現在小女三年級, 升中有什麼預備

細細粒媽咪

各位家長
小女現三年級, 沒有學什麼好特別既東西, 只是英文, 普通話, 芭蕾舞, 游水, 都係至在興趣, 沒有拿什麼獎.
音樂也沒有學, 因沒有太多時間.

心想最重要KEEP 住成績先, 現成績都算中上, 但始終都係低小, 高小情況希望可以.

想問各位已升中既家長, 我應做什麼對升中鋪路, 都想入一些英文中學
有什麼一定要學, 另要注意些什麼, 平時要做邊一方便既東西?
希望現在還有時間做好些.

希望有經驗既家長可分享下.

謝謝.

王家爸爸

細細粒媽咪 發表於 15-8-13 17:36
各位家長
小女現三年級, 沒有學什麼好特別既東西, 只是英文, 普通話, 芭蕾舞, 游水, 都係至在興趣, 沒有拿 ...

如果你係今年小六，我會建議你專心考好呈分試。
但係如果今年係小三，三年之後，升中人數回升，競爭唔同左，而且區與區之間既差異可能會大左。所以將其中一種興趣變成競爭優勢，可能係一個可行既策略。

Charlotte_mom

我自己咁唸咋:
小3, 大概估下自己女女係上中下游位置, 按以往學校升中紀錄, 大概會去咩級數學校; 如果未研究就快D去8下, 有個預算 (如果查証唔到近年數字, 即學校唔願公佈, 多數都.......要小心)
如果進取D, 不過試插班去D有聯繫/直屬中學的小學; 留意中學網可跟學校, 亦可跟屋企

little_yolky

細細粒媽咪 發表於 15-8-13 17:36
各位家長
小女現三年級, 沒有學什麼好特別既東西, 只是英文, 普通話, 芭蕾舞, 游水, 都係至在興趣, 沒有拿 ...

沒有學什麼好特別既東西, 只是英文, 普通話, 芭蕾舞, 游水 <==== 咁都話無乜嘢學, 香港小朋友的確辛苦



樓主你太好了, 我女女都係升小三, 但咁早唔多好意思開帖問, 其實我都有呢個問題, 應該做咩好呢? 早準備當然好過遲準備。


我女女都仲無你女女學咁多嘢, 我女女都係中上成績, 根據往績, 暫時仲係band 1C的一群, 要呈分既科目佢最差係數學, 所以我就諗辦法改善科數, 同埋keep住中英兩科咁囉。之後, 如果搞好數學, 我就諗住响視藝同音樂兩科突圍。至於奬項......無諗咁多了。


我好彩D, 有間聯繫中學, 我諗住自行時揀兩間心水band 1學校, 大抽奬乙一揀番聯繫, 咁叫進可攻退可守嘛, 唔知啱唔啱呢。到我哋升中既年, 人口暴增, 真係要慎重架。

Yanamami

未知你女小学程度、所屬区份、有無連繫中学……資料，会有不同策略。不过照王家爸爸所言，除成績外(當然大前題是要顧及成績，不能本末倒置)仍要些体艺嫁，免得給人—个死讀書的印象，而且跟你女成績相若的学生全港不少，如何能突圍而出是要考慮考慮｡既然没發展音樂，那唯有在游水中下点功夫，小三还有时间，當然，要在泳界脱穎而出並不容易，競爭甚烈，但若有些少獎牌陪襯－下都不錯~有否考慮多參予校際朗誦節？此等獎項虽不致令中学另眼相看，但起碼比斎讀書給人較多元化的感覚~



小四时大可如上边家長所言，留意同女差不多級数的師妹升讀那些中学，上校網瞭解一下，也可开始去一些升中简介会(我会提議由小四开始輕鬆去听三两间，小五又听三幾间，因到小六会很忙，心情也不—样)｡

austism

同意樓上版主提議插班去有聯繫或有直屬中學的小學，升中壓力相對少d.

但受歡迎的小學，插班生間舊校academic 要唔太差，考生成績要有咁上下先有機會，最少全級頭十名內。

如果樓主嘅小朋友成績好，不妨考慮轉校，先諗自己心儀中學係邊間，有冇直屬/聯繫小學可以上，咁就去考插班啦。

我係過來人，我絕冇後悔當日轉校嘅選擇。

dummie

回覆 austism 的帖子

非常同意! 轉校亦係好策略! 後悔三年前沒有做足功課!

TwinWong

啊囡同學, 小四插入我地直屬中的小學,
搏到中學入SPCS

Charlotte_mom

另外, 留意下學校呈分標準, 除中英數常外(乘幾?), 音同視藝都要的, 音樂點計分? 要唔要考樂理? 樂器係大家一齊木童笛定鬥勁先? 有無可能操fit d? 視藝都係

Yanamami

成績只係中上無突異功能插班較难吧~~我女学校有两條女飛魚插入DGJS P6, 識一條APS女飛魚都一样~當然成績也不差｡

Charlotte_mom

原帖由 Yanamami 於 15-08-14 發表
成績只係中上無突異功能插班較难吧~~我女学校有两條女飛魚插入DGJS P6, 識一條APS女飛魚都一样~當然成績也 ...

插班唔一定係神校如果本身區份競爭大，英中少。轉去一間較有勝算已經唔錯

austism

原帖由 Charlotte_mom 於 15-08-14 發表
插班唔一定係神校如果本身區份競爭大，英中少。轉去一間較有勝算已經唔錯



  ...

Yes, 我小朋友都唔係插神校，只是佢成績好。

小Monkey

回覆 細細粒媽咪 的帖子

若選擇留在原校:
了解自己學校呈分模式, 派位表現, 小五, 小六考試模式

little_yolky

Yanamami 發表於 15-8-13 21:49
未知你女小学程度、所屬区份、有無連繫中学……資料，会有不同策略。不过照王家爸爸所言，除成績外(當然大 ...

如果無乜體藝, 自行係唔係會好蝕嫁?.................我阿女個興趣, 好似對升中一D用都無..............咁點算呢。


阿女二線小學, 九龍城網, 有B2聯繫中學, 全級100人有信心保持級20-25, 谷吓可以再好D, 操行A, 但係............無特異功能, 咁...........可以有咩改善吓?

Yanamami

little_yolky 發表於 15-8-14 13:56
如果無乜體藝, 自行係唔係會好蝕嫁?.................我阿女個興趣, 好似對升中一D用都無..............咁 ...

体艺呢係要立定主意由P2开始栽培。人家P4/P5已係收成期~~所以中学睇体艺重要过朗誦獎項係因体艺要長时间訓練而朗誦只两三个月頂籠就可以~


其实津中係重視成績(全港排名)同操行多，其他係陪襯、係嫁啫~~有就當然顯得你女all round, 無亦唔洗死~~是关津校係靠自行可以揀成績好既学生去溝淡大抽奬好彩抽入但成績勉強既学生｡但直資嘛……个个申請者都有番禁上下，佢大把有得揀，体艺自然更重要~


你女而家只游—曰水~真係可以唔洗諗，継續游健康水算。諗下攞多两个學界朗誦獎好d.女可以的話，做好个成績佢，全級100人，而家你女只算band1中，10名內穩陣d, 諗下義工服務方面可以做多d乜野添~

chesswin

我個女小1-3都冇理佢讀書, 自由發揮.
中四幫佢睇下功課, 叫佢注重中英數, 個底要打好D, 基礎唔可以差, 否則到高小會跟不到

TwinWong

little_yolky 發表於 15-8-14 13:56
如果無乜體藝, 自行係唔係會好蝕嫁?.................我阿女個興趣, 好似對升中一D用都無..............咁 ...

多參加校內服務生, 领袖生, 有D學校都鐘意服務熱誠嘅學生(成績當然係重要)

little_yolky

Yanamami 發表於 15-8-14 14:09
体艺呢係要立定主意由P2开始栽培。人家P4/P5已係收成期~~所以中学睇体艺重要过朗誦獎項係因体艺要長时间訓 ...

咁.......唱粵曲..........可唔可以算藝? 佢唱得幾好, 又成日去做義工唱俾婆婆聽.........可唔可以算一樣。我會叫佢努力D唱校際, 攞番一個半個奬返嚟的, 但都真係唔容易。舊年唱完校際, 入醫院住咗4日


不如叫佢唔好唱戲, 搵D有用D既嘢做下啦。

little_yolky

siden  如肯定band 1乙一可考慮不放聯中  發表於 9 分鐘前

太冒險了吧！

aeiou_drm

little_yolky 發表於 15-8-14 15:30
咁.......唱粵曲..........可唔可以算藝? 佢唱得幾好, 又成日去做義工唱俾婆婆聽.........可唔可以算一樣 ...

“又成日去做義工唱俾婆婆聽.....”  

功利D講， 義工有 cert 嗎？  我見有些中學報名表要填 service。