雙重特殊資優兒

S-Kwok

原帖由 IloveJJ 於 15-11-12 發表
其實我好懶打字…佢既怪，包括:佢學走路時，係舉高雙手的; 現在8歲，跑步時腳提不高，手不懂兩邊擺; 常跌向 ...

仔都係會唔捨得掉嘢，但我唔知係性格關係還是佢能力做唔到。佢買嘢要買整套、固執（我以前以為係性格，但原來固執到咁，又係問題。仔來來去去只睇嗰幾套或某一類型，如想要嗰套書，唔買比佢，佢可以喺書局每次只睇嗰套書，我地差不多每星星都去書局，每次都幾個鐘，仔可以睇足一年，買咗比佢之後，睇飽咗就可以轉睇其他）。
另外，亞氏最主要係識唔識睇眉頭眼額、明唔明白別人嘅背後意思、固執等。

cl_kaka

IloveJJ 發表於 15-11-12 22:15
其實我好懶打字…佢既怪，包括:佢學走路時，係舉高雙手的; 現在8歲，跑步時腳提不高，手不懂兩邊擺; 常跌向 ...

我仔都有類似情況，"跑步時腳提不高，手不懂兩邊擺； 手指主要不是用拇指和食指，而是用拇指和中指; 容易憂慮，固執"等等！上堂時成日遊魂，但記性超好！理解力較差，剛剛考試，考書本知識上既無問題，但做中文閱讀理解就麻麻，我相信佢明白文章內容，但對太近似既答案及分別唔到，對一D比較取巧既問題亦較差！中英文聆聽考試成績都較差，我仔話比我知聆聽時遊左魂！但其實我仔記性好好，識知亦超前，但情緒上落就好大！

Jcat

我既經驗係唔好著眼佢係唔係資優, 著眼於佢弱既地方.
佢地聰明, 學術基本上唔駛操心. 但行為和性格過左六歲就好難改佢.

cl_kaka

Jcat 發表於 15-11-19 12:23
我既經驗係唔好著眼佢係唔係資優, 著眼於佢弱既地方.
佢地聰明, 學術基本上唔駛操心. 但行為和性格過左六歲 ...

都係，所以成績唔係我地既著眼點，但做人mama見到其他成績比佢好既小朋友都話要去補習，個心始終會有怪獸走出黎！佢由K2開始上社交情緒班，好幸運佢而家小一係學校都算有Friend既同學仔一齊玩一齊放學！係情緒方面較大上大落比較令我地頭痛！

S-Kwok

原帖由 IloveJJ 於 15-11-19 發表
「日常生活嘅嘢會好易忘記（除非印象十分深刻嗰啲），但知識性嘅記得唔錯（學習係易上手）；日常生活嘅嘢要 ...

其實評估咗之後, 會諗多咗、明白咗，知道有啲行為係佢地唔能夠如一般人自然地從日常生活中觀察、學習，自己會接納多咗，亦會盡量預測到佢地唔識、唔知嘅，預早提佢地。
暑假時，仔去過2間center上社交班，佢親身體會到、看到好多問題，感受大咗，佢自然明白多咗。另外，學校亦有安排仔上社交班（同賽馬會、明愛、教育局合作嘅研究計劃），每星星一堂，我睇到仔明白多咗、諗多咗，有時佢激嬲我，會自言自語話“你依家呢個表情係好嬲咁解”。

其實，我想講嘅係，呢類資訊，我地明白、亦會講到比小朋友聽，但我地可能會欠缺一些技巧，但社交班係有一套有系統、有技巧嘅教授，小朋友有系統地接收知識、能即時親身感受，比起只係自己教、見到有問題先教，小朋友可能會覺得好凌亂、記得好散，效果會相差好遠。

一些冷熱著衫、除衫問題，我會叫仔出商場就除外套，（有時佢唔記得，我就會邊除自己外套，邊話好熱好熱，佢會醒覺），至於zip衫問題，我依定盡量會朝早再提佢，放學返嚟，我要見到見恤衫都好似依家咁zip喺褲內（講時，要清楚指住件恤衫zip喺褲內嘅地方，等佢清楚知道要求）。每樣事情預咗要教好耐，可能係幾年（好似我教仔講早晨一樣，由仔幾個月開始，我已教，亦有身教，教足7年，佢先做到）。

S-Kwok

固執行為: 我同爸爸會刻意帶佢行唔同嘅路（同一起點、終點），跟佢講同一條路可以有好多唔同嘅方法行，多讓佢明白解決同一問題有好多辦法，多讓佢感受好多事情會不如佢預期。

我仔唔止亞氏咁簡單，未做評估前，我同老公講我唔識教，好辛苦，但評估後，會了解多咗、諒解多咗，係會好啲嘅。

YanKanMom

S-Kwok 發表於 15-11-19 08:57
仔都係會唔捨得掉嘢，但我唔知係性格關係還是佢能力做唔到。佢買嘢要買整套、固執（我以前以為係性格，但原 ...

阿囝又係唔捨得掉嘢, 小至短無可短的顏色筆, 大至小時踏過的單車, 也要跟他糾纏很久才可處理得到. 他就快11歲了, 仍會為在校唔見了的擦膠,水壺等哭, 什麼東西用過的都說有感情!
另做事要整套的觀念也是很強的. 例如冬天時, 在家一定要棉長衣棉長褲整套地穿, 就算當天天氣稍暖, 也堅持不肯將長衣除下只穿短袖內衣. 我發覺他是很重視最初做法的人, 往後便固執地依循, 不易改變.

S-Kwok

原帖由 YanKanMom 於 15-11-19 發表
阿囝又係唔捨得掉嘢, 小至短無可短的顏色筆, 大至小時踏過的單車, 也要跟他糾纏很久才可處理得到. 他就快11 ...

係吖係吖，如果套衫係一套，仔係一定要著一套或要全身同一色系。

喺仔仔好細時（可能係1、2歲），我已發覺仔係第一次點做，佢就要以後都係咁做，如果唔同咗，佢會不停問，我要不停解釋直至佢滿意解釋為止，所以當時我已經凡事一開始就想清楚先開始行動。

原來，點點小事都已經係徵狀，只係當時我完全不認識亞氏，以為係性格而已。

Jcat

我覺得評估左, 學校老師有個參考, 唔係壞事.
我仔今年小一, 我有填SENS, 學校老師明白多D, 佢地對阿仔包容度和關懷度也高D呀.

YanKanMom

回覆 IloveJJ 的帖子

我相信有一定的遺傳，但徵狀則未必定全一樣。我老公手腳協調佳，是排班、乒乓球校隊，阿囝動作笨拙，這點似我多些。老公也常會把口應住人，但個心卻在想其他東西的。他的原則性很強、同理心較弱、也不大懂看別人的眉頭眼額。跟他說起，他小時某些狀況與阿囝也有相似的，但程度可能輕微些，另說人生經驗會使他醒覺及有所改善的。但雖然可能是同類人，老公見到阿囝笨手笨腳也會好怒氣的，因他自己並非如此。

S-Kwok

原帖由 YanKanMom 於 15-11-20 發表
回覆 IloveJJ 的帖子

我相信有一定的遺傳，但徵狀則未必定全一樣。我老公手腳協調佳，是排班、乒乓球校隊 ...

我地嗰年代，未必咁多人認識亞氏等呢類問題，多數只會覺得這些人有些怪/難相處/曳，無人懂得教這些小朋友，當時人童年可能會較少朋友/未必過得開心，要用人生經驗去令自己醒覺及有所改善。  所以，我會覺得既然知道小朋友有問題，都想盡量協助小朋友渡過，教懂他們看懂別人、相處知道，希望佢能夠跟一般小朋友一樣，多點明白別人所思所想所需，容易跟別人相處。

S-Kwok

原帖由 IloveJJ 於 15-11-20 發表
明白!你真係好有心機。可能我仔無你仔咁嚴重影響生活，我覺得暫時都handle到，咁我都係唔嘥錢去做評估住。 ...

如果小朋友問題不大，唔影響生活，你地又接受到，其實都無咩問題。
不過，我都想分享少少: 亞氏小朋友喺說話嘅表達能力上會比同齡小孩差少少，另外，因為佢地唔明背後意義，中/英閱讀理解可能又會差少少。

YanKanMom

S-Kwok 發表於 15-11-20 15:24
我地嗰年代，未必咁多人認識亞氏等呢類問題，多數只會覺得這些人有些怪/難相處/曳，無人懂得教這些小朋友， ...

小一、二時有讓阿囝上過協康、小童群益會的情緒/社交班。但到底改善是來自課堂的幫助？由自身經驗摸索？父母在旁的提點教導？我也分不清楚。或且所有東西都有些幫助。不過我想說，條路確是很漫長的，可能一生之久，而且會起起跌跌。有時以為阿囝已突破框框，正放鬆時，又發覺不是這回事，他仍stuck在那裡。會灰心嗎？會的。但只可灰心一下，還是要繼續動腦筋，想辦法，陪他一起上路。

S-Kwok

原帖由 YanKanMom 於 15-11-20 發表
小一、二時有讓阿囝上過協康、小童群益會的情緒/社交班。但到底改善是來自課堂的幫助？由自身經驗摸索？父 ...

我相信各方面都能令孩子改善。 對我孩子來說，課堂上老師嘅教導、孩子當下嘅感受嘅感受性應該較大。

你講得啱呀！真係漫漫長路，孩子會跌跌撞撞，我們看著看著，總會有點嬲怒、有點心痛。

cl_kaka

S-Kwok 發表於 15-11-20 15:32
如果小朋友問題不大，唔影響生活，你地又接受到，其實都無咩問題。
不過，我都想分享少少: 亞氏小朋友喺說 ...

請問亞氏小朋友喺說話嘅表達能力上會比同齡小孩差少少，即係點？我仔講野好老積好大人口吻，駁咀都好叻，同大人傾計好流暢，但我見同同年齡小朋友傾計時總係覺得有D格格不入咁！

另外中/英閱讀理解可能又會差少少，我仔今年小一，考試要考中/英閱讀理解，閱讀理解方面確係差左D，但其實我平時同佢講故事時，問返故事內容佢又可以答到我wor!想請教你教小朋友閱讀理解方面有無咩注意既地方？

Diamondtcc

我小朋友今年小一，班主任話佢容易感到憂慮而成日喊，例如:唔見文具，好擔心文具揾唔返喊，幾乎要揾番先收聲，又例如明天測驗，又會好擔心唔識，又話唔想撞答案，要好想100分，試過因為97分而喊，因為爭3分先滿分(但我從來冇比壓力佢)，暫時佢成績是唔錯的。
但問題佢事後冷靜完後，知道好小事，仲講到好多解決方法，但嗰刻佢d情緒控制唔到(不是小哭，而是嚎哭)，幾乎每日都發生，我諗都幾騷擾其他同學上堂，我現在非常困擾，請問你地如何處理？