真心求救，8歳仔中文科學習困難！！！

ac917

樓主，基本問題好大機會係識字少，我女讀英文私小，中文比一般津校深，小一已經見到唔掂，默書每次2課範圍，只有50-60幾分，學校只有2考，每次範圍閒閒地9-10課，讀到喊！

小女對中文嘅觸覺比英文差好多，呢2年英默佢預早一晚自己溫完已搞掂，但中默來來回回溫完又溫，2課書起碼要早2星期溫，溫完都冇乜把握，幾咁淒涼.....之後見到佢嘅弱點，加上呢d咁痛苦嘅經驗，而家平日老師一教完的課文，我就盡早同佢溫習默書，每日cut開少少積少成多，家陣中默起碼80-90分以上，重拾信心！

另外小一下學期開始搵單對單私補，試左2個老師先啱，針對性地不停操練左一年多，雖然暫時未談得上喜愛中文，但叫做應付到學校課程，冇咁怕....

樓上有幾位前輩教過我拆開d字來加強記憶，亦分享過唔同方法讀書，我參考佢地方法獲益良多，持之以恆對我女有效，你喺度搵下有幾個posts講教小學中文，加油！

kayi0556

我諗最好係每日都同佢一齊睇書， 雖然話2年級，可以由講故事開始， 令佢對中文有返興趣， 令佢冇咁抗拒之後就伴讀， 之後再嘗試放手自己睇書

skkeung

情況很普遍!英文重要，以為中文容易!學中文難過英文很多!提出時，無人會信!

S-Kwok

是否其他科嘅成績都冇問題?

我覺得睇中文書方面可以投其所好先，最好係較短嘅故事，容易完成、明白，較易有滿足感，從而培養興趣及成功感。佢鍾意搞笑嘅就睇搞笑嘅故事，佢鍾意科學故事可睇晨讀系列（十分短，幾分鐘讀完），最緊要肯睇，家長要陪讀、陪睇，教佢讀同理解，隨咗等佢覺得有人陪，唔會孤身作戰，仲可以睇佢進度。

Olympian

原帖由 karenpsleung 於 15-05-13 發表
本帖最後由 karenpsleung 於 15-5-13 15:43 編輯

真心求救，想個仔小學中文科合格！！！我個仔來年升小 ...

真係有d問題。點差都唔會默書得10分。小二就算唔點睇書，都會係學校學到一定字量。

我最近義工教一個南亞裔小朋友，佢要上中文加輔班(即全級最弱的8個同學，抽離上加強輔導堂)。佢都唔會咁嚴重。

找不到原因，用錯方法會浪費時間。伴讀係好，但我諗對你小朋友未必最有效。快d搵專業人士評估下，睇下有咩問題先。

wan_sosin

原帖由 skkeung 於 15-05-14 發表
情況很普遍!英文重要，以為中文容易!學中文難過英文很多!提出時，無人會信!



  ...

很多父母認為英文叻已蓋過一切，在幼稚園階段還自滿於小朋友英文比中文好！但中文是何其難進步的語文！要追返就辛苦了！

不過樓主真係再試下出去做評估啦！確實一下有無其他問題，同時努力同囝囝睇書！出街指多D中文字佢睇，超市，餐牌，路牌，從生活中學習！

kipapa

嘗試讓小朋友多看中文卡通及簡單書籍, 先令小朋友對中文感到興趣, 才能真正得到進步。  家長中文不太好, 其實並唔重要, 與小朋友一起學習, 成語動畫廊是個不錯選擇, 片段短而又可學到成語, 每天10分鐘左右就可以。 先不要寄望小朋友能吸收到多少, 能陪小朋友嘻嘻哈哈睇成語故事, 已是一件樂事, 即使小朋友如何抗拒中文, 相信亦不致於太反感此活動, 習慣了可能會變成喜歡添。  

中文是難學的, 但遲起步總比原地踏步為佳, 加油呀!

glory32

好多男仔學中文有困難, 怕寫字。

skkeung

中文真的很難學!

little_yolky

kipapa 發表於 15-5-14 10:19
嘗試讓小朋友多看中文卡通及簡單書籍, 先令小朋友對中文感到興趣, 才能真正得到進步。  家長中文不太好, 其 ...

我見樓主話佢自己普通話都唔好, 咁可能小朋友係普教中? 咁如果小朋友普通話聽唔明, 會更無心機, 補補普通話啦。

bobbob

Olympian 發表於 15-5-14 09:27
真係有d問題。點差都唔會默書得10分。小二就算唔點睇書，都會係學校學到一定字量。

我最近義工教一個南亞 ...

啱，就算幾唔情願讀都無理由次次默書得10分，應該有其他問題，可能要搵專業人士幫忙

little_yolky

MrBeast  我中文都唔好not n excuse  發表於 4 小時前


雖然係話not an excuse, 但如果家長自己中文唔好, 教起來都幾吃力架, 因為老鼠拉龜無訂埋手, 好似我自己英文唔好, 阿女細個時只記得教中文, 咁依家先追番英文又唔知應該點做, 咩書啱睇, 最初都幾傍徨架。

不過, 好彩仲識上EK

bobbob

little_yolky 發表於 15-5-14 10:36
我見樓主話佢自己普通話都唔好, 咁可能小朋友係普教中? 咁如果小朋友普通話聽唔明, 會更無心機, 補補普通話 ...

我仔讀小學前都唔識普通話，學校又係普教中，初初聽唔明所以上堂唔集中，但讀讀下越聽越明就無問題，默書亦幾乎次次攞滿分，所以我覺得樓主個小朋友未必係普通話唔好咁簡單。

little_yolky

bobbob 發表於 15-5-14 10:44
我仔讀小學前都唔識普通話，學校又係普教中，初初聽唔明所以上堂唔集中，但讀讀下越聽越明就無問題，默書亦 ...

應該係好多因素加埋吧, 最簡單默書係最易攞分既一環, 如果都係次次10分, 就明白一定係有其他問題。

MrBeast

little_yolky 發表於 15-5-14 10:40
MrBeast  我中文都唔好not n excuse  發表於 4 小時前

世上無難事，只要上ek ma
之前有人話唔信中文難，其實唔係唔信，只是不知會咁難，我在小一下學期見勢色不對，已立刻轉呔，急追中文，當時有d重組句子我自己都做錯，咪邊學邊教law, 仲可以話：嗱爸媽都會錯ga, 佢地好受ga.

JE0608

識人真的評估出是中文讀寫障礙, 無耐地都要同小朋友轉國際學校

如果小朋友在有溫習情況下, 測考默都遠低合格水平, 其實真係要做下專門評估。

little_yolky

Gary_family 發表於 15-5-14 14:40
完全唔做練習？我真懷疑

有乜好懷疑的? 我囡囡除咗學校要求既網上閱讀花園, 都係無做練習, 中英數都無, 不過, 成績只係一般

我成日諗, 如果我谷下佢, 俾佢做下練習, 或去補一補專科, 唔知會唔會名列前茅呢 (發緊白日夢)

HaYi

我個仔都是英校, 中文P1開始一直要追, 不要以為英校人人中文差, 中文好的同學都不少, 所以一定要在初小追上去.

佢之前開始睇多左老夫子之類的書, 對中文有興趣多了, 加上中文寫下寫下識多左, 所以會快D, 早些開始溫, 成績會好快有改善.

如普教中而家人普一般,  默書可以用番中文書的網站, 聽多些會熟, 如熟到識背,   默書都冇太辛苦.

simonwan

Gary_family 發表於 15-5-14 14:40
完全唔做練習？我真懷疑

做練習可能對測驗考試成績有幫助，但系不會改善真正的語文能力。要語文好，大量閲讀才是王道的方法。