以前不同網友分享中文作文的好方法

小時了了

S-Kwok 發表於 15-12-16 07:00
熱切期待

一講曹操曹操就到。今日阿女學校派咗木棉樹（今年阿女有訂閱），阿女篇故事登咗，阿女好開心。


當日寫作時, 老師用問題不斷引導阿女:

1) 選材方面: 開頭阿女只係講隻青蛙跟住隻海龜出海, 見到草地, 海, 珊瑚之類, 老師提阿女如果寫呢啲太普通同埋唔吸引, 老師不斷繼續問阿女仲見到咩, 去邊度呀..... 阿女後來自己諗到去南極北極喇, 老師就用南極北極及環保為重心去寫, 嘩! 當時我聽住老師引導阿女呢個過程, 真心覺得老師比我更幫到阿女寫作.

2) 鋪排方面: 定咗南極北極選材重心後, 老師之後又繼續問問題去去激發阿女想像力去作, 然後定咗三樣野:1) 珊瑚魚; 2)北極熊;3) 企鵝, 每一野樣寫一段.

3) 結局方面: 老師又係問阿女青蛙想留係出面定係返屋企? 留係出面妳想點? 返屋企妳又想點?......最後阿女決定寫依家個結局喇！

以上幾點，我會想起 YolandaTam 網友對小女提點有關作文選材嘅重要喇

S-Kwok

原帖由 小時了了 於 15-12-16 發表
本帖最後由 小時了了 於 15-12-16 23:05 編輯

寫得好好

我記得之前你post過女女一篇作品，相比下，今篇文筆、內容、舖排方面進步好多。文筆流暢，讚。相信多寫多學習，女女掌握了技巧，即使無老師引導，都能寫得一篇好文章。

小時了了

S-Kwok 發表於 15-12-17 08:24
寫得好好
我記得之前你post過女女一篇作品，相比下，今篇文筆、內容、舖排方面進步好多。文筆流暢，讚。相信多寫多學習，女女掌握了技巧，即使無老師引導，都能寫得一篇好文章。

認同呀, 老師唔會亦唔可以跟我女一世呀. 好似跟師父學武功咁, 師父教晒招式及秘笈, 弟子要不斷練習, 終有一日弟子要離開師父下山, 憑自己實力行走江湖.

PS. 但阿女依家只係學緊紮馬, 漫漫長路....

laitobb

原帖由 小時了了 於 15-12-17 發表
本帖最後由 小時了了 於 15-12-17 09:38 編輯

多謝分享！好叻，繼續努力

chloeyiyi

原帖由 小時了了 於 15-12-16 發表
本帖最後由 小時了了 於 15-12-16 23:05 編輯

我囡都有訂呢本

Man04

多謝大家分享

MASAYA

YolandaTam 發表於 15-11-9 15:19
小時了了  您唔好嚇我呀 發表於 2015-11-09 15:07:23

有時所謂平淡，特別，係好睇 ...

同意，如果硬要寫冇感覺既野，好難寫出感覺，當然出黎工作經常面對冇興趣既野，但呢個係後話
難表達既事物，可能只係觀察唔夠，如果係鍾意就會寫出人地冇留意過既地方，作文某程度係建基於觀察之上。最近同個女玩呢個遊戲，隨便拎一樣物件出黎，鬥形容得多，後來我女將形容延展到物主係點既人，呢樣物件既使用情況，佢話係參考福爾摩斯

小時了了

阿女有專人指導, 作文會好好多. 但一到自己作呢, 仍然有好多好多進步空間

第一篇要寫 "開心事", 阿女直頭唔作
第二篇要寫 "流淚事", 人地寫明要用 "倒叙法" 及 "首尾呼應", 但阿女一啲都無做, 只係普普通通記叙文一篇. 真神奇, 小四篇 "牛展"作文唔符合作文要求係好低分. 但小五呢篇 "流淚事"同樣唔符合作文要求卻有八十幾分. 又再應驗作文分數萬二分"人為主觀", 作文分數可以相差幾十分呀, 真係可以A 亦可以係C. 老師(大老細), 您叫我點樣玩呢個中文作文呢? 阿女(細老細), 妳究竟唔識, 唔明定係唔知點樣作 "倒叙法" 及 "首尾呼應"?

little_yolky

小時了了  唔知呀,從來我無問過. 下學期呈分試我會問呀  發表於 1 小時前


吓? 仲未打聽清楚? 我哋小一至小五作文只佔10%, 但到呈分時, 聆聽同說話都唔計分, 作文變成佔20%。我偷睇小五小六家長會個PPT「了解」的, 知己知彼, 百戰百勝係我既助右銘。

小時了了

IloveJJ 發表於 16-1-22 12:20
咁你快啲問下，因為原來有啲學校只佔10%，咁高低都係爭1、2分啫，無需嘥時間啦！  ...

我估唔會只佔10%咁少, 份作文卷都考好多野

中文科分兩份卷：一份係課文卷，一份係作文卷。

課文卷：課文不供詞填充（15分）；課文短問題（15分）；課外排句成段（4分）；課外閱讀理解三篇（60分）；標點符號（6分）

作文卷：重組句子（6分）；改寫句字（6分）；造句（8分）；擴張句子（6分）；錯別字辨識（4分）；修辭技巧（6分）；句式仿作（8分）；分析重點（6分）；文章寫作（50分，120字）

課文卷：小四上學期失分最多係閱讀理解，於是我即刻第一次買閱讀理解補充俾女每晚做一篇，下學期呢部份真係好好多，但課文短問題我卻掉以輕心無溫過，15分全錯失晒分，再錯埋標點及少少閱讀理解，加加埋埋幾十分就咁無咗啦！

作文卷：我真係唔識教。阿女小三時都係考記敘文，全年無論作文功課及測驗考試都好高分，老師亦好多時會間底阿女寫得好的形容詞／修辭／四字詞語／成語之類。我見阿女四年班都係考記敘文，阿女都係好似以前咁寫，但今年中文老師係咁寫阿女作文評語用詞不足，內容乏味之類，我真係迷茫，我都唔識喇。呢排我見EK 有網友分享小五係考描寫文。嘩！描寫文對我來講係星星文，點寫點作呀！小五又話要呈分試，我都唔知阿女中文點算喇！

little_yolky

小時了了 發表於 16-1-22 12:31
我估唔會只佔10%咁少, 份作文卷都考好多野

中文科分兩份卷：一份係課文卷，一份係作文卷。

吓, 乜解究你哋作文卷咁鬼多嘢要考? 我哋作文卷就係作文, 你其餘所有嘢全部係入晒所謂既課文卷入面。我哋閱讀理解係40%。

little_yolky

IloveJJ 發表於 16-1-22 12:36
唉！我哋小一至小六中文都係:作文40%，課本50%，說話/聆聽各5%。英文就小四先分兩份卷，都係作文40%，死未? ...

作文40%, 我會驚驚哋囉。唔緊要, 唔識大家一齊唔識, 作文只要唔離題, 應該唔會差好遠既。

little_yolky

IloveJJ 發表於 16-1-22 12:41
係囉！我驚呀！呢啲野好主觀，遇著個老師唔啱key，咪死晒?課文我仔好有把握呀！今次差啲9字啦！



  ...

小三咁高分, 好叻仔喇 , 唯有唔熟既作文題, 就穩陣D, 望唔好離題啦, 老師都唔會亂俾分的。