牛頭角基顯

patsylau

小女現在讀K2, 34校網。爸爸是牛頭角基顯畢業生，我應該自行揀牛頭角基顯，定在34校網大抽獎好？

lauwingtai

patsylau 發表於 15-7-1 01:13
小女現在讀K2, 34校網。爸爸是牛頭角基顯畢業生，我應該自行揀牛頭角基顯，定在34校網大抽獎好？



  ...

就咁, 基顯本身有上、下午校之分, 幾年前轉全日制, 上午校搬去油塘用全新千禧校舍, 叫「油塘基顯」, 下午校留守牛頭角舊校舍, 仍叫「基顯」。問清你老公上午定下午校先? 上午只在油塘基顯有分, 下午只在牛頭角基顯有分。

油塘基顯現在是48網熱門校, 升中成績冇公佈, 估計約四成band 1左右(通常津校33%叫中等, 50%以上叫高), 成績算中上。牛頭角基顯在48網屬中次熱, 升中成績不詳, 估計不會高過油塘基顯。

而34網, 是全港最難抽的校網, 連續三四年「首三志願比率」全港最低, 外逃非常合理。但是, 兩間基顯都唔近, 值唔值而已。

油塘基顯, 我覺得尚算值, 長期都是48網乙一必滿的熱門, 升中成績雖只屬中上, 但校舍又大又靚, 設施齊全。以我所知, 早前幾年20分要抽, 舊年卻收齊, 若你女是20分校友分, 機會算高。

但牛頭角基顯, 值唔值抽就見人見智, 山長水遠去一間成績中等的舊校舍返學嗎? 34網雖難抽, 但若你唔貪心, 填合一堂、基道之類第一志願, 機會都大, 大家都舊校舍, 大家都成績中等, 咁就梗係近啲好。

有需要一提, 油塘基顯在油麗村旁, 牛頭角基顯在牛頭角下村旁, 多新香港人的, 雖然, 34網都唔少。

patsylau

多謝詳細分析
我老公係下午班，是牛頭角基顯呀

skygirl0311

如果住34網自行去番牛頭角抽一間普通既舊校好似唔係幾值，我會試下抽自己應為有機心疑儀既小學，唔得再係34網大抽獎，話哂都九龍城升中網，之後再扣門，或再扣基顯，個人意見！

lauwingtai

原帖由 patsylau 於 15-07-01 發表
多謝詳細分析
我老公係下午班，是牛頭角基顯呀

若求穩陣，跨區讀二線，不如本區讀二線，合一堂都曾試過乙一要抽，但基道應該乙一穩陣的。如要博34熱門校，就一定要考私校back up，34網堅難抽，唔係講玩。

ME1227

回覆 lauwingtai 的帖子

想請教如95網大抽獎與牛基自行20分，會選哪個呢？

lauwingtai

ME1227 發表於 15-7-2 01:19
回覆 lauwingtai 的帖子

想請教如95網大抽獎與牛基自行20分，會選哪個呢？

其實95網小學本身質素高的, 只是升中網差, 睇你自己點睇, 你唔怕升中要仔女考他區自行考直資, 讀95網冇壞, 若果升中唔想再煩, 讀牛基冇壞, 起碼觀塘升中正正常常。

95網的優點是學校質素唔差, 全網有22間學校, 我覺得超過一半讀得過, 區內中產又多, 學生差異較少。缺點當然是英中學位不足啦, 會出現band 1生冇英中讀的情況, 所以95網啲學校派位成績看似麻麻, 其實受「區內太少英中」所累。

牛基的優點是位處觀塘升中網, 唔叫好又唔叫差, 起碼band 1學生正路有英中讀, 公公平平先。校風好, 聽聞老師有愛心, 升中派位成績中等, 穩穩陣陣。缺點當然是校舍, 舊過95網所有學校, 另外, 位處牛下村旁, 實多big 6。

另有一點不得不提, 有警察朋友告訴我, 始終將軍澳係新市鎮, band 3中學都幾雜。我地做父母當然希望仔女入band 1啦! 但總不能一廂情願, 萬一仔女讀唔成書, 將軍澳啲band 3中學都較易學壞。我之前都住將軍澳, 逢星期六日啲中學生就著住啲cosplay衫, 係公園四處流連, 都幾眼火爆。

hkpapa852

lauwingtai 發表於 15-7-2 02:50
其實95網小學本身質素高的, 只是升中網差, 睇你自己點睇, 你唔怕升中要仔女考他區自行考直資, 讀95網冇壞,  ...

觀塘區既B3中學, 一定唔會好得過TKO既B3中學.

我寧願留係TKO抽獎都唔自行抽牛基顯.

TKO入面有牛基顯質素或更好既學校, 自行15分有機會入既都唔少

hkpapa852

hkpapa852 發表於 15-7-2 11:56
觀塘區既B3中學, 一定唔會好得過TKO既B3中學.

我寧願留係TKO抽獎都唔自行抽牛基顯.

ME1227 95網英中學位不足真係令人卻步

升中網唔好呢個問題其實同小一抽獎個網唔好一樣有一個好好既解決方法: 搬!

只係10個入面有7個怕煩2個懶, 仲有1個有選擇困難決定唔到, 最後唯有留係區等運到, 或者努力考直資中學囉!

hkpapa852

hkpapa852 發表於 15-7-2 13:30
ME1227 95網英中學位不足真係令人卻步

升中網唔好呢個問題其實同小一抽獎個網唔好一樣有一個好好既解決方 ...

ME1227 請教TKO出官塘網或東區網升中會跌BAND嗎?
其實轉網會否跌Band, 唔能夠純以兩個中學網所謂既"強弱"嚟估計.

因為一個學生是否"全港性"B1, 其實係睇本身學校既"實力".

所以我認為只要小朋友就讀既小學, 本身學術能力不差的話 (或試著與另一區既小學比較, 估計和它們的水平相差多少), 而又唔係係D學術水平較低既小學就讀(如B1學生估計不足20%), 以及並非區內Band尾既邊緣人, 轉網跌Band既機會應該不高