4 歲小孩態度問題

Bstar

好多時唔滿意就大叫，喊！
有無方法改善？
其實我都用温柔語氣講左好多次，有咩事同媽媽哥哥好好講，但通常佢第一個反應就係大叫同喊！
佢喊既原因係通常俾哥哥搶玩具。哥哥唔同佢玩⋯⋯沒完沒了⋯⋯

hedhed

原帖由 Bstar 於 15-06-02 發表
好多時唔滿意就大叫，喊！
有無方法改善？
其實我都用温柔語氣講左好多次，有咩事同媽媽哥哥好好講，但通常 ...

Ignore 佢，叫佢喊完再搵你。你返房洽洽先。

Bstar

都試過，但無用！
下次都係咁重覆

kmchan818

試多幾次，你認為自己的方法正確嗎？如果係，不要放棄，繼續教育！小朋友都無咁易改正架！加油！

hedhed

原帖由 Bstar 於 15-06-03 發表
都試過，但無用！
下次都係咁重覆

咪由佢叫飽佢囉。我唔係叫你ignore佢係罰佢，係你真係洽下同俾你篤下手機。小朋友都係重覆犯錯的，同埋佢地都想發洩，咁佢覺得叫囂重要過你理佢咪由得佢，叫飽佢。叫佢叫完通知你囉。我係屋企係咁對佢。如果係街，我會同佢講，你咁想叫，返到屋企你同我坐底，叫到飽。之後咪俾佢喊又好乜都好，夾佢返屋企，返到屋企叫佢叫飽佢囉！唔叫都叫佢叫！咁喜歡叫吖麻⋯⋯

konew720

Bstar 發表於 15-6-2 11:18
好多時唔滿意就大叫，喊！
有無方法改善？
其實我都用温柔語氣講左好多次，有咩事同媽媽哥哥好好講，但通常 ...

留意下平時有冇咩野表現令佢覺得你地偏心哥哥?
有時佢唔係喊果件事，可能佢覺得你地鍚哥哥多過佢。

平時得閒多d同佢講爸爸媽媽都好鍚佢。

Bstar

有的！
兩個亦有私下私人時間媽媽陪！
現在努力學習中！有點改善！

eugenmmm

小朋友會用較激動的表現情緒或不滿，有可能係唔識用言語表達
媽媽可以喺佢嗌時，主動問佢：你點解嗌呀？係咪因為……(原因)呢？如果小朋友話係，你就可以同佢講返你好明白佢嘅心情，但係嗌對事情無幫助，並且先口頭教佢正確的處理方法，然後示範一次，比小朋友模擬。
佢見到原來問哥哥就會同佢玩的時候，之後都會用這個方法。

mikiwu

原帖由 eugenmmm 於 15-06-12 發表
本帖最後由 eugenmmm 於 15-6-12 14:35 編輯

小朋友會用較激動的表現情緒或不滿，有可能係唔識用言語表 ...

係哎，小朋友有情緒是希望你回應佢的情緒，如果佢未能釋懷，即未講中佢心底的問題，所以先繼續發脾氣。所以唔係叫佢收聲，係問佢係咪因為乜乜原因令佢好傷心，所以大叫，大喊，直到佢點頭，其實就自然收聲。呢個係一個好大的課題，可能一招唔係次次適用，坊間有好多教家長管理情緒的短期課程，真係值得上，獲益良多