【爭入補習社】幾百人排隊 搶讀暑期班

purplesheep

真誇張

catcatmom

沙田"至樽", 不斷有操練, 佢補好多呂小+ 素貞小學生, 因之前在一城有做課後跟功課, 所以都好多人報, 小學生多去補, 中學課程一般啦! 亞仔補補下都覺得一般無補, 中學有位, 小學就唔知. 不過裡面D人態度1般, 唔補時候又打來, 唔補?番來就無位啦, 既然禁搶手, 何必打來SO擾家長. 所以中學大把地方補, 唔一定搵佢, 小學如讀呂才, 聽講好多去補, 因佢地有十幾年既卷, 方便操.   

洋蔥頭媽咪

呢間係死操果隻，靠以往人家學校測考卷去貼題，補習嘅功課已經做到你暈。我就極唔buy呢類教學方法，所以唔會補呢d，不過都識人有補開，部份家長好buy, 以為貼中考試題目實掂，但難為了孩子，老師又惡，以往唔識就留堂，補嘅小朋友反而操完仲差左，孩子身心都累！

nintendo

住沙田十年，唔識呢間嘢，第一次聽就係呢個新聞。
做細路仔生意好易，家長太羊群心態。

lalalumlum

暑假唔係俾小朋友休息，鬆弛下，做做運動嗎？平時上課，小朋友已經好累，好大壓力，為什麼暑假還谷他們呢？
物極必反！本末倒置！

nintendo

返暑期班都唔一定唔好，有些家長當托管，每個家庭需要唔同。但重點係，要咁排隊，就好無謂。我就唔信全沙田，呢間最好。根本成班家長羊群心理，比人利用造勢。毒果又幫手，放 A1 ，話唔定老闆係記者個朋友。

HMmummy

見到呢啲場面，都唔想讀啦！

stefi

朋友話聽朋友大力推介話好，佢話好彩冇報，因為原來咁谷

積奇百事

洋蔥頭媽咪 發表於 15-5-18 07:51
呢間係死操果隻，靠以往人家學校測考卷去貼題，補習嘅功課已經做到你暈。我就極唔buy呢類教學方法，所以唔 ...

小學競爭激烈, 有補習社能間唔中貼中某小學題目,  唔好理果間補習社好唔好, 或教得掂唔掂, 最重要係能提高小朋友校內成績. 拿多五分十分, 名次又跑前幾步.
而其他小朋友無去補概, 未必唔勤力, 但人地攞幾多分, 人地進步, 自己無進, 相對就係退步左, 結果其他家長局都要去補, 希望攞返依幾分, 咪搞成咁概通宵排隊情況出現.

MASAYA

原來而家小學課程已經發展到唔補習就攞唔到分既地步，我真係井底蛙，陰公

EMMA88

lee間補習社好耐, 有d受操小朋友有進步, 家長就覺得佢好.
吾受操既好反感...3個鐘頭做同一類型練習, 做得吾好吾比走...

rchchan0505

可憐！家長可憐！
小朋友更可憐！

jswailam928

真正讀到書既小朋友是不用操練 有天資吧！

bubuG

原帖由 jswailam928 於 15-05-18 發表
真正讀到書既小朋友是不用操練 有天資吧！

冇天資咪唯有補習，唉.........

洋蔥頭媽咪

原帖由 積奇百事 於 15-05-18 發表
小學競爭激烈, 有補習社能間唔中貼中某小學題目,  唔好理果間補習社好唔好, 或教得掂唔掂, 最重要係能提高 ...

若只靠呢d就算比你入倒b1中學，讀上去唔夠班都好快現型，信心盡失，而且呢d只係羊群心理，苦了孩子更害了孩子，見過身邊有小朋友真係操完仲衰過冇操。其實適量操下小朋友可以，但去到咁已絕非好事，讀書除靠天份亦靠孩子努力，底子好何須怕，更無須參加呢d操練，實在有點過火了。

karenlyk

好誇張

EMMA88

catcatmom 發表於 15-5-17 23:56
沙田"至樽", 不斷有操練, 佢補好多呂小+ 素貞小學生, 因之前在一城有做課後跟功課, 所以都好多人報, 小學生 ...

朋友個女補過, 補習社知道考試範圍就大包圍, 死操爛操, 可以同一款題目做幾版紙, 操足幾小時, 未如理想吾比走.
例如: 做一系列既比喻, 吾識都操到識.;