用戶登入
用戶名稱:
密      碼:
搜索
教育王國 討論區 教育講場 有話說﹕從學生撐政改片風波學尊重
發新帖
查看: 474|回覆: 0
go

有話說﹕從學生撐政改片風波學尊重

Rank: 8Rank: 8

醒目開學勳章


15649
發表於 15-5-21 10:04 |顯示全部帖子
【明報專訊】上周發生學生拍片支持政改事件,成為全城焦點。有拍片學生因為擔心遭網民起底而情緒受困,亦有學校發聲明希望公眾關注學生遭受網絡欺凌。一心諗住參加美國遊學團,點知搞到最後驚到要取消晒自己嘅facebook、instagram戶口,相信一班學生都始料不及。

子女學包容 從小開始培養
其實香港過往都發生過唔少因政治言論而被網絡欺凌的事,例如學運領袖黃之鋒就曾被人在網上公開其住址。香港作為一個公民社會,應該包容唔同嘅聲音同立場。
資深中學通識科教師張銳輝,本身係一女之父嘅佢認為,子女尊重不同意見的態度,應由家長從小開始培養。以佢自己為例,張sir會經常同囡囡討論時事,過程中佢會鼓勵對方發表意見外,亦會引導女兒作多角度思考,例如會問﹕「點解你會咁睇?有咩例子支持你咁睇呢?其他人又持有咩意見呢?」
另外,父母平日亦可以鼓勵子女多接觸不同的信息渠道,例如持不同立場的報紙同新聞台,從而了解不同人的觀點。身教往往最重要,張sir指父母亦要以身作則,以開放、理性態度面對不同立場:「例如家長不宜把『權力關係』帶入討論中,認為我係長輩,你係我仔女就要聽我嗰套。」

鼓勵孩子多接觸不同信息渠道
張sir女兒今年已經11歲,開始有自己的網上社交平台戶口。佢話自己都會提醒女兒小心保護私隱:「因為網上世界其實跟公眾地方無異,上載在網上平台的資料有可能不止被朋友看到。」另外,網絡欺凌不止包括公開別人私隱,亦包括參與轉發。張sir有時收到類似的信息都會藉機跟女兒說,不要參與轉發,以免對受害人作二次傷害。Happy Mama希望受拍片事件影響的學生早日恢復心情,亦希望大家多點關注網絡欺凌,唔好再有下一個受害人出現。
Best wish,
(\~~/)           天下間沒有不受教的孩子,
(='.'=)           只有不懂教的父母。
(") (")~~O Derdad