求救！小一生,有温書的情況下兩科主科不合格

艾艾

我不知道可找誰傾訴，囡小一,專注力足, 今次測驗中英文不合格, 佢温到咁辛苦都唔合格, 我真係好失敗，六月就考試，我擔心會留班, 我還可以点幫佢?我每天五点半就回家督佢功課，我好幸苦！付出太多最後都係吃力不討好，開始抑鬱。

chrischeung

回覆 艾艾 的帖子

邊二科，是否因冇讀題影響?定理解力，你是讀福馬?

dobbybabie

原帖由 艾艾 於 15-03-26 發表
我不知道可找誰傾訴，囡小一,專注力足, 今次測驗中英文不合格, 佢温到咁辛苦都唔合格, 我真係好失敗，六 ...

我識個學障小朋友(英文障礙)但資優既，佢阿媽由小二開始搵四佰幾蚊—個鏟専教英障的miss 現中二，在崇真讀，應付到英文教，級二十幾名次，媽媽心血唔少，俾的心機搵下方法幫佢，好多學障資料參考，加油

skkeung

原帖由 艾艾 於 15-03-26 發表
我不知道可找誰傾訴，囡小一,專注力足, 今次測驗中英文不合格, 佢温到咁辛苦都唔合格, 我真係好失敗，六 ...

有無做專業評詁?

艾艾

回覆 skkeung 的帖子

佢係中文同英文唔合格, 今次測驗無讀卷, 但我真係付出好多時間陪太子讀書. 係咪要試下找補習社? 另,佢唔鐘意睇書, 只看圖不看字, 以前佢讀k3 科科A, D字又靚, 一上小一無心機做功課，字又撩, 我真係唔知佢搞咩变成咁, 好氣餧!

mansum92

如果考閱讀理解，但本身冇閱讀習慣，唔合格唔出奇，可考慮多閱讀作改善

hadwinboy

原帖由 艾艾 於 15-03-26 發表
我不知道可找誰傾訴，囡小一,專注力足, 今次測驗中英文不合格, 佢温到咁辛苦都唔合格, 我真係好失敗，六 ...

你每晚5:30回家督佢功課只是可交齊功課，同她測考可以合格是兩回事。

大件仔

如果小朋友失去學習興趣, 就會變成對學習失去動力, 家長有無多些關心佢在小一的生活, 是否不開心, 又或是老師太惡, 課程太深, 遇到同學欺凌........等等令到佢每天都無心機返學上課, 咁返到家自然功課唔識做, 惡性循環.

MrBeast

艾艾 發表於 15-3-26 22:53
回覆 skkeung 的帖子

佢係中文同英文唔合格, 今次測驗無讀卷, 但我真係付出好多時間陪太子讀書. 係咪要試 ...

如是否因為無讀卷所以失分，你可每天做功課時叫佢讀題，另外字撩有冇被扣分，冷靜後細心分析一下失分的原因，對症下藥再加一些答題技考，趁easter 急起直追，可以追返的，加油。

skkeung

原帖由 大件仔 於 15-03-26 發表
如果小朋友失去學習興趣, 就會變成對學習失去動力, 家長有無多些關心佢在小一的生活, 是否不開心, 又或是老 ...

建議有用!

a_for_apple

有冇睇過份卷錯咩？如果老師唔派，向學校申請家長番學校閱卷得唔得？因為要知道失分嚮邊，先幫到個小朋友。

可以睇下，小朋友係咪唔識睇題目，明明叫 underline the answer, 就變咗 circle, 大小楷，漏標點，串錯/抄錯/默錯字。

平時嚮屋企，都要叫小朋友大聲讀題目出嚟，同解俾你聽，睇下佢識唔識

PY-Sing

1. Check 卷, 要知錯咩, 唔係點温習.

2. 如果係唔識, 快D 開始温番默書, 工作紙, 補底. 因為E 經唔識, 基礎唔好, 唔識嘅嘢會濾積. 之後测考, 成績可能更差.

3.  揾D嘢鼓勵令媛, 如"雖然唔合格, 但測驗你有用功, 只要你继续, 一定合格.", 或" 原來測驗係D 字唔清楚, 老師睇唔到所以扣分. 你下次寫靚D , 就會合格." 提升學習興趣.

minisheep

回覆 艾艾 的帖子

我同你情況查唔多.  溫到死下死下, 結果考得好差, 超down, 好唔開心.
我覺得她的問題是無讀卷所以失好多分.  
平時已經好多文字題俾佢做......唉......結果都係唔好.

little_yolky

minisheep 發表於 15-3-27 10:36
回覆 艾艾 的帖子

我同你情況查唔多.  溫到死下死下, 結果考得好差, 超down, 好唔開心.

我哋學校小一時老師連閱讀理解篇文章都會讀一次, 仲要用廣東話讀(學校普教中), 所以小朋友一般唔會死。

kipapa

我覺得似乎是小朋友上了一天課太累, 以致做功課差, 精神不足亦會直接影響上課學習。  部份功課是協助小朋友覆習當天所學, 功課差成績亦自然會差。  不如讓小朋友放學後, 先休息充足才開始做功課吧。

測考卷會出現不少課外生字, 欠缺閱讀習慣始終會較為吃虧。 小朋友認字少, 只看圖不看字或直接不看課外書是正常的, 讓小朋友自己選擇他喜歡及字不太多的系列書籍, 開始時慢慢讀給他聽, 並向他解釋看圖加看字, 故事才能完整。

要小朋友長時間專注地溫習是有困難的, 每節溫習時間不宜長於30分鐘, 溫完一節就休息吓, 休息足夠才再溫, 會更有效益。  不過, 我唔認為大量溫習對小學生有大作用, 測考前溫1-2小時已足夠, 即使多溫10倍時間, 亦不見得會令成績有大幅度提升, 而且長時間的溫習, 對大人及小朋友來說都會很辛苦。

little_yolky

艾艾 發表於 15-3-26 17:17
我不知道可找誰傾訴，囡小一,專注力足, 今次測驗中英文不合格, 佢温到咁辛苦都唔合格, 我真係好失敗，六 ...

第一時間真係check下卷先, 睇下衰D乜。

如果學校程度無問題, 睇你係兩科語文唔合格, 好明顯係閱讀不夠了。因為如果其他科包括常識、數學都合格, 即可能係閱讀理解死得太慘。樓上有JM講得都啱, 中英文有好多生字, 如果平時看書少, 真係好吃虧。中英文仲有作文, 識字少作文又係死路一條。所以, check完卷再想對策。

王家爸爸

艾艾 發表於 15-3-26 17:17
我不知道可找誰傾訴，囡小一,專注力足, 今次測驗中英文不合格, 佢温到咁辛苦都唔合格, 我真係好失敗，六 ...

如果小朋友專注力不足，可以嘗試用睇DVD或者YOUTUBE既方法學語言。

brother4