好唔想普教中，請問有冇廣教中小學名單?

sorman

原帖由 Soundervolt 於 15-07-02 發表
大多數係全中國，香港真係中國一部份，無論閣下喜歡與不喜歡，例如上海方言係上海話，但都要學普通語作國家 ...

家下講緊香港呀，講乜全國呀？

Soundervolt

原帖由 sorman 於 15-07-02 發表
家下講緊香港呀，講乜全國呀？

我咪話香港係中國嘅一少部份囉....

sorman

原帖由 Soundervolt 於 15-07-02 發表
大多數係全中國，香港真係中國一部份，無論閣下喜歡與不喜歡，例如上海方言係上海話，但都要學普通語作國家 ...

又，你都好似仲係撈埋學好PTH同普教中囉。

仲有，研究報告嘛，之前EDB喺佢網頁都唔小心提過，不過發覺「唔對路」刪左了。


明明有研究，你又話偏頗不能信。
你就自己提及香港是中國既一部份，一定要學好普通話（我冇話唔應該學）。你呢個理由就正正係政治理由啦。
唔係政治？先去了解「政治」二字為何物吧～

sorman

原帖由 Soundervolt 於 15-07-02 發表
我咪話香港係中國嘅一少部份囉....

講緊香港既教育政策呀。香港教育政策，要令香港學生（大部份母語係廣東話）學好中文係最重要呀？你拉埋全國黎講仲乜呢？

Soundervolt

原帖由 ngsmum 於 15-07-02 發表
回覆 Soundervolt 的帖子

反對普教中不等如反對學普通話。

我本來都好似您所講一樣，但近年跟國內人工作時有書信往來，發現我地用字及語句跟佢地有好大差異，我地用嘅傳統中文係冇問題，但國內因為毛澤東將文字改革後起咗變化，所以發生差異，如果要跟國內人溝通，除咗要識講仲真係要識寫"普通話"。

Soundervolt

原帖由 sorman 於 15-07-02 發表
講緊香港既教育政策呀。香港教育政策，要令香港學生（大部份母語係廣東話）學好中文係最重要呀？你拉埋全國 ...

如果將來閣下小朋友冇機會跟國內人接觸，咁普通話對閣下小朋友係學嚟都冇用

daidaianna

Soundervolt 發表於 15-7-2 14:12
大多數係全中國，香港真係中國一部份，無論閣下喜歡與不喜歡，例如上海方言係上海話，但都要學普通語作國家 ...

嗱, 如果你話普教中我手寫我口, 你呢篇都唔得喇, 因為普通話係冇"閣下"呢個TERM嘅.

Keroleen

原帖由 sorman 於 15-07-02 發表
分清楚「學好PTH」同「普教中」係兩回事來。

而且，家下講既係教育政策。當九成學生佢既母語係廣東話，作 ...

完全同意！好可惜，學校好少撥亂反正，要有一間有選擇比較難

Soundervolt

原帖由 daidaianna 於 15-07-02 發表
嗱, 如果你話普教中我手寫我口, 你呢篇都唔得喇, 因為普通話係冇"閣下"呢個TERM嘅. ...

對！我地好多時用字都係口語化，夾雜唔同嘅用字及詞槖。普通話跟傳統中文係有好大分別，普通語只係新中國語言，但生活喺現代嘅中國，唯有要學撓佢。

sorman

原帖由 Soundervolt 於 15-07-02 發表
如果將來閣下小朋友冇機會跟國內人接觸，咁普通話對閣下小朋友係學嚟都冇用



  ...

各位我投降了。

佢仲未搞清楚「學好PTH」同「普教中」

連EDB自己去宣揚「普教中」時，都只係強調「什麼我手寫我心、提高中文水平乜乜物物」咋


又，成日講同國內人溝通，但其實佢地好多都充滿地方口音，當香港人有基本既識聽識講既能力，我諗唔到有乜溝通問題。

我自己PTH屎，但身邊唔少朋友都係廣教中、再另學PTH長大，佢地同上面既人溝通都係冇問題。

點解硬係不停要將「同國內人溝通」同「普教中」拉埋一齊講？

Soundervolt

原帖由 sorman 於 15-07-02 發表
各位我投降了。

佢仲未搞清楚「學好PTH」同「普教中」

我相信係你未搞清楚，普通話喺書寫上跟我地一路已嚟所學嘅中文已有好大分別，溝通並不只限Oral.

hkpapa852

Soundervolt 發表於 15-7-2 14:36
對！我地好多時用字都係口語化，夾雜唔同嘅用字及詞槖。普通話跟傳統中文係有好大分別，普通語只係新中國語 ...

其實講普通話, 寫港式中文, 國內式中文, 係三樣野.

而且只計中文既"標點符號"應用, 我諗大多數人都唔合格. 我地用開既中文標點符號, 其實係中華民國式(即係台式), 唔係國內用既. 國內用既標點符號, 係有唔同, 可以去睇下:
https://zh.wikipedia.org/wiki/%E6%A0%87%E7%82%B9%E7%AC%A6%E5%8F%B7

逗號, 句號, 頓號個D唔明有咩分別? 其實國內既逗號, 句號, 頓號係好似英文咁, 放係句子既下方, 而唔係中間. 仲有引號既分別, 係更加大.

其實寫完份野俾國內人, 可能都係錯漏百出, 或者人地根本唔會明.

學D唔學D, 但自己為識晒, 先係最大鑊!

Soundervolt

原帖由 hkpapa852 於 15-07-02 發表
本帖最後由 hkpapa852 於 15-7-2 14:45 編輯

冇錯！其實講普通話, 寫港式中文, 國內式中文, 係三樣野.

babykeikeikei

擺到明黎緊要行普教中，好多國際學校都行緊，其實香港都已經係中國一部分，吾明點解咁吾喜歡，如果吾喜歡可以選擇移民，留低嗰d就要接受啦！

開心小花

其實，有JM提到中國其他講方言的地方，如上海，廣州都是普教中。不過，其實上海和廣州的語境同香港唔同。上海，廣州除英文外，科科都用普通話教。在學校更是用普通話。但香港只是中文用普通話，學生都學得唔湯唔水。如果家庭無法提供支援，仲有機會影響中文。因為，未必個個小朋友的語感都是咁好。我反而認為小學可以一半班廣教中，一半班普教中給不同程度的學生。

B.B.BaBa

香港老師啲普通話口語及書寫都係半桶水，點用來教中文？引入國援啦！之後就唔需要在課程中白紙黑字寫明國民教育，愛國愛黨，課堂中日積月累慢慢滲入，不知不覺間就學會。

subb

大家都是討論, 香港是多元社會, 人人發言權,
有人喜歡,有人不喜歡普教中是正常,
請不要一點點討論都叫人移民去，多點包容吧 !

siden

PTH 是一定要學的
但極憎普教中
邊有人國家用非母語或非本地方言教本地語文的
香港人的母語是廣東話

hkpapa852

siden 發表於 15-7-2 16:06
PTH 是一定要學的
但極憎普教中
邊有人國家用非母語或非本地方言教本地語文的

如果家長本身唔係以普通話做母語或主要溝通用既語言, 但硬要小朋友去接受普教中, 我覺得其實幾可笑..... 家長, 你有能力教好小朋友既中文嗎? 尤其係口試同聆聽.

sorman

babykeikeikei 發表於 15-7-2 15:06
擺到明黎緊要行普教中，好多國際學校都行緊，其實香港都已經係中國一部分，吾明點解咁吾喜歡，如果吾喜歡可 ...

雙非搶左你o係政府產房o既床位， 你要接受。雙非搶左你小一校網個學位，要你小朋友誇區就學， 你要接受。
水客搶哂你o的奶粉、火車空間、的士小巴巴士， 你都記住要接受。

如果唔喜歡， 你記得如你自己所講， 移民。


真好笑， 個家明明我有份， 唔滿意就唔可以要求改？唔可以批評？ 只可以一走了之？
希望你唔係咁教仔。