被寵壞的小學生

annie40

回覆 shadeslayer 的帖子

非常同意! 过多的文明洗礼, 人类反而失去了非常珍贵的原始判断能力!

因此要多点亲近大自然, 几乎任何问题, 大自然老早提供了答案!

torunpoland

我係非常放手的媽媽！由佢地自己來，咩野都係，補一句，需要幫手就出聲，所以，3歲半仔已經自己澡涼洗頭，自己食飯，自己咩書包（有時見太重我會幫手）；細的現時2歲半，見到哥哥樣樣自己，都有樣學樣（當然他還未可以，我亦未放心俾佢細的澡涼洗頭）。

你早放手，佢早學識，你早休息。

湊仔教仔最煩，日日如是，天天一樣，但呢樣係最貼身的訓練。我個人好怪，如果補習係唔想傷感情，我係反對。我認為教仔（包括學識）都係做人父母責任之一。但是，如果因為父母唔識，冇時間教，就情有可原。

little_yolky

torunpoland 發表於 15-4-20 11:57
我係非常放手的媽媽！由佢地自己來，咩野都係，補一句，需要幫手就出聲，所以，3歲半仔已經自己澡涼洗頭， ...

你早放手，佢早學識，你早休息。 <==== 絕對讚成



有關補習亦深有體會。有另一帖有位媽媽, 不幸入咗名校, 囡囡小二, 成績有D跟唔上, 老師三番四次要求家長搵補習, 媽媽卻認為小二而已, 應該俾時間小朋友, 她亦有慢慢教小朋友, 陪讀, 但老師不賣賬, 家長老師關係搞得好差。

torunpoland

人生根本有開心傷心，親子關係亦然，有咩理由親子關係中，只有甜蜜？吃喝玩樂旅行開心寫意就得？你去茶餐廳叫個A餐，都有樣你唔鍾意食啦。所以，我們自有孩子以來，決定不請工人，我都明白請工人有許多好處，但冇理由玩就由父母玩，換片澡涼哄睡覺就給工人做。

ANChan59

little_yolky 發表於 15-4-17 12:40
真係弊, 我都間唔中有削果皮俾我老公的, 咁我都要戒下了

淨係削果皮俾老公食?  自己食果肉？

小時了了

今日報紙: 13歲童唔識沖涼換衫 或患「人格障礙」http://the-sun.on.cc/cnt/news/20150420/00407_065.html

【太陽報專訊】外傭唔易做！有調查發現，六成受訪外傭除照顧家庭起居飲食，還要兼教少主，當中三成六人感吃力，而少主行為及態度更是「頭號難題」。有富家子從小依賴外傭，不但要她隨傳隨到，至十三歲仍要人協助沖涼換衫。有專家形容該類孩子或患上「自戀型人格障礙」，即過分自大及難以接受批評，長遠影響社交。

香港記憶學總會聯同香港心理學協會在本年一至二月，訪問七百三十名平均來港五年半的外傭，需協助僱主教導少主讀書的六成外傭中的六成六人，形容少主的行為及態度是「頭號難題」，包括不聽教，亂發脾氣等，其次是文化差異，佔一成四，另不足一成人對少主學業感「棘手」。

自覺享有特權

香港心理學協會會長劉英健認為，調查反映港孩被寵壞，他五年前曾遇到一名十三歲男孩因被外傭「悉心」照顧，至青春期時沖涼換衫仍要假手於人，「乜都要命地呼喝工人做，甚至安個鐘『叮』一聲要佢撲埋嚟做嘢」。他形容，該男生患有「自戀型人格障礙」，包括覺得自己毫無問題及享有特權，遇上不稱心事情即發脾氣，但後來男生未完成治療已消失，無法跟進個案。他又警告，若不及早留意問題，最壞情況是孩子出現「自戀式父母化」，即當自己是「自己父母的父母」，可任意喝令外傭去拿自己想要的東西來服侍他，如他們長大投入社會，根本無法同人相處，容易出現「劈炮唔撈」、離婚，甚至自殺。

教育孩子是家長天職，但該調查亦發現有兩成半外傭曾因錯誤教育少主而惹僱主訓斥、大喝及責罵，有個別外傭甚至被斥「乜你咁鬼蠢」，或被下令「下次唔使再做」，部分僱主的發火程度，更被形容是瘋狂。

香港記憶學總會會長李玉娟擔心，外傭隨時成為「翻版Erwiana」。李建議，家長及外傭需協商教育手法，如給予小孩空間自己做功課，遇上問題才找人幫他一把，然後即離開，「比學童知自己可獨立做事」。她亦提議政府增加對外傭及僱主的心理輔導服務，另開設相關課程或研討會，為需要協助港童讀書的外傭紓解困難。

mms_north

回覆 torunpoland 的帖子

我很同意教導子女是父母的責任,是責無旁貸! 同結婚一樣,有甜蜜時刻,但套餐內一定包埋其他惡頂既野.  同子女的相處,又點會只有父慈子考既情景, 邊有咁著數!

尢其是品德,做人方面,邊可以外判? 子女係你既,人地鬧佢"無家教"其實係鬧緊你,唔會因為你外判左而唔關你事.

fc926

我覺得（Working mom+老人家+工人） 這個組合係好易出事。很多老人家很在意未用盡工人，所以就算小朋友有能力自己做嘅事都叫工人做左，working mom返左工係好難控制家中大小事，除非家中老人家冇話事權，不過都幾難

wan_sosin

原帖由 IloveJJ 於 15-04-20 發表
講得啱!我就係ftm兼唔請工人，所以仔整污糟，會被我鬧;放假，要摺返自己啲衫褲鞋袜。我相信，有工人，一定 ...

最少個爸媽都有一齊入迪士尼，我見過個媽叫個姐姐帶小朋友入去玩，自己直情無去。

wan_sosin

shadeslayer 發表於 15-4-19 20:21
雀鳥媽媽在雀鳥BB未長出羽毛前，為它們找食物。到雀鳥BB長大後，雀鳥媽媽便會推BB出巢，讓它們學飛學覓食。 ...

燕詩-白居易


梁上有雙燕，翩翩雄與雌

泥銜兩椽間，一巢生四兒

四兒日夜長， 索食聲孜孜

青蟲不易捕，黃口無飽期

嘴爪雖欲弊，心力不知疲

須臾十來往，猶恐巢中飢

辛勤三十日，母瘦雛漸肥

喃喃教言語，一一刷毛衣

一旦羽翼成，引上庭樹枝

舉翅不回顧，隨風四散飛

雌雄空中鳴，聲盡呼不歸

卻入空巢裡，啁啾終夜悲

燕燕爾勿悲，爾當反自思

思爾為雛日，高飛背母時

當時父母念，今日爾應知

YanKanMom

wan_sosin 發表於 15-4-21 00:19
燕詩-白居易

我分別在阿囝6-7歲和9-10歲期間，將這首「燕詩」讀及解給他聽。兩次他聽後皆感動飲泣，但不知他是為詩中的燕父母難過，或是為詩中的燕孩子要獨立靠自己而難過了﹗

小時了了

YanKanMom 發表於 15-4-21 10:37
我分別在阿囝6-7歲和9-10歲期間，將這首「燕詩」讀及解給他聽。兩次他聽後皆感動飲泣，但不知他是為詩中的 ...

慈烏夜啼     白居易

慈烏失其母，啞啞吐哀音。

晝夜不飛去，經年守故林。

夜夜夜半啼，聞者為沾襟。

聲中如告訴，未盡反哺心。

百鳥豈無母？爾獨哀怨深？

應是母慈重，使爾悲不任。

昔有吳起者，母歿喪不臨。

嗟哉斯徒輩，其心不如禽！

慈烏復慈烏，鳥中之曾參。

我嗰個,兩年前背"燕詩"後,我要佢即刻背埋"慈烏夜啼",反而當時阿女好不齒"吳起",覺得佢好衰

wan_sosin

原帖由 YanKanMom 於 15-04-21 發表
我分別在阿囝6-7歲和9-10歲期間，將這首「燕詩」讀及解給他聽。兩次他聽後皆感動飲泣，但不知他是為詩中的 ...

你無問他嗎？十歲前的小朋友通常都想永遠留在父母身邊，想像唔到將來會離開父母，我仔話點都唔會同我分開！小朋友對燕詩嘅分離難於接受吧！
但父母真的要知道，小朋友總會有離開獨立的一天，中國人喜歡幾代同住，香港地方細，住得遠極有限，做呀媽常想，可以就盡量去照顧，結了婚都常二話不說走上子女屋企！結果本想繼續同子女關係，但反而令子女想遠離，連地址都不想讓呀媽知道！
有些小孩4,5歲甚至上小學都仍用奶樽，點會唔當自己係BB,覺得別人要照顧自己，這樣生活上唔覺意暗示小朋友自己還是BB,如何長大？

YanKanMom

回覆 小時了了 的帖子

妳囡很乖肯背詩, 我囝不會背的, 除非學校要背默的課文, 雖然他很"愛國", 口口聲聲說希望自己中文好過英文, 但又懶惰, 才不肯為此多下苦工. 我讀給他聽主要是希望他偶爾領略一下中文詩的滋味.

YanKanMom

回覆 wan_sosin 的帖子

我沒有正面問他，但我相信他是為燕父母悲傷多些。因當我讀和解到「一旦羽翼成，引上庭樹枝」，他就悲從中來，再讀和解至「雌雄空中鳴，聲盡呼不歸」，他已泣不成聲，我也不忍再讀下去。我一定不是會上子女屋企幫他們執屋煮飯的阿媽。說來慚愧，在家頭細務上，我絶對不是一位稱職的妻子及媽媽。我囝的確幾喜歡做BB的當他想依賴懶惰時，但當他自覺有理時，則會突然長大與你爭持不已，企圖說服你為止。

torunpoland

一次過要人背咁多句？我就通常係五絕五律，暫時未有排詩／古詩／賦／文。