真心求救，8歳仔中文科學習困難！！！

karenpsleung

真心求救，想個仔小學中文科合格！！！我個仔來年升小三了。過去兩年，中文科不論默書、測驗和考試都無一次試過合格，試卷得三十幾分，默書就幾乎次次都十分之下。他讀的是英文小學，數學和常識也是用英文教的。我直覺話比我知我不能再單憑學校一方去使我個仔的中文科成績可以突飛猛進，而且我唔想睇住個仔的中文一直咁差落去。現在我一至五放工回家至訓覺前大多只夠時間陪佢做晒些功課，因為他做得很散慢。而每逢測試考試前三、四個星期我己經主攻陪他溫習中文科而放棄溫習其他科目了，可是成績依然唔合格，加上我的中文和普通話水平都唔係好得。懇求教育王國的家長們，分享一些補習社/教材/學習中文的方法/其他方法，因為再咁落去，我都唔知佢點考一條龍中學了！先謝謝你們各位的寶貴意見！

little_yolky

karenpsleung 發表於 15-5-13 15:16
我個仔來年升小三。過去兩年，中文科不論默書、測驗和考試都無一次試過合格，試卷得三十幾分，默書就幾乎次 ...

你問吓佢做乜咁唔鐘意中文? 其他科都無問題? 中文差應該連帶常識都出事喎。

wan_sosin

karenpsleung 發表於 15-5-13 15:16
我個仔來年升小三。過去兩年，中文科不論默書、測驗和考試都無一次試過合格，試卷得三十幾分，默書就幾乎次 ...

恕我直言,有無想過是否有讀寫障礙?

karenpsleung

回覆 little_yolky 的帖子

他是讀英文小學的，常識科也是英文！所以，他對中文字的時間真的很少！

karenpsleung

回覆 wan_sosin 的帖子

老師搵社工做左評估，話無喎

MrBeast

認字有冇問題？

little_yolky

MrBeast 發表於 15-5-13 16:29
認字有冇問題？

樓主話默書次次10分以下, 跟本係無興趣, 認唔到字, 無心機學。

kayi0556

回覆 little_yolky 的帖子

我都係咁諗， 識字太少， 唔識字會影響興趣， 之後就唔想學中文

MrBeast

little_yolky 發表於 15-5-13 16:38
樓主話默書次次10分以下, 跟本係無興趣, 認唔到字, 無心機學。

哦，我之以問是因為正常來講都是聽說讀寫lei 個order.  咁如果confirmed不是讀障問題（倒想知社工點知），應該都是exposure 唔夠，其實好多家長me included 在kg 都是重英輕中，上到小學先知死，為有看多些書和做些續集，但唔好expect 幾個星期會有好大進步。

kayi0556

回覆 MrBeast 的帖子

係， 語文係要浸

simonwan

要由頭開始令佢喜歡閲讀課外書。
首先，唔好補中文，唔好做課外練習，唔好逼佢默書寫字，衹會令佢越憎中文，功課求其完成，滿足老師最低要求就算。未來兩年唔好理中文科學校成績。
要做的，是開始陪佢睇中文故事書，唔知你仔程度，由他程度開始看起，逐步加深，要培養他看中文書的興趣。
如是者幾個月，希望培養他看中文書的習慣。
之後可開始寫字練習，如果學校每天有的，就繼續。如果他不太抗拒的話，可每天少量給他寫字練習，由一頁開始，慢慢逐步加多，但每天都是以閲讀爲主。

有了閲讀習慣，中文程度會快速增長，一兩年后，學校考試不會是問題，再過兩年，可能名列前茅。
學語文是長跑，唔好睇呢兩年成績，就算而家比你操到合格，以後十年，年年仲金，遲早完。

越大越難學中文，八歲仲可以培養他看中文書的習慣，要而家開始。
記著，唔好做練習、閲讀理解等等，無用！

中文故事書單可參考EK其他帖，很多網友有好建議。

simonwan

唔駛理識字幾多，由佢程度開始看故事書。逐步加深。

little_yolky

karenpsleung 發表於 15-5-13 15:16
真心求救，想個仔小學中文科合格！！！我個仔來年升小三了。過去兩年，中文科不論默書、測驗和考試都無一次 ...

1. 中文係唔會特飛猛進的2. 你中文唔好係問題徵結所在
3. 小朋友做功課散漫係第二死症


好多功課嗎? 有無可能有人可以督住佢响你放工前做晒所有功課? 等你放工後可以陪佢講故仔, 讀書仔?
暑假唔好咁多其他額外興趣學習班, 搞番掂個中文先, 一個暑假, 應該可以搞到合格的。但小朋友唔志在就最麻煩了。

rean_chau

中文係難學架！你真係要睇下佢有無學習困難先。我仔小一時中文都好差，我落左好多心機。我除左閱讀都放好多時間去認字，因為唔識字好難有興趣。我會將佢課文既所有生字做成咭仔，日日認寫。買啲五分鐘小故事，叫佢分詞類，自己出填充做。二年級未試過唔合格。

MrBeast

MrBeast 發表於 15-5-13 17:27
哦，我之以問是因為正常來講都是聽說讀寫lei 個order.  咁如果confirmed不是讀障問題（倒想知社工點知）， ...

補充一句，做練習不是指去書局買十本八本補充，跟著講你同我做哂佢，而是針對孩子弱點，找出他的困難，如有需要又可能的話，教一些答題技巧，當孩子發現自己做到，就會有動力，當然長遠來說，多閱讀才是首要，初步最好樓主當講故事讀先。

Yanamami

就算英小，都無理由差到唔及格，最多因唔鈡意中文而低分啫｡唔通个个讀英小既中文都肥？去正式地方做評估穏妥d.

我大女已F4, 英文全級头果滲但中文係尾尾果渗｡唉~~~~~~~~但佢小学時再唔鈡意中文，默書都90分，測考都80左右喎~如果小時家長偏向—个語言教小朋友，佢大大下会自選果个令佢舒服既語言，抗拒另—个｡但我女从k1/2都顯示唔鈡意中文，人仔細細，借堆中/英書俾佢，揀咗中文書擺埋—边唔睇｡越大就越每況越下｡