讀緊又一村的啟基小學，可以分享一下嗎？

angel-papa

因我常常都經過見到又一村的啟基小學，所以特別留意它，而且知道的小學有限。
但聽聞這小學除了少功課外，我在學校網址亦見到超多課外活動。不過，教學情況便不太清楚，如：有些家長說這學校程度太淺？將來難於適應中學程度。真的會這樣淺嗎？咁誇張？英文程度又如何呢？因現在兒子是讀英文幼稚園的，英文程度比中文較好！

校園生活好似也不錯！常常看到校外的告示牌說午餐有什麼飯餸食，又有老火湯飲咁！感覺這學校也很關心小朋友的健康發展。

但入學是否也很難考呢？現在好像間間都話要 interview, 仲要 IN 幾次先得！好似仲難過 IN 份工咁！

可以有小朋友讀緊這校的分享一下嗎？

謝謝！

kirstyau

原帖由 angel-papa 於 15-05-19 發表
因我常常都經過見到又一村的啟基小學，所以特別留意它，而且知道的小學有限。
但聽聞這小學除了少功課外， ...

我只知午餐係校內自己煮，所以比平常訂餐貴，好似30幾蚊餐

siden

有愛心，老師包容度高，但唔會谷學術, 升中派位情況成疑，我問咗兩個分別一、二年級該校家長佢地都答我唔到。

識朋友讀得好開心。

不過若家長追求學術，會覺得hea。但各花入各眼。喜歡有愛心輕鬆唔死谷的小學(例如豁達家長打算將來升中見步行步)呢間一流。

LeeCC

我認識幾個讀緊的，共同點系回流家庭或公務員家庭，初中或最遲高中去外國讀書，升中不是最大考慮
家長話名乎其實happy school，一樣學到嘢，無教淺，每天差不少在學校做完功課，評核方法不會給小朋友多壓力

siden

原帖由 LeeCC 於 15-05-20 發表
本帖最後由 LeeCC 於 15-5-20 10:06 編輯

我認識幾個讀緊的，共同點系回流家庭或公務員家庭，初中或最遲 ...

如果遲早打算出國，個人覺得WKF 真道等會配合得更好

LeeCC

siden 發表於 15-5-20 10:19
如果遲早打算出國，個人覺得WKF 真道等會配合得更好

無錯，不過遠呀，新界西去深水步上學已經系極限了

Gooblovebb

我係用家，係升中見步行步果種。小兒小一，讀得開心考試冇壓力，我比較其他學校小一程度，大致相約。自己知阿仔吸收力強，唔駛死谷學術，一向弱點係表達力普通，有點怕醜，但學校呢點幫助很大，多出來講野機會，宜家大膽自信力很多。

siden

原帖由 angel-papa 於 15-05-19 發表
因我常常都經過見到又一村的啟基小學，所以特別留意它，而且知道的小學有限。
但聽聞這小學除了少功課外， ...

啟基是好學校，收咗又可抽獎，校風也不錯，你可看看有否開放日入去參觀下

B.B.BaBa

朋友個女早兩年畢業，派左去暫借深水埗校舍的英華女校，聽聞現時是校內的 top student

fishchow

聞說舊校長有心有力，人脈勁，搞好多活動，好為學生。他們的愛心廚房值得一提，每日早晨開始為學生煮飯、煮餸、餚老火湯。星期一是green Monday。新校長 亦十分投入，之前是傳統學校出身，上任後把課程谷了少少，但學生仍比較愉快學習。

kvvvcheung

原帖由 fishchow 於 15-05-20 發表
聞說舊校長有心有力，人脈勁，搞好多活動，好為學生。他們的愛心廚房值得一提，每日早晨開始為學生煮飯、煮 ...

Good

angel-papa

多謝各位！我也不是谷嗰種媽咪，聽完大家意見，感覺真是我想要的那種！不過，我老公知道這是中文學校吧！怕呀囝學英文唔夠好⋯

叧外，是否都很難考？想考嘅話，有咩要注意？

sze0203

我覺得誠意, 主動, 有禮, 懂得分享, 與同學共融係啓基選生的部份要求, 學術其次~~我參加過兩年面試, 主要都係叫小朋友繪畫, 問佢可唔可以送比老師; 又叫小朋友玩猜皇帝, 睇下會唔會唔認輸要發嬲; 另外考記憶, 喺個盒度放左D文具, 轉頭問返佢入面既係咩唻；仲有要求帶本自己熟悉的書本分享。（記得提小朋友將坐椅拍返好及離開時同老師講再見）2ND IN 時最好父母同見，老師會問小孩關於爸爸的問題，又指定問題要爸爸回答，想知親子的情況。仲有會預備將會轉有碌的坐椅比小朋友坐。。。其實當年我個女喺度轉得幾厲害，好似去左遊樂場玩咁。。。幸運地都收到OFFER^^

亦有朋友試過WAITING 寫求位信，放榜後有機會2ND；雖然學生全程處於極不合作（因佢最想同最好朋友讀同一間小學），最後誠意分搭夠都收到OFFER (不過最後叩到津校無讀啓基)

小平平

聽聞每年收不少讀啓思幼稚園的學生

siden

原帖由 angel-papa 於 15-05-22 發表
多謝各位！我也不是谷嗰種媽咪，聽完大家意見，感覺真是我想要的那種！不過，我老公知道 ...

英文你預咗一般

angel-papa

Thank you 曬你的意見！

amsbaby

我係用家，小一，而今年亦有做圖書堂義工。對於外間一直有傳學術及英文水平問題，我經歷了一年，對啟基教學亦很有信心。英文方面，小朋友嘅英文水平真的一D都唔差，尤其是在 presentation 方面，每次問小朋友邊個想出來講故事，完全無怯場，而且發音也準。而其他學科方面，我直情覺得深過一般津校，尤其數學。小朋友又可以在愉快中學習，確是幸福。

fishchow

原帖由 amsbaby 於 15-05-27 發表
我係用家，小一，而今年亦有做圖書堂義工。對於外間一直有傳學術及英文水平問題，我經歷了一年，對啟基教學 ...

可否告知多一些學校英文的語境和教學內容，謝謝！🙏

amsbaby

英文語境也不錯，學校有兩名外籍老師針對 oral, 另外因為係活動教學，所以小朋友上英文課也非常投入。另外在圖書堂，學校規定要帶中英文圖書各一，亦會有外籍老師在圖書堂裡 surprise 小朋友，即時入課室講英文故事。總括來說，小朋友英語能力也不錯。亦唔係外間人認為學術上追唔上其他。  我朋友兒子在港島區一名校就讀，他們的中文程度和啟基的很接近。數學就比一般津小為深。所有課堂功課仍然容易 handle, 但測驗卷就見真張。

amsbaby

另外一個月也有一次週會是全英語，你以爲佢地唔明咩，但個個小朋友聽到哈哈大笑，非常投入。