小朋友情緒問題

Fifi17

我仔返咗學一段時間，剛剛開始有功課，都係啲油顏色練習。發現佢比較喜歡一啲較深嘅顏色。老師本來只要求做一頁，佢就扭計要做埋之後果啲。想轉移佢視線話同佢用其他紙畫公仔，佢就畫圖形同寫數目字。其實佢之前自學識寫一部份，但突然寫唔到或寫唔靚，佢就發脾氣，問佢點解，佢話唔開心因為唔記得點寫（其實佢3歲都未到，學校又未教，唔識咪唔識囉，我覺得好正常）。跟住佢要我陪佢寫，寫寫下佢就諗數字，由一數到100，再由100數到2000，用英文數。佢開咗學之後，我覺得佢情緒起伏好大，有啲擔心！

MsEvangeline

咁佢社交有無問題?定只係對自己有要求?定只係對其中一項有要求?平時邊個照顧佢?佢係咪似親人中邊一位?呢D可能揭示出佢需要咩.
其他活動?
家人的愛?
家人的習慣改變?

Fifi17

其實佢仲咁細（3歲未夠），佢都冇可能表達到話我知係佢對自己要求高定咩！但我相信家人冇人要求佢要點要點，包括佢父母我哋！
佢平時嫲嫲湊，嫲嫲錫到燶，唔會有要求。
佢講好多嘢，但多數自己明，佢唔大在乎人哋明唔明。所以我都擔心佢返學同人哋溝通唔到。但同其他小朋友相處又算正常，都有爭玩具咁囉！
唯一改變係佢開始返學，要學習守規矩！