小學生生活時間表（要愛孩子多些）

MrBeast

yobdoog 發表於 15-9-22 00:37
功課多，活動也多，今日仔仔才分享，原來今個星期開始，每個小息都有不同的崗位要站崗，所以連小息做功課嘅 ...

至少踏出了第一步，早一兩日前有網友po左snoppy 校長一講座，你看看會否入面有一招兩式能幫到你

kayi0556

我成日叫囡o係學校做得幾多功課得幾多， 返到屋企佢鐘意睇書， 補習老師要佢睇， 之後有時間做佢自己鐘意做的野， 暫時都唔錯， 但星期五就多功課， 大多要返屋企做

simonwan

大部分學生的時間表都沒有每天運動或到公園跑跑跳跳的時間，難怪香港人的體能那麽差（不單跟白人黑人比，就算在東亞地區，同是黃種人，也不見得好）。明白家長的難處，但每星期一次的體育課外活動是不夠的，大家想想辦法讓孩子多多鍛煉吧！運動對孩子的成長絕對比默書重要！

tutik

呀仔今年小三，課程教得很快、功課又多，可能是精英班，老師分外催谷，我個人覺得多到不合理，早兩星期經過催促、利誘、喝駡，情況仍是晚晚11點，自己也有點失控。
近幾日，我直頭坐在他旁邊，篤住佢做，希望佢可以做快啲，仲有時間落街跑下步，去下公園，睇下佢最愛既慢畫，仍努力中！

不得不誠認，呀仔某方面暫時未達標，以精英水平。但又如何，冇唔讀唔得既書，我只想佢健康成長。

哈利媽

唉! 我嗰個唔係做功課慢, 而係缺乏去做功課嘅動力, 已經比咗時間佢休息,沖涼同食嘢, 不過日日都要拖好耐, 所以攪到佢自己冇哂想玩嘅時間

yobdoog

原帖由 哈利媽 於 15-09-22 發表
唉! 我嗰個唔係做功課慢, 而係缺乏去做功課嘅動力, 已經比咗時間佢休息,沖涼同食嘢, 不過日日都要拖好耐,  ...

其實對小朋友來講玩係佢哋天性，但現實令佢哋天性扭曲，每日忙到連玩同休息時間都擠唔出，小小年紀就時時把“冇時間”掛喺嘴邊，想起就覺得可悲…… 說回提高學習動機，我會多提醒仔仔努力讀書同做功課為嘅唔係分數名次或交差，而係賺咗知識。一有機會就讚佢努力和學到新知識，久而久之態度就會有改變

wister

贊成行返半日制，小朋友多啲時間休息同玩！

im_cyt

很欣賞你兒子你態度👍👍真的要給十萬個讚！

cocokan2004

係邊度食早餐?
全日自由時間加埋唔夠1小時?

scyauchris

回覆 yobdoog 的帖子

我這個星期都向她了解為何多左咁多功課和佢如何處理, 大約已了解左七八成。公園就cut到15 mins, 因為還在考慮如何再如何分配好時間。功課時間是每20mins break 10 mins, 可能改5 mins break, 咁之後佢自由時間可以長d, 不過要再看多一星期。

上星期四因校隊, 佢真係領教到乜叫多功課, 所以今個星期佢已知唔可以浪費時間。不過佢每日花最少一個鐘練琴...唉。

S-Kwok

原帖由 scyauchris 於 15-09-23 發表
回覆 yobdoog 的帖子

我這個星期都向她了解為何多左咁多功課和佢如何處理, 大約已了解左七八成。公園就cut ...

我都調節緊，
阿仔星期一、二、六要留校訓練，星期六下午要返棋院、童軍，冇咗全日時間，星期日阿仔又話要全日時間屬於自己，實在要好好調節

angrybusilver

這是小兒小二生的生活:
7:00起床
4:00放學回家
4:00-5:00休息
5:00-6:00 做功課
6:00-6:45練琴
6:45-7:15吃晚飯
7:15-8:00小休﹑沖涼
8:00-8:30睇電視
8:30 準備睡覺
星期一要去學琴半小時，那天沒有了4:00-5:00休息時間
星期六上英文班，籃球班，所有溫習安排於星期六。
星期日早上溫習，中午開始休息出外玩耍。

yobdoog

原帖由 im_cyt 於 15-09-22 發表
很欣賞你兒子你態度👍👍真的要給十萬個讚！

感恩仔仔算聽教，或者佢都感受到媽咪為佢哋的付出，所以乖乖地當孝順返我（哈哈），諗返以前因為自己心急而失控鬧佢真係好後悔……有一晚佢臨睡前同我講: 媽咪，唔知點解你每次話我做得唔好時個心都會好痛!? 聽到簡直心如刀割， 自此常提醒自己要多體諒，或者佢真的有自己的節奏，又或者佢真的需要時間適應呢，就試試放手當比啲空間佢啦…… 說回每天自由活動時間，遺憾真的一小時都冇，但昨晚可能聽完我勸，就成功提早了30分鐘完成，可以同兩兄妹在家打乒乓球，笑了一晚，我同佢哋講，媽咪好期待每晚都同你哋玩，所以要努力加油啦！

germainehui

回覆 yobdoog 的帖子

小女今年小二，她的時間表如下：

7:00 起床
7:50 行路去學校
8:00~3:00上學
3:20 回家
4:00 ~ 6:00 吃水果或小吃, 做功課, 做完功課後可以打一陣機或玩電腦
6:00-7:00 同爸爸去遊樂場玩
7:00~8:00 沖涼，食飯
8:00~8:30 練習小提琴
8:30~9:30 自由時間：看書或間中看電視, 與家人玩耍
9:45 刷牙，上床睡覺

除了上學校的興趣班外，逢周三放2點 (下午4點去學畫畫) ，星期六下午學小提琴。

平時甚少溫書,除了默書會在星期日下午溫習。考試前會溫下, 其他時間叫极都唔肯温習。

Bigpig_2007

你個時間表已經不錯了！我仔小二仲未可以自已專心做功課，要昅實好多，未計唔識要問。除了多功課，晚上還要背默書之類，經常10-11:00pm至可以休息，真係好辛苦!

fany

小女小二：

6：30 起床
7：00 撘校車
4：00－4：45沖涼，小休
4：45～6：00 做功課，中間又吃水果
6：00～6：30 練琴
7：30 ～8：15 吃飯
9：30前 睡覺

6：30～7：30，8：15～9：30時間她會做下網上閱讀，練笛，看書，幫下手做家務

星期六全日學野，星期日 hea

sakesakee

小二女
6:30起床(但叫都叫到6:45先起到)
7:10出門口 7:15上校車
8:00 - 3:00 上學
3:20回程
3:20-5:30休息，食下午茶，hea 下，做少少功課 (佢自由安排)
5:30-7:30 補習
7:30-8:00 晚飯
8:00-8:45 休息 + 洗澡 (如有默書測驗就食完飯要作最後溫習)
8:45-9:30 對功課+溫習
(如果進度ok會視乎情況比佢溫到9:15，咁佢就有自由時間)
9:30-9:45上床睡覺

sakesakee

原帖由 sakesakee 於 15-09-24 發表
小二女
6:30起床(但叫都叫到6:45先起到)
7:10出門口 7:15上校車

除左學校課外活動同補習班外，一至五都唔會有額外課外活動，星期六9:30-1:00 分別係畫班同游水。星期六下午休息，星期日上午時間溫習，下午休息。