各位已經歷過小一面試的家長

天山雪蓮

想問大家當時有咩方法令自己無咁緊張？
我發覺各校面試一步步迫近，想放鬆真的不易。

kyleebc

Target邊間？

yuenkw

有offer前都無法放鬆

Yanamami

同自己講，紧張係幫唔到成件事~只能do the best and prepare for the worst, 唔好非君不嫁，做好功課, 因為机会只係留俾有準備既人~

leiseefung

要有堅強意志，頂得住同班同學都有好著落唯獨自己小朋友乜都無既能力，千萬不要崩潰，因為最好既位上天已經預留比自己小朋友直至升小後十月，呃住自已才能支持到最後.

karen55407

我最緊張係2nd in見家長時，好驚連累咗個小朋友，天未光就扎醒瞓唔返，滿腦子都係模擬答案，唔夠精神去面試，好擔心個腦會塞咗。

bubuG

好難平常心。

天山雪蓮

原帖由 kyleebc 於 15-08-27 發表
Target邊間？

無特定丫，英華，港小都好好。

erniewellie

原帖由 yuenkw 於 15-08-27 發表
有offer前都無法放鬆

Can't agree more!

Beiku

睇你咩心態啦。老實講，我哋真係冇乜點緊張過，可能因為一直都係「得就得，唔得咪抽囉」嘅心態，考私小係諗住抽得唔好有個backup，考直資純粹去攞interview經驗同見識下，所以一路都唔太緊張。唯一緊張個刻咪睇結果囉

天山雪蓮

原帖由 Beiku 於 15-08-27 發表
睇你咩心態啦。老實講，我哋真係冇乜點緊張過，可能因為一直都係「得就得，唔得咪抽囉」嘅心態，考私小係諗 ...

你很看得開呢！
我新手，填表都很緊張😂

Beiku

原帖由 天山雪蓮 於 15-08-27 發表
你很看得開呢！
我新手，填表都很緊張😂

我上年都係一個新手，不過心態真係好重要。個女考K1時我反而好緊張，點知考咗咁多間都差不多全軍覆沒；反而考小一輕鬆上陣，結果反而唔錯。

Anyway, good luck

maymay321

睇你幾想要offer，如果好想，又點可以平常心。平常心是用來安慰自己、安慰人。

yichingb

有打定輸數的心理準備，塞翁失馬焉知非福，兒孫自有兒孫福。用乜嘢態度陪住佢成長，如何面對順境逆境都好重要。

bluesham

我也是新手 真係填表都好緊張 唔知點先做到最好。第一間 failed 真係好大壓力

Amymichelle

最重要大人自己要控制自己情緒,自己EQ要高d,因為小朋友面試表現未必次次都咁穩定,同理想...如果表現麻麻,你需要鼓勵佢,教佢點樣做會好d!嗰排真係瘦左好多磅

小曳人

我又唔會填表/面試時太緊張，但等信時就好容易變得緊張，心情難免大上大落！

但我好快平服，信念係:
總有人會欣賞阿仔，佢去到邊讀都唔會好大差別，因為屋企都會一樣咁愛佢，用心教佢！
隨遇而安！

我係—個非常阿Q精神嘅人，報六、七間得—間收，呢間—定係最適合，上天免我多心！就算叩門唔成功，都深信手上有嘅已經好好！隨緣！

MrBeast

天山雪蓮 發表於 15-8-27 18:53
無特定丫，英華，港小都好好。

這兩間都難，assume你自行分不多，策略上最好報幾間一缐尾二線頭的

天山雪蓮

原帖由 bluesham 於 15-08-28 發表
我也是新手 真係填表都好緊張 唔知點先做到最好。第一間 failed 真係好大壓力 ...

已經fail左

天山雪蓮

原帖由 小曳人 於 15-08-28 發表
我又唔會填表/面試時太緊張，但等信時就好容易變得緊張，心情難免大上大落！

但我好快平服，信念係:

等結果我反而好些，因無咩可以做去改變事實了。反而填表面試前就會緊張，因為怕寫得唔好，無提點小朋友，怕佢唔識等等。。。