為了德信而搬？

edpo

小朋友學術成績ok，會考直私小，家住新界，得十五分，現在心儀31網德信（怕油天太多人爭），值得搬嗎？定係得等埋直私小有無offer先算？無咩頭緒，請各位前輩幫幫手諗下…

siden

佩服你忍到不抽油天。安全至上。

如經濟不成問題，可考慮搬咗先，有高質素私校收就可搏油天。如冇好私校收就照原定計劃乙一德信。

babybbmama

樓主，可否分享一下為什麼咁鐘情於德信呢？

edpo

回覆 babybbmama 的帖子

無咩特別，只係知油天唔夠人搶，定係一於去搶下

Martina

如果你仔是德幼學生就唔使搬，多數叩門OK

winnietingting

原帖由 siden 於 15-04-25 發表
佩服你忍到不抽油天。安全至上。

如經濟不成問題，可考慮搬咗先，有高質素私校收就可搏油天。如冇好私校收 ...

好佩服，肯為小朋友搬屋

hkpapa852

edpo 發表於 15-4-25 18:05
小朋友學術成績ok，會考直私小，家住新界，得十五分，現在心儀31網德信（怕油天太多人爭），值得搬嗎？定係 ...

個人意見, 和德信同級既小學每區都有一間以上, 諗唔到點解要為咗佢而搬

siden

hkpapa852 發表於 15-4-26 13:17
個人意見, 和德信同級既小學每區都有一間以上, 諗唔到點解要為咗佢而搬

可能佢超鐘意九華

edpo

咁不如坦白啲，我的小朋友學術的確幾好，但係佢比較慢熱，考直私小真係唔敢講會唔會考到，如果在新界讀無咩好選擇，而事實我地都想佢在九龍讀中學，在新界，就算你考左第一，好好彩入考到九龍名津中，都係包底的多，而且佢地都係一早自己家長不停進補…既然又要進補，又同學校水準唔match，我就諗，不如出番九龍讀，九華我當然流晒口水啦，不過咁遠嘅事就無得諗，但得十五分，聽聞油天爭到嘔，咁點好呢，去唔去爭下？41喇沙又唔覺會抽到，就算比你111都無得叩，頭痕ing…

edpo

真心想請教，仲可以有咩更好嘅選擇，其實一樣要就埋爸爸番工，住開新界搬出九龍需要幾大嘅勇氣（空氣環境樓價樣樣都會諗），定係灣仔區好？？

Soundervolt

原帖由 edpo 於 15-04-26 發表
咁不如坦白啲，我的小朋友學術的確幾好，但係佢比較慢熱，考直私小真係唔敢講會唔會考到，如果在新界讀無咩 ...

咁又唔好誤會，我個仔啲同學喺新界普通學校轉過去讀咗幾年，成績都十分利害。其實我覺得最緊要睇下屋企對小朋友有乜支援啫。宜家唔係七八十年代，九龍同新界嘅學校成績上唔會有咁大距離。

Soundervolt

原帖由 siden 於 15-04-26 發表
可能佢超鐘意九華

好多年前德信確實有好多學生升上九華，近年兩間油天同大角嘴天主教小學已過哂德信頭，成為頭三位九華派位大戶。

siden

千祈唔好睇少新界小學。淨睇沙田，一呂入band 1率over 7成，沙呂入band 1率over 6成，另外仲有幾間易抽啲都約5成。

edpo

唔係睇小新界學校，沙呂小當然勁，要搬沙田都一樣可以，因為我唔係住沙田，反正搬，咪要諗搬去邊

edpo

你地嘅意思係，直接搏油天？

Jane1983

有私校back up去抽，同無back up去抽，做法吾同。

反正係搬，可以多留意幾區，如灣仔、中西區、沙田。爲德信而搬，係比較少見。

edpo

回覆 Jane1983 的帖子

可否分析一下？唔同區的策略或選擇，到時有無私校backup又點？唔該晒⋯⋯

Jane1983

有back up的話，可以搏d，將最鍾意的放在第一志願，吾需要穩守。

如果小朋友谷得，可以揀一線學校，要有直屬中學，收番比例高的。油天係好，但升中要再打一仗，華仁真係好多人吼住。