星期日檔案 《暑假話事人》

Jane1983

日常邊個主理小朋友事務，就邊個做決定比較好。有d老公吾知事勢，加埋夫家親友的意見，真係玩死細路哥。

GreenMaDad

我相信父母們都是希望盡力幫小朋友, 希望他們將來舒服一點，見到該父母都全程投入, 放假都只是做司機, 沒有真正休息。大家都明人的天資已定, 後天培訓則可控制， 當然怎樣培訓小朋友是"無底深談", 我估他們覺得他們放了很多時間及心機去培訓他們的小朋友， 所以很高興與其他人分享.  我反而有點"同情"他們，如我的小朋友不適合普通學校， 我都會考慮國際學校，但國際學校又有其他問題....例如中文程度，結果又要校外補中文.....所以我反而覺得他們的情況確實反映了現實。

Jane1983

回覆 GreenMaDad 的帖子

佢唔係補中文咁簡單，係中英數普咁補，再加每日放學學一樣野。
迷信補習的父母太多，上group的補習，操公文，幫到小朋友幾多？唔明的，係咪會明咗？

初小滿江紅，要留班，父母吾識教，多過小朋友天資問題。

B.BB

資質、家底人人唔同，但時間就好公平，每人每日只有24小時，每人只有一次童年。每日返學，加補習，加興趣班，做埋功課練習幾乎用了八九成時間，無幾多時間俾佢消化和吸收，啲知識唔入腦又點會有成績呢？

karen55407

我覺得學業追唔上的話，應該係還原基本步，父母擺多啲時間比小朋友在家温習、備課，不是比多啲銭去拼命補習和參加興趣班。

nobletree

原帖由 augkBB 於 15-08-16 發表
請問轉左去哪間國際學校?

我唔識佢，傳聞(未經當事人証實) 是Nord Anglia

Soundervolt

原帖由 karen55407 於 15-08-18 發表
我覺得學業追唔上的話，應該係還原基本步，父母擺多啲時間比小朋友在家温習、備課，不是比多啲銭去拼命補習 ...

有好多時見到當小朋友喺傳統學校成績唔理想時，父母都會安排大量補習或甚至轉到國際學校，彷彿呢兩樣就係解決問題嘅靈丹妙藥。但其實有冇諗過小朋友成績欠佳未必跟資源或學校類型有直接關係，而問題可能係出自一啲最基本嘅學習動機及生活中嘅學習環境問題呢？

karen55407

就係趨之若鶩地擠身入傳統名校，可是不願意支援孩子，遇到成績不理想，就一味補習，專科專補，最好就係學深啲，補多啲，用埋星期六、日及公眾假期。但他們沒有考慮到小朋友究竟吸收到幾多，又或者根本小朋友連基本課堂上學嘅知識都係一知半解。有時，只父母支援最重要，多啲陪下小朋友做功課，找出佢哋唔明嘅地方，再指導返佢哋，每日重温當日的課文，加上多作備課，效果會更顯注。

MrBeast

名校課程敎快一級半級，就算父母有心栽培，都真不是易事。近兩個月為孩子閱解問題煩惱，一方面想加強思考能力，另一方面又要增加詞彙，但大人細路時間就是得咁多。

不過如果有追bbc 個套are our kids tough enough, 應領悟到成功需苦幹