馮晴call

MANHOTSE

有冇媽媽已經收到馮晴call呀？我姪女都等緊馮晴消息，好心急，唔知等到幾時。

PaulaKwok

噚日喺網上已經有人話收到馮晴嘅CALL了

MSKAKACHAN

我有親戚昨天收到call了! 叩門成功呀! 祝你姪女好運!

小玲

是否不會再call了？

MANHOTSE

原帖由 MSKAKACHAN 於 15-06-26 發表
我有親戚昨天收到call了! 叩門成功呀! 祝你姪女好運!

真係呀！但我啱啱再打去學校問，佢話仲未公佈，佢話最快下星期初先收到call, 仲話取錄或不取錄都會收到電話。

MSKAKACHAN

可能未call晒啫!

小玲

未取錄會打嚟話唔得？

PaulaKwok

MANHOTSE 發表於 15-6-26 10:36
真係呀！但我啱啱再打去學校問，佢話仲未公佈，佢話最快下星期初先收到call, 仲話取錄或不取錄都會收到電話 ...

另一間同一辦學團體的學校都話全部會7月2日先CALL或發信通知啦, 但我身邊已有人第二日就收到CALL話收但信就7月初先比, 啲學校講嘅, 你都好信

MANHOTSE

原帖由 PaulaKwok 於 15-06-26 發表
另一間同一辦學團體的學校都話全部會7月2日先CALL或發信通知啦, 但我身邊已有人第二日就收到CALL話收但信就 ...

咁真係冇望啦！

PaulaKwok

MANHOTSE 發表於 15-6-26 11:05
咁真係冇望啦！

咁又唔係嘅, 博下可能有人考到出面直資或私立而放棄學位囉, 未必無希望嘅. 雖然係微, 但音樂椅正在轉動, 結果隨時可以變

lhyxxx

我大女上年係叩門入馮晴，另亦扣到王余，全部都係7月2日前CALL。

其實你可代入學校角度諗下，官津小學控制唔到收生質數｛因為係抽獎｝，所以叩門階段學校都把握機會收人，而學校之間係有競爭，如果佢認定一個小朋友，佢都想儘快明示暗示，仲催你立刻交註冊証，總之要BOOK到件「荀野」。你諗下，如果其他學校先發制人CALL人，而自己乖乖等到7月2日才通知，到時好可能已俾其他學校截左。

學校盡BOOK首選學生後｛其實只係10個位｝，過幾日可能有人放棄，然後學校會再BOOK次選補上，直至嗰10個BOOKING都交回注冊証，即大局而定為止。不過一線津校好少家長會放棄。而7月2日起即收REJECT信，即係學校覺得唔適合、或高人太多，所以未考慮作次選。

littlestar_2009

lhyxxx 發表於 15-6-26 16:55
我大女上年係叩門入馮晴，另亦扣到王余，全部都係7月2日前CALL。

其實你可代入學校角度諗下，官津小學控制 ...

想問下你馮晴 去年係111嗎？同埋覺得馮晴同王余比較下，因咪因成績突出0而揀？因今年到我了，想搜集多點意見，謝謝

showman

原帖由 PaulaKwok 於 15-06-26 發表
另一間同一辦學團體的學校都話全部會7月2日先CALL或發信通知啦, 但我身邊已有人第二日就收到CALL話收但信就 ...

請問叩到馮晴是否一定係111，同小朋友都係几呀？

lhyxxx

馮晴係所謂真111，即111係考慮約見既必須條件。而根據上年我觀察佢處理約見既速度，粗略估計佢全日in60個家庭左右，由於111叩門申請應超過此數，因此我猜想並非所有111都有得in。

很多家長說王余聲稱111（我冇去簡介會），但真正叩門時會考慮小朋友質素多D。上年我排王余係乙11... 當然每年安排可能有變。

王余係好學校，尤其設備、環境近乎一流。但我研究過升中派位及視學報告，認為馮晴係另一個grade。呢D都係學校網頁或向教育局查詢可得到既資料，毋須信我，可自行深入比較客觀資料，勤告各位不要以為多人講，就覺得係熱門、好野。

有關我對馮晴小一的意見，可看
http://www.edu-kingdom.com/forum.php?mod=viewthread&tid=2815317&page=49#pid39936730

（第二頁）
http://www.edu-kingdom.com/forum.php?mod=viewthread&tid=3068032

有關我對王余成績的見解，可看（最尾頁）
http://www.edu-kingdom.com/forum.php?mod=viewthread&tid=3058121&extra=page=1

Wonderlady

原帖由 lhyxxx 於 15-06-27 發表
馮晴係所謂真111，即111係考慮約見既必須條件。而根據上年我觀察佢處理約見既速度，粗略估計佢全日in60個家 ...

另一個grade 即係點？

lhyxxx

回覆 Wonderlady 的帖子

你好，如我上面提及，我當時主要是考慮升中派位及視學報告兩方面。

升中派位：可參考最新統計　http://www.edu-kingdom.com/forum.php?mod=viewthread&tid=3082464&extra=page%3D2
與我當年推算差不多。


視學報告：你可參考兩所學校的報告：
馮晴：http://www.plkfcmps.edu.hk/new_fcs/intro_review.php?type=2
王余：http://www.wyjjmps.edu.hk/CustomPage/openInIFrame.aspx?ct=customPage&webPageId=132&nnnid=185
如果你對這種冗長的專業報告覺得很悶，可只集中看學與教、校風、學生表現這幾章，而總結一章就是此校做得不好的地方。注意這本是官方文件，所以用詞避重就輕。假設，報告非常客氣提到「學生的自律能力有待加強」，你就要醒目領悟到報告即是想說「你班馬騮好頑皮呀！」

｛我當年深入讀完95網所有可收集得到的報告。｝