本帖最後由 jelly-pudding 於 15-7-6 11:57 編輯
真心賜教, 希望大家俾D意見. Net 14, 男仔無宗教, 學術OK 但有有社交同情緒問題. 心儀北循, 可是 111 + interview + 寫了三封都冇回音, 相信我們同北循真的冇緣了. 第二志願炮台山聖米又派唔到, 派了第三志願雲景道官立(因不想派到康山同啟基) 所以SET 了雲官做保險線. 有去叩炮米但未有消息,但如果真的有幸收到後補offer, 應該點揀呢? 雲景道官立 優點: 1. 升中會去咗灣仔網, 有辣有唔辣. 2. 有聯系中學 (筲官同金文泰) 3. 對SEN 有支援, 老師有愛心 4. 去年開始換了新校長. 缺點: 1. 車程遠少少, 接送同送飯冇咁方便 2. 升中資料相當含糊, 唔知到底有幾多%派咗band 1, 又有幾多個學生具體升咗去邊間中學等等… 3. 國內人頗多 炮台山聖米 優點: 1. 升中留喺東區網, 較平均 2. 有宗教科, 德育方面可能會好D? 3. 學校歷史悠久 缺點: 1. 升中資料都含糊, 除了知道每年有10個左右派張祝山, 其餘唔知到底有幾多%派咗其他band 1英中, 又有幾多個學生具體升咗去邊間中學等等… 2. 唔清楚對SEN 學生支援多唔多, 學校是否包容. 3. 校舍好像細了一點, 不過呢點唔太重要.
|