直資私校只收大B？

Annbaat

人人話直資私校只收大B，好想問過來人，有冇12月尾出世嘅小朋友以細B入到直資/私校？
我暫時唔想囡囡留班，一佢算跟到進度，二要留班來日方長吧。但，矛盾心理又諗會唔會輸蝕無學校收……點算好？

Charlotte_mom

原帖由 Annbaat 於 15-04-16 發表
人人話直資私校只收大B，好想問過來人，有冇12月尾出世嘅小朋友以細B入到直資/私校？
我暫時唔想囡囡留班， ...

有d講明，有d無所謂，不過大B的確係學多左一年野，而且重考小一亦越黎越普遍。平常心啦

Jane1983

學校係睇面試表現，年頭大B相對12月B，大成一歲，表現好d、穩定d，都好正常。我小朋友都係細B，細B到K2，學術好多時吾輸比大B，但社交和EQ就始終差d。

我女幼稚園同學，有個12月超大B，和12月超細仔，兩個最終去了同一間直資...

MrBeast

回覆 Annbaat 的帖子

你咁問實有人話佢細B好多offer, 無問題。考小一面試表現為主，你覺得你個跟到咪得。

MrBeast

Annbaat 發表於 15-4-16 08:25
留班來日方長...

這句真唔知點答你

little_yolky

Jane1983 發表於 15-4-16 08:41
學校係睇面試表現，年頭大B相對12月B，大成一歲，表現好d、穩定d，都好正常。我小朋友都係細B，細B到K2，學 ...

我大囡11月底細B, 細囡2月底大B, 兩個差咁多, 明顯地妹妹自信同學術係醒好多, 但講到淡定得體, 社交EQ, 自理能力, 妹妹同家姐真係無得揮, 家姐羸咗十條街, 可能係因為當年家姐時只有一個寶寶, 大人集中火力教導, 妹妹時因為兩個, 忙好多, 無人理佢咁多, 禮儀社交EQ係差D。所以, 我諗大細B都係教育既問題, 教得好唔會有好大差別的。

Jane1983

回覆 little_yolky 的帖子

小朋友個人特質、資質性情，和父母栽培方法，係有好大影響。正常情況，學多一年野，見多一年世面，而個基數係5歲，係應該叻d的。但亦確實好多細B吾輸人。
聽咗咁耐，你大女係處世達人，以柔制剛，大B細妹先被比下去

MrBeast

little_yolky 發表於 15-4-16 09:15
我大囡11月底細B, 細囡2月底大B, 兩個差咁多, 明顯地妹妹自信同學術係醒好多, 但講到淡定得體, 社交EQ, 自 ...

父母的栽培當然是一major factor, 我見過一個初時評為輕度弱智，經過一返＂努力＂後，考入一間一線小學，但個過程就

little_yolky

Jane1983 發表於 15-4-16 09:27
回覆 little_yolky 的帖子

小朋友個人特質、資質性情，和父母栽培方法，係有好大影響。正常情況，學多一年 ...

家姐：社交10分+學術5分=15分
阿妹：社交3分+學術8分=11分

到最後都係EQ高既人勝出, 所以, 大家都唔駛對學業太著緊。

Jane1983

回覆 MrBeast 的帖子

家長栽培的成效，尤其慈母，真係唔講得笑，可以make a big difference。
我小朋友學運動果度，一年前，見有個9、10歲左右的女仔，係有少少自閉傾向或社交問題，一班人排隊做動作，係要推吓人、撞吓你、搞吓呢樣果樣、扭計、發脾氣、尖叫，佢亞媽坐係場邊，夾著其他家長不勝其煩的表情，每隔幾分鐘叫佢女吾好咁做、要點點點，面命耳提。

最近上堂撞番，個女仔大咗，反應、表現和其他較活躍的小朋友無分別。佢亞媽一臉滿足坐係場邊睇。我呢d三吾識七的，都好凳佢高興。

siden

其實呢個問題，係問咗等於冇問。

呢度有人答你，12月細b入咗一線直私，果個個案得唔代表你個女得。

呢度有人答你見唔少細b冇一線直私offer, 亦不等如你個女考唔到。

根本大家心知肚明，11、12月細b，除非特別醒些進度拍得住中b，否則面試表現一定爭少少。一線直私收大、中b比例多些，呢個係事實。但唔代表冇細b。細b一定有，但比例較少。佢收時會唔會揀中你個細b係冇人答到你。

建議你若你女平時表現與中b相若，keep住做細b無妨。如果同中b比明顯爭一截，而你又係N無人仕兼住所校網不佳，做大b好過。

JMSS

it depends on interview performance

hobby

如果一心想考讀真資私小，除非各方面能力拍得住大仔大囡，否則都不用諗太多。因今時今日，間間都幾千人考，收得百幾人，你有冇信心是最叻嗰一群？
但如果讀津小官小都冇所謂，只要不是落後同學，咁就沒需要留班了

MrBeast

hobby 發表於 15-4-16 12:32
如果一心想考讀真資私小，除非各方面能力拍得住大仔大囡，否則都不用諗太多。因今時今日，間間都幾千人考， ...

其實讀書都是靠自己，普通官津一樣可派去b1中學，重讀為左入直私我就覺得唔值，但如以考小一成績來決定repeat or not, 這還是可以。

fionng25

10月尾B, 有私小OFFER
讀書其實都是靠自己

lhingw

原帖由 Annbaat 於 15-04-16 發表
人人話直資私校只收大B，好想問過來人，有冇12月尾出世嘅小朋友以細B入到直資/私校？
我暫時唔想囡囡留班， ...

我個 12 月頭細 B，有私小 offer。好似其他 jm 講，interview 好睇小朋友自己，不過現實係真係細一年，我個小朋友算高大，不過面試時好多小朋友比他還要高大半個頭，及比他成熟很多，我小朋友即時變得 bb 了，雖然這些未必影響面試結果，不過多一年時間，理論上學術及自理一定更好。但是，我問他要不要讀多一年 k3 or p1 再去考一次神校，他說不，他要跟其他同學一齊升 p1, 2..... 所以做大 b 定細 b 好睇你想要的是什麼。

lambeanmama

原帖由 siden 於 15-04-16 發表
其實呢個問題，係問咗等於冇問。

呢度有人答你，12月細b入咗一線直私，果個個案得唔代表你個女得。

感謝你。我一直被呢個大b細b問題困擾。你呢番話讓我有豁然開朗的感覺。
但我只有一名孩子，如何可判斷孩子的發展程度呢？我自己覺得大小肌肉身高等與中b無分別，學習算ok, 可坐定定一起閱讀兩三半書。自理唔錯，但社交較弱呀，比較膽小（or謹慎？）。社交能力需要考慮嗎？

Jane1983

回覆 lambeanmama 的帖子

幾細B？10月和12月都差d，男定女？女仔成熟d。

lambeanmama

原帖由 Jane1983 於 15-04-17 發表
回覆 lambeanmama 的帖子

幾細B？10月和12月都差d，男定女？女仔成熟d。

12月仔。

Jane1983

回覆 lambeanmama 的帖子

12月仔係比較細。你的心態是怎樣，目標係一線直私，吾得會好傷心果種？定係二線直私，甚至抽獎都無所謂？如果單講讀書跟吾跟得上，其實細B好多時係無問題。
因為我小朋友係10月B，我都經常觀察大細B。我小朋友K2、K3同學中（兩年是大兜亂，得一小部份相同），細B考得吾錯的吾少，但當然年年人越來越多，亦難講。

叻細B好多吾輸學術，但社交、EQ和反應始終會差d，不過這亦和性格有關。如果屋企有兄姊或經常和其他小朋友一起玩，又會好d。