用戶登入
用戶名稱:
密      碼:
搜索
教育王國 討論區 自閉寶寶 見左醫生。懷疑中度至嚴重
查看: 30198|回覆: 49
go

見左醫生。懷疑中度至嚴重

Rank: 3Rank: 3


265
發表於 15-6-12 07:44 |顯示全部帖子
見左醫生。 中度至嚴重。醫生強烈因年紀輕才俾機會落住“  懷疑”。

我用左一個月去消化囡囡同其他小朋友不一樣不是單純惡教,而係自閉。 雖然中度至嚴重係預期之內, 但望住醫生份報告都好難接受,醫生係咁叫我樂觀啲,話我個樣好愁。
我同身邊嘅人講,啲人唔係話評估之嘛, 或者將來有得醫,有冇藥食。阿媽阿妹隔日問我情況係咪好左。 某某人識人自閉,而家好正常/某方面好叻。
而家講緊要讀s 位。 點樣欣然接受?
然後唔知好定唔好,醫生話情況要讀s 位但建議排i 位,因為好難排,同埋大小肌肉同同齡相差不大,一兩年後未必收s 位。

剛見左社工,佢循例問我有咩困難。 我可以有咩困難,而佢幫到我?唔通花連幾個鐘車程排隊搵個社工心理
輔導我咩? 有時間精神都留番俾個囡。 唔通同佢講想請工人問社署資助請工人? 就算有機構肯托兒,咪等於精神“弱”待囡囡?
我都唔知發帖為乜,不過真係想呻下。
背景:
20個月去健康院打歲半針,姑娘不停強調問我囡囡識唔識指野,聽唔聽指令,識唔唔識眼耳口鼻,識唔識望大人手指方向,望唔望人。最後佢問我佢望唔望人,我反問佢入左來咁耐,囡囡有冇望過你? 佢就end 左所有問題,安排下個月完健康院醫生。



Rank: 3Rank: 3


265
發表於 15-6-12 08:05 |顯示全部帖子

回覆:見左醫生。懷疑中度至嚴重

我+老公同親囡囡玩都可以笑得好開心。 好似普通小朋友咁追逐。一路玩不停笑。 問醫生似唔似智障佢只係避左答我地。 阿媽好早已經不停鬧我餵人奶餵到囡囡蠢。。。 我阿媽阿哥好耐之前都話我細個醒過囡囡。 我都覺得係比人蠢啲。 但囡囡智障點接受?智障加自閉講緊大個連庇護工場都未必有能力。 我地而家又無可能為慳錢齋等政府排隊治療。 到我地老左無能力又唔知點算。我都係睇完rthk 節目先諗到咁長遠。



Rank: 4


960
發表於 15-6-12 09:29 |顯示全部帖子

回覆:daibolam 的帖子

樓主,能來這一版的家長都曾有你相似的經驗。如醫生叫你排i位唔會因為排快些而係你女女能力唔係咁差。我也曾有你傷心失望。但有一個家長講得很對:評估那日就是你仔女最差的時間,他會越來越進步越來越好。我証實了這句話。不要要求她入名校,把自己的「線」變得實在,唔好同人比較,看到每一日的進步,一樣也有做母親的快樂。至於智能,就看你給他的input有多少。20個月不能看得出智力的差異。先唔好向差的方向想。等自己收拾心情後,就努力幫她吧!



Rank: 4


634
發表於 15-6-12 11:03 |顯示全部帖子
其實仲細仲有好多時間教好啲,我仔當時在尤德評估,醫生都話我仔係中度至嚴重之間呀,我都灰過,但用心訓練佢會一直有進步嘅。雖然未追到同齡,但佢見我哭識得講媽咪唔開心,xx(講佢名)都唔開心呀,個一刻更加喊到收唔到聲。佢會慢慢叻咖,加油呀!!

Rank: 5Rank: 5


1107
發表於 15-6-12 13:18 |顯示全部帖子

引用:見左醫生。+中度至嚴重。醫生強烈因年紀輕

原帖由 daibolam 於 15-06-12 發表
見左醫生。 中度至嚴重。醫生強烈因年紀輕才俾機會落住“  懷疑”。

我用左一個月去消化囡囡同其他小朋友 ...
而家最緊要排位,睇完覺得排S位好啲。我個仔讀緊s位,好多支援㗎!小朋友都會進步快d



Rank: 3Rank: 3


156
發表於 15-6-12 14:06 |顯示全部帖子
這位媽媽不必那樣灰, 一年前我仔評估要入s位, 各方面都是遲歲半, 那時才3歲, 去上了10月私人訓練言語, 感統, 現在差不多追到同齡, 只是理解能力稍弱, 當時也無助, 又要照顧剛出世bb, 真係人都傻, 屋企人也罵我, 仲細大下會無事, 無人傾訴, 到現在小兒4歲, 只是在正常幼稚園上學, 只是坐不定, 認知仲醒過同班同學, 多些不同地方, 坐巴士, 講下街景, 她會慢慢有成績, 不可望太好, 有進步已覺得開心, 現在我也不用排S位了, 精神醫院叫我排E位, 希望這位媽媽努力!!!!!


560
發表於 15-6-12 14:07 |顯示全部帖子
提示: 作者被禁止或刪除 內容自動屏蔽

Rank: 3Rank: 3


265
發表於 15-6-13 08:04 |顯示全部帖子

引用:樓主,能來這一版的家長都曾有你相似的經驗

原帖由 llam1210 於 15-06-12 發表
樓主,能來這一版的家長都曾有你相似的經驗。如醫生叫你排i位唔會因為排快些而係你女女能力唔係咁差。我也 ...
醫生無答係咪智障。 我咪問佢可唔可以申請殘疾津貼。 佢答擇界。。。 要政府醫生批。 雖然知道咁早無人可以肯定。 但醫生經驗擇界即係智障擇界。。 醫生同你一樣叫我唔好諗名校。 bb 出世我已經好開心佢正正常常,美醜智慧無要求過。。



Rank: 3Rank: 3


265
發表於 15-6-13 08:08 |顯示全部帖子

引用:其實仲細仲有好多時間教好啲,我仔當時在尤

原帖由 聽雨聲 於 15-06-12 發表
其實仲細仲有好多時間教好啲,我仔當時在尤德評估,醫生都話我仔係中度至嚴重之間呀,我都灰過,但用心訓練佢會 ...
我好明你感受。 我囡無同理心。 完全無。 佢餵我食野為左佢開心。 有次佢餵我食到成口都係。 我又飽又吞唔切。 不停表情手勢身體語言說話扮喊拒絕。 囡囡嗰種收起笑容,冷冷咁將所有碗內生果強迫塞入我個口。 我個心實晒。 老公都試過喊緊,囡囡迫佢玩。。
希望囡囡可以好似你個仔咁識明白人感受。



Rank: 3Rank: 3


265
發表於 15-6-13 08:10 |顯示全部帖子

引用:Quote:原帖由+daibolam+於+15-06-12+發表見

原帖由 Vichang 於 15-06-12 發表
而家最緊要排位,睇完覺得排S位好啲。我個仔讀緊s位,好多支援㗎!小朋友都會進步快d



  ...
半年後再睇私家醫生。 到時睇佢會唔會轉bb 去番s 位。 而家煩i 位點選。 最後選左屋企嗰區。。 唔知好唔好好似普通人咁報幼稚園。。。



Rank: 3Rank: 3


265
發表於 15-6-13 08:14 |顯示全部帖子

引用:這位媽媽不必那樣灰,+一年前我仔評估要入s

原帖由 doraemon298 於 15-06-12 發表
這位媽媽不必那樣灰, 一年前我仔評估要入s位, 各方面都是遲歲半, 那時才3歲, 去上了10月私人訓練言語, 感統 ...
而家真係希望囡囡可以好似你仔咁咋。 當年你囝要派s 位嘅需要性應該因為連大小肌肉都慢。 我囡要s 位應該係自閉程度加智障。。 佢大小肌都合付年齡。



Rank: 2


45
發表於 15-6-13 09:34 |顯示全部帖子

回覆:daibolam 的帖子

我仔係整體發展遲緩,自閉,嚴重感統失調!
醫生話自閉雖然冇得醫,但唔會越嚟越嚴重,只會越嚟越好!家長嘅角色好重要,s位又好,早訓位或i位又好,最重要係家居訓練!
唔影響日常生活嘅唔好攪佢,影響嘅就搵方法幫佢!
嘅然唔可以改變,何不快快接受,搵方法去幫小朋友!三姑六婆家人講乜都唔洗理,放開啲,原諒佢哋嘅不理解!



Rank: 6Rank: 6


6984
發表於 15-6-13 10:01 |顯示全部帖子
其實20個月好細,唔識講,真係睇唔到佢識D咩。

如果真係智障,當然無辦法,但其實可能只係小朋友未發展到,潛能未出。樓主成日提住智障、智障、智障,唔好咁快自己標籤小朋友是智障,仗未打就先投降,如果家長投降,囡囡都會輸。所謂6歲先CHECK到智能是事實,人地判斷唔到咪咁講,真係唔駛放在心。

你而家可以做,就係搵專業人士、上訓練盡力去幫佢,你要有心理準備,唔係1、2個月就得,可能要以年計,一般小朋友可以在日常生活就吸收到認知,但佢地要用D特別的訓練方法先學到。我就捱左1年半,到而家我知仔不是智障。我回頭望,可能是因為我當初無咩教到佢,而佢又有發展障礙,所以搞到咩到唔識。

我仔一歲幾時被評懷疑中度自閉,評估時無望醫生一眼,咩都唔識,我擔心過是智障,到2歲多D再評是輕度自閉,因為評估不合作,俾人話過認知近乎BB,上堂教埋D BB野,而近2歲9個月,識望人打招呼,數字、英文字母、形狀、顏色都認到,講3詞句,雖然言語慢半年,但認知被評為不俗,小朋友的社交、溝通障礙,會影響能力表現,評估結果不同,會變化的,同埋你一直陪佢訓練,你會好知道佢識D咩、唔識咩,評估結果準唔準心理有數。


Rank: 5Rank: 5


3357
發表於 15-6-13 10:59 |顯示全部帖子
本帖最後由 DENNIS201 於 15-6-15 16:13 編輯

同意20個月仲係好細
我仔20個月時連咩係波都唔知佢識唔識
宜家train左4個月已經識講好多有意思既單字同做好多野
只係唔識溝通同多d古怪野
比多d時間小朋友一定有幫助

Rank: 5Rank: 5


4461
發表於 15-6-13 13:50 |顯示全部帖子
咁細係CHECK唔到智能, 最細都要有5歲以上先可確診, 之前, 醫生係睇小朋友和同歲的差距而評估跟住列為懷疑個案.

20個月好細, 仲有得追, 只要努力面對問題, 總有辨法

Rank: 3Rank: 3


265
發表於 15-6-13 23:17 |顯示全部帖子

引用:我仔係整體發展遲緩,自閉,嚴重感統失調!

原帖由 babiyeung 於 15-06-13 發表
我仔係整體發展遲緩,自閉,嚴重感統失調!
醫生話自閉雖然冇得醫,但唔會越嚟越嚴重,只會越嚟越好!家長 ...
家居訓練如何開始?



Rank: 3Rank: 3


265
發表於 15-6-13 23:23 |顯示全部帖子

引用:其實20個月好細,唔識講,真係睇唔到佢識D

原帖由 legolas625 於 15-06-13 發表
其實20個月好細,唔識講,真係睇唔到佢識D咩。

如果真係智障,當然無辦法,但其實可能只係小朋友未發展到 ...
我同先生一直花好多時間陪bb 。 出世到而家未試過爸媽同時離開超過4個鐘。。
睇住佢由正常講野學野手指指。 到退步到阿爸都唔識講。 大人手指方向都睇唔到,只見到大人隻手。 開口差dd 講“爸”但發唔到個音。 個心好“up”。。。



Rank: 4


888
發表於 15-6-13 23:27 |顯示全部帖子
樓主,睇返你既情況,令我諗起我仔18至24個月時果段不知喊左幾多個夜晚既經歷,喺我囝歲半時,都因為唔望人,未能手指指,唔聽指令,唔望人指既方向等等自閉特徵,被健康院轉介左去cac,喺我仔20個月大既時候,去私人機構評左做輕度自閉,排i位。呢半年內帶仔去做訓練見過一d導師,都俾佢地話仔認知差理解差語言差又乜又剩,23個月大時竟被評各方面得一歲至歲三能力,仲被人暗示仔係智障。但我唔相信個結果,最了解個仔既始終係家長自己。有d導師經驗不足或不負責任既導師會武斷咁對小朋友作出評價,標簽甚至戴有色眼鏡去睇佢地。到左25個月大我帶仔去cac做評估,除語言外,各方面發展正常,醫生仲肯定我仔唔係自閉,話佢智力正常,i位e位都唔需要排,果刻我真係想喊出嚟。而家我小朋友除左講野差,望落同普通小朋友差別不大。你小朋友仲好細,好多野會有變數。

Rank: 6Rank: 6


6984
發表於 15-6-14 09:37 |顯示全部帖子
樓主,你囡太細,報下D個別PST堂,即特殊幼兒導師,約500元一堂,跟住一齊上,學下老師點教仔,問下意見,返屋企自己努力教。

仲有,自閉的通常係仔,如果囡有自閉問題,通常會比仔嚴重D,你真係要花心理準備要用多D時間教阿囡。

Rank: 3Rank: 3


265
發表於 15-6-14 15:21 |顯示全部帖子

引用:樓主,睇返你既情況,令我諗起我仔18至24個

原帖由 DearBabie 於 15-06-13 發表
樓主,睇返你既情況,令我諗起我仔18至24個月時果段不知喊左幾多個夜晚既經歷,喺我囝歲半時,都因為唔望人 ...
而家嘅我就係以前嘅你。 番番下工都會突然喊。 雖然唔係專業人士。 但長時間對住bb , 情況點真係幾清楚。 就正因為明白情況,先更傷心