如YW有offer, 是否應該放棄waiting CKY?

MrBeast

babycherie 發表於 15-3-22 02:18
想請教過來家長，本來心儀CKY大於YW, 最後小兒得到YW offer, 但CKY只有Waiting, 身邊支持YW的亦佔大比數， ...

補充一句，cky 是新校hence lacks track record, 但亦有家長會為它放傳統名校, 話佢係最後防綫就有點兒 unfair

cat_house

如果你不是cky die hard fans,你不會花咁多時間心機去求位。畢竟cky還有不少兄弟姊妹未有offer。要求也不容易。

charlielola

如錢不是問題，CKY係一個非常好的選擇！雖然學費貴D，但其語言環境好，加上學校致力培育學生成為有思想，有自信及有德行的人，不認為知識只局限在課本上！好多野可以的話最好係從小培養，到時出國讀大學也未必能讀出這種思維及自信心！我個人認為如小朋友已擁有這些本事，就算讀本地大學也會有成就

charlielola

補充一句，我上年也認識好幾個放棄CKY的家長，他們放棄的原因多是學費昂貴，及誤解了讀CKY必定要出國讀大學的觀念，故轉回傳統學校感覺會安穩D！

巴士

其實樓主只要問吓自己如果cky有offer比你，你會選擇哪間？如果答案是cky咁你便有了答案，如果係咁點解吾寫信去求位爭取吓機會，英華亦可以留住個位先

siden

原帖由 charlielola 於 15-03-22 發表
補充一句，我上年也認識好幾個放棄CKY的家長，他們放棄的原因多是學費昂貴，及誤解了讀CKY必定要出國讀大學 ...

供兩個細路讀Cky一個月連車費膳食雜費兩萬大元。

有幾多個普通家庭負擔得到。

Soundervolt

兩間都係好學校，我相信YW亦致力培育學生成為有思想，有自信及有德行的人，不認為知識只局限在課本上，此點並非CKY比YW優勝。樓主應該考慮囝仔適合邊種教學模式嘅學校，究竟應該係IB或傳統類型會較合適呢？

ckcleung

其實樓主個命題有點奇怪. 如果CKY只是WAITING,其實沒有放棄不放棄的想法,只要等待好了

小曳人

兩間學校好唔同，問題係家長想點
如果你在意人地點講，在意學校名氣嘅，YW
如果你唔想"傳統教學"cky係好好嘅選擇， cky係一間相對好包容嘅學校，亦在意孩子個人發展

bubuG

原帖由 ckcleung 於 15-03-22 發表
其實樓主個命題有點奇怪. 如果CKY只是WAITING,其實沒有放棄不放棄的想法,只要等待好了 ...

放棄⋯⋯⋯寫信叩。

ANChan59

不少家長以為CKY是 lB學校，事實上只是高中應考 lBDP而已，在小學及初中都不是 lB 認可的學校。

一鳥在手，好過百鳥在林。用常理，不用等啦。

joyce1234

我會揀CKY .

如果我係樓主，我會繼續wait 落去，然後儘能力搵晒兩間既資料，再諗下自己家庭價值觀、同埋你想子女點樣行一條教育既路，當然睇埋荷包，了解多啲IB出路，然後同囝囝傾，聽佢喜好，再決定。

charlielola

樓主昨天有冇去CKY open day了解下呢？

charlielola

CKY year 1 - year 10 不是行IB, 是用校本課程以IB模式去教，校長話過如全校行IB要交更高昂的學費，她想以較合理的價錢去令更多學生得到優質的教育，所以year 11-12才行IB

joyce1234

朋友也這樣說的是。y1-y10是校本課程，不是不獲IB認可，只是沒有去IBO申請搞PYP,MYP.

另外，男校vs男女校，是否也在考慮之列？

bbb330

回覆 babycherie 的帖子

My friend accepted CKY offer and gave up St. Mary last year, it depends on your attitude,   of course, financial support must be taken into consideration

babycherie

非常感謝各位寶貴的意見，CKY Open Day 已經去了四年，之前覺得學校的理念非常好，當有YW offer 後，因為找一間適合的學校是最重要，【因沒有最好好，只有最適合】再請教囝囝學校的校長，課內及課外的老師們，意見幾乎一面倒的傾向YW, 而他們的論據也是合理的，所以自己才有動搖，因為各老師們對小兒都非常了解，他們亦如之前某家長講 CKY Track Record 不多，所以Risk亦較大，當入了CKY 再走回傳統亦非容易，兩者CKY IB vs HK DSE 在未來10年後，亦可能有好多變數，但相信IB應該未來亦會普及。 回應某家長，我們覺得如果分析後，最終不會選擇CKY，那其實沒有必要浪費學校Admin資源及校長時間，到叩到有offer後又放棄，我覺得是一種對學校和其他Waiting小朋友的尊重而且。所以現在不斷搜集資料，希望可以了解更多。

babycherie

原帖由 joyce1234 於 15-03-22 發表
我會揀CKY .

如果我係樓主，我會繼續wait 落去，然後儘能力搵晒兩間既資料，再諗下自己家庭價值觀、同埋 ...

我囝係一個無主見的人，他去過兩校的Open Day, 自己都揀唔到，他是又比較文靜內斂，正因為他有這種性格，所以我們希望他去CKY, 但反之老師們覺得他受教，守紀律，傳統更適合。所以才有這種煩惱……

bubuG

原帖由 babycherie 於 15-03-22 發表
我囝係一個無主見的人，他去過兩校的Open Day, 自己都揀唔到，他是又比較文靜內斂，正因為他有這種性格，所 ...

IB讀上去不易，想找補習更難，而且貴。所以CKY的$$$$$不少。