 但首先是你要喜歡看中文書, 然後小朋友先會喜歡。小朋友唔會因為鐘意中文而學中文, 一定係因為鐘意的父母或老師陪佢一起學中文, 所以最後才會喜歡中文的。


因為男孩女孩有好大的差異, 而且程度又有所不同。我們喜歡買得奬的繪本, 至於橋樑書, 我就喜歡看小兵出版社、小魯出版社等, 你去「讀書人」書店看看, 問問老闆你既難處, 佢會介紹你的。


如果是男孩子, 可以看《未來兒童》、《康軒》等雜誌, 不過要一齊看, 怕字太深不明白, 就無興趣了。

kp_sin2001

其實這些字無得點解釋的..係助語詞一種, 係要看多一點圖書, 自然會明白, 講時會通順一點, 我個仔我都無教, 只係平時有睇中文圖書, 所以他懂, 但相反, 他不肯看英文圖書, 所以of, in, on,at...就非常弱.

simonwan

學中文唔駛學文法。而家大部分學校系用錯誤方法教中文。至於臺灣作家，其實好多都好好，要我推介就白先勇啦！叫你仔熟讀其著作，中文一定好。至於性取向會唔會有變，就不評論啦！

little_yolky

simonwan 發表於 15-9-29 16:16
學中文唔駛學文法。而家大部分學校系用錯誤方法教中文。至於臺灣作家，其實好多都好好，要我推介就白先勇啦 ...

你唔好一下子就介紹白先勇咁猛啦, 大眾化一D好唔好。

little_yolky

simonwan 發表於 15-9-29 16:16
學中文唔駛學文法。而家大部分學校系用錯誤方法教中文。至於臺灣作家，其實好多都好好，要我推介就白先勇啦 ...

我單位有位中國大陸妙齡才女, 我話學中文唔駛學文法語法咁鬼多餘, 佢就係都同我拗中文係有文法語法要跟, 無法啦, 佢中文好過我, 佢係書香世代。

simonwan

little_yolky 發表於 15-9-29 16:26
你唔好一下子就介紹白先勇咁猛啦, 大眾化一D好唔好。

初中生已經可以睇啦！要學緊系要學好野！數學就話要循序漸進，閲讀唔駛。有興趣就可以直接讀好書，睇睇下就明，最緊要肯睇。

simonwan

little_yolky 發表於 15-9-29 16:28
我單位有位中國大陸妙齡才女, 我話學中文唔駛學文法語法咁鬼多餘, 佢就係都同我拗中文係有文法語法要跟, 無 ...

不用妄自菲薄。書香世代又點，唔一定對。中文文法系學者的玩意，對學生學中文系無用。

little_yolky

psad2 發表於 15-9-29 17:27
謝謝！你說得對，媽媽不愛讀中文書，怎能說服囡囡讀中文書呢？

That's why我囡囡最差係體育。好彩唔駛呈分。

我囡囡鐘意睇書, 係因為由細到大, 阿媽我陪佢睇書時都係陰聲細氣, 笑容滿面, 氣氛好好。平時就見到阿媽似隻哥斯拉

simonwan

現代漢語語法的奠基者是呂叔湘，要看就看他的書。大陸書店有很多現代漢語語法書，尤其是給外國人學中文的書。
不過，我重申，看這些書對學中文系無用。

torunpoland

我幫手重申，學中文不需要學中文語法。學中文語法的是語言學家。學，固然好，但絕非必須。我重申，絕非必須。

rean_chau

小學生無必要學語法，學左亦唔見得會提升中文程度。但是同卻之分，係詞類上。但是係連詞，係主語前，卻係副詞，係主語後。但意思都係一樣。隨住閱讀同程度增長，就會運用自如，無必要係呢個階段細分，因為會涉及其他語法，越教越亂。我以前讀中國語法都讀到想死，根本係夾硬黎既。

Cheeselover

我不敢說中文文法不重要，但看到中文水平江河日下，卻不勝唏噓。學校教授中文，乃中文基礎，學生中文不好，只怪未有時間磨練。圖書館內講述中文文法不少，細心閲讀，再翻看今日書刊雜誌，你自㑹分辨美與醜。
看書要懂欣賞，不是一個＂知＂字，流𣈱秀美的文章，內含文法基礎，我們未能看出，只怪功力未到。
我不認為小學生能看通白先勇小説，知其説而無感覺又何用？小朋友怎會领會一幫被迫退台灣後的大陸人生活，如何理解十七歲的寂寞，更教家長如何解釋孽子？倒不如看些適合他們年紀的小書，朱自清，沈從文，豐子愷，西方翻譯的兒童小説也不失為一個選擇。

little_yolky

Cheeselover 發表於 15-9-30 09:54
我不敢說中文文法不重要，但看到中文水平江河日下，卻不勝唏噓。學校教授中文，乃中文基礎，學生中文不好， ...

我家兩個小娃再等而下之, 我同佢哋讀朱自清, 佢哋居然瞓著咗