成長後嘅自閉寶寶如何？

bubibubibuuu

如題

anan3388

有好多可能性。你可睇天寶 Grandin Temple 例子。有書，有戲“自閉歴程“。

Activehealth

或睇X+Y（數造天才），電影講自閉症數學天才，真人故事改編

ahjoechan

有没有普通人的例子 ？

Alam123

將來怎樣好看自閉的嚴重程度,可惜現個個都叫自閉譜系

Activehealth

由不能照顧自己，要住特別院舍的。到大學教授也有，尤其理科學系，自閉型師生極多，只是當年不是那麼多人知道ASD,未有確診，只笑他們為蛀書蟲或科學怪人。

其實大家身邊亦會有或遇過唔望人，十問九唔應的人，尤其是去醫院睇醫生，很多醫生都是這種。他們當年理科成績好入到醫科，不代表他們EQ高，社交能力好。

你們同意嗎？

Alam123

同意,那些是高功能或亞氏保加智能冇問題甚至是資優, 如是典型自閉症,只有少數是高功能的,大部份都有不同程度智障

crystal媽咪

好睇本身情況，有d照返工結婚
又有d去左工場

視乎同一般相距多少，也認識一個做老闆。
愛獨處，明明一齊收工都唔肯一起搭電梯
耐左至肯
平時見到唔主動講野打招呼，
物品固定位置放，移歪左不安。會再放
但唔影響別人都可以

洋蔥頭媽咪

要睇自閉情度嚴唔嚴重，其實唔少叻人，科學家/數學家，甚至大學教授，都有亞氏
其實冇乜問題，佢地有佢地嘅世界，只係外人會覺得佢地孤僻啲/怪啲，冇乜大不了。

girlsc

聽大家的講法，即係話讀書應該無問題，仲好叻,否則係做唔到醫生，教授，科學家⋯但是，依家我們的A仔都不同程度專注力唔得，坐唔定，理解能力弱等問題，這些同讀書叻真係好矛盾啊！點解？

Alam123

只有十分之一是叻的,好多都有不同程度智障要讀特殊學校

Activehealth

girlsc 發表於 15-9-17 22:00
聽大家的講法，即係話讀書應該無問題，仲好叻,否則係做唔到醫生，教授，科學家⋯但是，依家我們的A仔都不同 ...

其實我睇啲硏究及上過家長陪養資優兒課程，話開始時自閉兒IQ同普通人差不多，只是因為其他問題如溝通差，專注力不足，坐唔定，理解能力差而影響日後發展。
如果有辦法自小解決以上問題，自閉兒為什麼不能發展他們的潛能，成為科學家、教授等？

這裡顯示了及早診斷及訓練/治療的重要性。

girlsc

"溝通差，專注力不足，坐唔定，理解能力差"呢D野又真係好難解決。我認為只靠訓練應該好極有限吧，大腦的問題真係好復雜

chingchingma89

我諗佢地的發展取決於自閉徴狀的嚴重程度和智力是否正常。

如自閉程度輕微和智力正常，家長應盡量消減會影響他們專注力的東西，以及為他們製造有利的學習環境，例如選擇小班敎學的學校，以及要求老師安排他們坐在老師的前方等。

yicbc

主要睇智障程度，中度以上，佢哋唔可以獨立生活，庇護工場，院舍係唯一出路。父母年老都照顧唔到佢哋，就要簽名，將自己個仔囡交比社署做監護人

saula

原帖由 girlsc 於 15-09-17 發表
聽大家的講法，即係話讀書應該無問題，仲好叻,否則係做唔到醫生，教授，科學家⋯但是，依家我們的A仔都不同 ...

可能係佢地未搵到佢中意的科目， 佢地只要中意， 就會專注