想repeat多年K1但又……好煩惱

豬師奶8

小朋友11月尾細b,讀緊k1,想轉校讀多年k1,已報另一間亦收左！煩惱嘅係小朋友依家讀得好開心，每天期待返學，喜歡做功課，感受到佢好愛學校同老師;由最初喊爆，全云王適應期最長嘅佢到現在有最好朋友，又常說掛住老師，喜歡學習;而新學校評價亦高，師資好，課程較谷，辦學理念亦同我地所想相近，帶小朋友去過佢亦話好鍾意，同埋因為諗住讀完幼稚園會搬屋另一區，希望幫小朋友為小一打好基礎，亦想為叩門做好準備，明白未必轉校一定叩門成功，但最小我們都爭取機會盡過力！啱啱收到讀緊學校來年k2留位費，心有點動搖！

tkinwong

原本讀開的，是否學卷學校?新學校是否都是學券學校?如果是的話，學術上的分別未必這麼大。

又或者，向讀開的學校伸請重讀K1,。

豬師奶8

兩間都有學卷，但後者名氣較大

chopin999

邊2間

tkinwong

名氣這東西很抽象，你唔知小學睇重，如果真係睇得重，又唔會夠非學券名幼爭。

picture

用一年時間去換名氣大D的學校。你覺得值得嗎？

小朋友本身學習上有不足嗎？

se6b03

完全唔值得為左咁浪費多一年時間重讀K1，下年龍B又多，就算而家已經有學校收左，將來同班龍B一齊升小升中升大學，搵工做，都要同一班人爭餐死，如果我係個小朋友，我大個左實會埋怨自己父母白白浪費我一年時間重讀K1。

lovely_wing1123

我同你情況完全一樣, 一樣是11月B, 今年REPEAT K1, 一樣兩間都有學劵, 重讀的一間都是名氣較大。我都有掙扎過, 最後決定讀多一年, 因為一心小學要讀直資, 如果我繼續讀原校村校升K2, 出去考小學一定無機會。二來好多小學都收大仔, 細仔的機會又低D, 可不讀多年, 用呢年時間打好基礎, 龍B係多人, 不過兔B也不見得少好多。做大仔信心都D大, 我是支持細B REPEAT 的, 加油。有我陪你。

豬師奶8

真係完全同你一樣，終於有人明白多謝你！我就係覺得細幾個月已經可以差好遠，就等於前年同上年面試已經有好大分別！雖然我暫時只考慮升津小，但幼稚園同小學有關連、名氣大同課程比較谷嘅幼稚園已經可以有好大影響，自問並不是怪獸家長，但現在嘅香港教育不得不令我地要做好事前功夫，知道轉校對第時小一叩門可能機會比較高，唔試一定無機會，試左唔得我地無悔，起碼盡過力；亦深明小朋友大一年升小一自信心應更大！一齊加油

tataloretta

送多個伴俾你，我都打算俾阿仔repeat k1, 而家已經睇到佢同d大仔有分別了，所以搵過間可直升小學，理念一致既學校，俾阿仔開心玩多年啦！

hedhed

其實間間都開心的！轉左都會開心的，之前唔開心係因為仲細。大左唔會的了。

祝你快樂

如果重讀係為一條龍，我先會選擇多讀一年，睇妳追求同重視邊方面，一條龍先可以向學術上循序漸進，小朋友先可以有真正愉快學習同有個快樂童年，而且一條龍仲有其他好處。雖然小朋友適應力好強，但始終轉校有風險，開唔開心好睇個老師，係運氣，教學模式轉變，對小朋友可以有好大反差，如果有心儀小學，倒不如繼續讀原校再加進補。以上純是個人意見，希望妳盡快解決疑難！

tataloretta

2012年出生人數約91,600人  
2011年出生人數為: 95451人
其實有留意既話，兔俾龍的B還多，但我也不想這方面，只是想小孩可愉快些成長，他現在執筆寫字俾大仔吃力很多，
他也會忟為何寫不好，我有同阿仔講出年到另外的學校讀k1，他起初也不想，多與他說新學校了，他現在也接受。

CatCatBB66

如果你有耐性，等到k3時就會發現細仔同大仔嘅學習能力其實分別不大。分別在於學習態度，只要你仔專心向學，其實真的沒問題！

而且你只打算等大抽獎抽津校，咁又何必要小朋友讀多年k1呢。

MrBeast

豬師奶8 發表於 15-3-30 21:24
真係完全同你一樣，終於有人明白多謝你！我就係覺得細幾個月已經可以差好遠，就等於前年同上年面試已 ...

當年我就是因為K1的老師有愛心，冇repeat 到，到到K3問題浮現加上遇到個惡老師，所以會support 你repeat k1.  況且好少少的津較都幾谷，上小一是一個很大轉變，大B在各方面都會易適應。
順帶一提，冇聽過津校和kg有聯繫，極其量都係叩門階段，但位不多。

Heyheyjoyjoy

我仔12月，playgroup後直接入k1，k1老師無乜評語，回家也無講學校、同學；到k2，功課突然深好多，阿仔又不能自己造…我問老師，她才說仔仔在班中落後，意見是「練多d」！唉！現在k2，到底repeat k3？再升小？造細仔其實無乜好處，所謂早些成熟，以後要repeat都可以…與其煩不如轉造大仔，比他開心多一年，享受幼稚園生活，而不是進補吧！

mobimobi

原帖由 豬師奶8 於 15-03-28 發表
小朋友11月尾細b,讀緊k1,想轉校讀多年k1,已報另一間亦收左！煩惱嘅係小朋友依家讀得好開心，每天期待返學， ...

同你情況一樣，諗左好耐最終決定留原校做細仔。我甘諗，既然跟到就不好行返轉頭，若之後真是跟不到留返機會k3或之後再repeat。

Heyheyjoyjoy

我仔現在k2，他不再bb，repeat會有壞感覺，如打算轉，越早轉越少壞影響。他的心理影響是我現在煩是否讓他轉造大仔的唯一考慮。

picture

原帖由 Heyheyjoyjoy 於 15-04-02 發表
我仔現在k2，他不再bb，repeat會有壞感覺，如打算轉，越早轉越少壞影響。他的心理影響是我現在煩是否讓他轉 ...

是否學校太深

Heyheyjoyjoy

中數一般，英也只深一點。
最重要是我仔不喜歡老師，他根本無去老師處學。