本帖最後由 Bsc_arch 於 18-2-1 14:47 編輯
我個女都係舊年係靈糧堂畢業，讀咗一個學期小一（津小）適應得十分好，默書、測驗成績理想。中、英閱讀理解，數學概念掌握OK。當年讀靈糧堂除咗英文phonics，無外補任何學術性科目或面試班。佢仲要細B添。
我認爲靈糧堂課程足夠裝備阿女應付英文科以外既小一要求，而又無教突（有同學從谷既幼稚園升上話悶）。 中文科：雖然靈糧堂少抄寫功課，但學校每週［請聽我讀］既計劃和一套認字卡訓練學生既認中文字能力。雖然Ｋ２下學期先開始學寫字，但Ｋ２尾已經讀到簡單的故事書。到Ｋ３，每週有剪報功課，我會同阿女一齊讀報紙，讓佢揀剪邊篇，又問佢既感想，從而幫佢將思想化爲文字。依D練習對小一既閲讀理解、造句、句子重組都有好大幫助。另外有份字典功課對認部首非常有用。最後，到K3最後一個月學校會安排小一預備課程，包括工作紙、默書等，讓小孩有心理準備升小後的情況。 數學科：靈糧堂K3畢業學生已經學會1-20以内既加減數，如果升上既小學係跟教育局指引，已經夠用。另外K2、K3 有集體遊戲其實教緊學生認立體形狀和度長短，都係小一上學期課程有既。 常識科：老實講，小一常識要求唔高，小朋友對一般事物有好奇心和了解已經可以應付，而靈糧堂既教育方法係依方便特別強，所以阿女完全無問題。
當然，我覺得讀靈糧堂都需要某D家校配合。例如英文真係唔太夠，大部份學生都有外補phonics。又，學校功課少，但有既應該盡量做。[請聽我讀］你無讀夠quota (20次)學校唔會同你追究，但小朋友吸收少咗。
至於考直私，識有同學考到神校，但數量真係無D谷既名幼咁多。
| 
發表於 17-11-16 21:01
