比同學抄功課

991129

阿仔今年中一, 成績一直都OK, 學習上暫時無太大問題。 但最近發現佢經常whatsapp工作紙、功課等比同學, 初時無乜留意, 以為可能有D同學忘記帶書本或工作紙回家, 所以映比佢哋溫習。但昨晚聽到阿仔講電話, 話一陣傳比佢, 咁我啱啱行過書房, 見佢係度影maths工作紙, 但工作紙已經做好晒, 我覺得怪, 就問佢點解send D已經做好嘅功課比人, 個同學想抄嗎?  阿仔唔出聲, 個whatsapp又響, 我叫佢比我睇, 阿仔原來同個同學chat緊, 阿仔話已完成功課, 個同學叫佢send比佢。我問佢係唔係抄人功課, 佢話無, 佢話全部係佢自己做(呢點我暫時都相信佢), 但阿仔承認比功課同學抄, 個同學上堂坐佢隔離, 阿仔話同學成日抄佢D野, 如果唔比佢抄佢就會叫附近幾個同學係課堂上group discussion時孤立阿仔。我聽完好唔開心, 問佢係班上無其他朋友嗎 (因阿仔係讀直資中學, 大部份同學都係小學同學)? 佢話班無乜好friend, 有D野傾果D上堂時又坐得遠, 以前friend果D又係其他班, 多數lunch先見到。

阿仔都知咁做係有問題, 佢亦知呢幾個同學只係利用佢成績好, 經常借用佢D改錯帶(這個問題也不算好大), 並唔係真心做朋友, 我亦有同佢講, 我話如果group discussion唔join佢哋ok嗎?  佢就話都唔係太大問題, 最多剩番佢一個, 再join其他組, 但當時個樣有小小唔開心(但我唔知唔開心係因為被孤立定覺得我鬧緊佢), 不過佢再講佢都ok, 佢可以處理到同同學嘅溝通問題。我當時一來唔想逼得佢太緊, 希望佢知道比功課人抄係唔啱, 用呢樣換友誼係有問題, 從而自己去處理人際關係; 二來我亦即時比唔到更好嘅處理方案佢。

我話首先你一定唔可以去抄人功課, 第二唔可以再比功課人哋抄, 我答應比2個星期佢去處理吓, 之後再話番比我知最新情況, 佢話ok。

姊妹們有無意見可以比吓我?  唔該先!

Yanamami

你估借你过橋，叫你仔同同学講，俾你發現左佢借功課俾人抄，鬧到飛起，嚴禁佢禁做得唔得呢？起碼係同学间呢个唔係佢意願吖~~最好佢揾到另外一班朋友，唔再洗同佢地一組｡睇怕做group assignment都係你仔一个做哂？

991129

Yanamami 發表於 15-3-19 16:33
你估借你过橋，叫你仔同同学講，俾你發現左佢借功課俾人抄，鬧到飛起，嚴禁佢禁做得唔得呢？起碼係同学间呢 ...

多謝你回覆! 我都有諗過叫阿仔同同學講比我發現在勁鬧, 一來可以直接拒絕, 二來等我做醜人, 唔洗阿仔為難, 暫時都係呢個講法比較好, 我等阿仔2個星期後再update我情況

佢宜家堂上做果D暫時唔係group assignment, 係group discussion, 我諗應該係幾個同組同學傾在D idea, 然後present番意見出嚟, 我睇暫時影響唔太大, 只係會exclude我個仔, 然後只有插入其他唔夠人嘅組別discuss!

如果情況無改善, 我唔知好唔好同班主任反映吓?  因為4月尾會見家長。

TwinWong

係, lee 个方法係最好, 通常屋內/屋外都係啊媽做醜人

991129

TwinWong 發表於 15-3-19 16:59
係, lee 个方法係最好, 通常屋內/屋外都係啊媽做醜人

係呀, 無計啦

不過諗緊如果情況無改善, 好唔好同班主任反映吓?

Yanamami

如果阿仔成績好又平易近人，同其他人friend d, 可能係人都爭住佢入group discussion呢？皆因佢points多，ideas多，次次老師讚就组組部爭住要佢｡

都係唔好同老師講好d, 佢知道做野同唔做野都死｡抽个同学出黎罰，果个同学应該唔会俾好日子你仔过，佢而家都兇你仔唔俾功課佢抄就踢佢出組咯~只怕老師有曰發現，大兴问罪两个—齐罰就唔抵｡

brother4

我的自願性，同學有求於佢，連英文作文幫人作，孩子話朋友就幫佢，費時佢日日留堂，我話你不是幫佢，是害佢，俾佢在依靠，就不會努力，將來佢條路難行，孩子明白，估還暗中出手，難攪，為有同佢轉校去，現全級得佢—個中國人

lingchuling

我個小學都類似這樣, 不過是抄改正, 如冇比他們, 就會蝦我仔, 之前冇利用價值,常常聽到被那堆人蝦(拿走他的文具, 收起仔的傘), 現在有比他們抄改正, 如有人蝦他, 就有個惡的就會幫他出聲, 學校生活好似快樂些, 真的很煩惱, 現在的同學是這樣 (最慘可能他不是由幼稚園上去,  一早已經自己一群, 根本很難給你加入去, 又會看看你的背景, 現在的小朋友真的很現實)

Marians

照計, 老師會分辨出抄功課同學, 數學都得, 亞女初中時有幾位同學同時抄一份數學功課, 都俾老師睇出, 原因 1) 成績差的同學無理由會突然做得咁好, 2) steps 無理由一式一樣, 結果罰留堂

試下嚇下些壞份子

至於被isolate, 教亞仔睇開些, 要有自己立場, 最多自己交一人project, 日子耐左, 同學仔大左, 就會知道找誰入group 靠得住, 自然有志同道合的隊伍

黃巴士

其實只須問老師, 佢班有否抄功課情況??可能老師已一早知吧。　　因抄功課情況，　就算ＢＡＮＤ１中學，　很多都有此些學生。
以我看上去，有經驗的老師，　Ｓ。１學生哥，　老師會全班先ＷＡＲＮＩＮＧ，　其後，　再看發展情況處理，　不會開名的。
你與老師提起時，　其實先不用講你囝此情況。　　如果老師會處理，　自然知咩事？？　　總好過，　講得太詳細予老師，老師不自覺在堂上講了出來，　令孩子尷尬及影響同學間關係。
＊＊　不知你的班主任是哪類型？？＊＊

991129

多謝各位回覆!  我都同阿仔講如果你哋互相抄功課, 老師遲早會知, 尤其Maths, 除在答案, 仲有steps, 無理由一齊錯相同野。我尋晚都有問佢個同學之後仲有無問佢借功課抄, 佢話無啦, 我同阿仔再講, 如果同學仲要抄, 你就答佢比阿媽發現在, 醒在一大餐, 嚴禁再抄。

我諗都唔會同老師反映住, 再看發展情況, 等孩子自己處理吓先, 學jm話齋, 如果老師自己已經發現在, 可能佢都會提出問題。

感覺學校老師都積極, 對學生有要求的!

Emilyeee

好彩比你發現，如果唔係老師發現抄功課連呀仔都罰埋。呀仔可以同D同學講如果再借功課比佢地抄，做功課時再沒叫手機,冇得whatsapp，更會報告班主任。



不過group discussion 俾人揀淨的，可能係豬頭骨，呀仔要識諗，忍一陣，可能遲D join其他同學。

991129

原帖由 Emilyeee 於 15-03-21 發表
好彩比你發現，如果唔係老師發現抄功課連呀仔都罰埋。呀仔可以同D同學講如果再借功課比佢地抄，做功課時再 ...

係，唯有我做醜人，咁阿仔就無咁難做。
暫時group discussion應該問題不太大，我諗主要係心理上難受D，不過佢性格都較樂觀，希望佢處理到。多謝你嘅意見!

gloria2347

同班主任商量下

tinlong89

同班主任商量係怕到最後影響呀仔嘅社交圈子

cherubic

Same situation here.  My son did not give his homework to his classmate.  He said he guided him instead.  His classmate said it was too slow so he did it himself.

zooweemama

互相幫忙罰抄，或做功課，在某些聰明仔中很普遍。他們認為不用花太多時間去處理重複又煩悶的家課，或罰抄。

相信孩子，他們懂處理的。

991129

tinlong89 發表於 15-3-22 18:52
同班主任商量係怕到最後影響呀仔嘅社交圈子

我都係驚咁, 所以我已經指出問題, 希望佢明白, 可以自行處理到

IRON

呢個問題我仔舊年中一已經歷了......佢返黎講, 佢唔會抄人, 但亦唔俾人抄, 所以有幾個同學唔LIKE佢, 亦常語言窒, 激, 挑釁, 動手.....總之沒完沒了, 又會叫其他人唔同仔玩, 仔情緒都受影響! 當然佢亦有自己朋友, 今年中二可能高大強壯了, D人只用語言攻擊.

torunpoland

或者我的見解會怪少少，望諒。

我覺得，只係提醒仔仔唔好抄人功課就已經足夠。

（１）佢借唔借俾同學，以及其後果（借，或會被老師發現一起罰，但別人會跟他更好朋友；唔借，俾人杯葛，但自身可保，諸如此類），讓他自己決定及承擔後果。This is his life, a part of growth.

當然，以上是假設令郎身心康健的孩子。如果天生非常敏感多疑過慮，或者有情緒困擾，那就另計，跟老師商量。

（２）不必幫別人教仔，人地細路喜歡抄功課咪由佢地，至於利用令郎達到某種目的，是否正確，則好視乎令郎肯唔肯借。威脅／強迫你個仔拎本功課出來，肯定大錯特錯，一定交給老師處理。問你仔仔借功課又佢又肯，係有理虧之處，但何罪之有？只係賴，只係怕煩。所以，只要你仔仔自願借出，真係由人地錯過學習的機會。

（３）依家仔仔向同學話媽媽唔準再借功課俾人抄，雖然說得通，人地可能（只係可能）話令郎裙腳，這方面留意一下。（雖然我懷疑現今世代的孩子，即使初中生，個個都裙腳）

愚見乖僻，勿怪，若不合耳，視之另論角度。（我代入了你角色，想像我子遇到同一情況時，我的處理手法）