鬧完阿囡, 個心好唔舒服.

wan_sosin

原帖由 scyauchris 於 15-03-17 發表
回覆 little_yolky 的帖子

你果然勁！不過我有時唔忍得佢唔打算温書的態度，另外我女是無咁易鬧哭！   ...

哈哈！我個仔都試過話唔溫書，我見佢堅持，我就由佢，測完驗佢自己見到，得唔到佢預期個成積，佢之後就比較願意溫書，但都唔好望佢真係好努力嗰種，但起碼都會做返多少！

樓主唔洗太急，小一嗟，唔溫書當買個教訓，個代價仲比得起！其實依家小朋友讀書都已經有唔少壓力！做家長要鼓勵多D佢哋！

c1234

回覆 catiou627 的帖子

努力呀!我白間的感受給大家一些畤問

kayi0556

你令我諗返起大囡岩岩升上小一的時候， 我又係因為默書， 佢温唔識， 鬧完佢， 我自己走入房喊， 壓力爆登， 之後同c6 相量都係要outsource 出去俾人做

講真， 果時真係少d eq 都唔得， outsource出去雖然搵左幾個先搵岩心水，
但我始終覺得我想留返我放工返黎開心親子時間

dorothywing

catiou627 發表於 15-3-17 15:05
唔知同邊個講好, 只有係呢度講, 尋日噴晒火鬧個讀小一既囡唔温習, 去到九點都默唔到一次默書, D字又唔識,  ...

噴火後記住找機會和好呀！小朋友雖然好似好快忘記，但日積月累，一定會影響親子關係，可以的話，都給小朋友一個下台階，冷靜後再給她鼓勵說話，最好多些給她擁抱，我覺得愛是最大推動力。題外話: 小朋友日漸長大，要珍惜擁抱他們的機會！

gigi1227

我覺得要盡快令佢明白係佢的事，習慣自理，自動波。家長私下補漏。磨擦少好多

helen830

最近測驗，日日都罵，無晒心機。明知無用，但真係忍唔住

魚兒小寶貝

好明白呀，我都有試過，功課、溫習或成績方面我比較睇得開而且唔會太嬲，令我最火滾既係囝囝既自理問題，經常跌野倒瀉野呢d已經算、但開大沖涼抹身塗潤膚膏刷牙每每要用一個鐘時間，洗手間已經有個時鐘比佢睇，同佢分析過每個步驟所需時間。。。總之，稍為冇盯住佢，佢就一定超時一倍，明明果晚係有充裕時間就寢都變成遲，第二朝又唔多願起床

每當閙完佢，又有d後悔，始終佢7歲都未夠

喜樂果子

scyauchris 發表於 15-3-17 15:24
每日要鬧的事情太多……我都試過狂丙佢，不過丙完又如何，佢唔會改！

小一其實重好細！ ...

我都心同感受, 每日要鬧既事情太多, 時好時壞, 真係激死人, 希望大D會好D

subb

樓主, RELAX ! 書是她讀不是你讀, 初小放手讓他們知道自己點樣去學習吧　！　

我囡都是小一，　ＣＮＹ玩得太開心，功課做漏，默書未溫　！　
返學前我才簽手冊ＣＨＥＣＫ她功課，做漏哂，她要假期最後一日自己在家做好，
默書我提過她未溫，前一晚都是懶洋洋，後果是７Ｘ分　！

她見咁底分。。我即時解釋一番，這是不溫書的後果　！
她仿似明白，雖然下次默書是ＥＡＳＴＥＲ之後，都話現在開始溫

little_yolky

subb 發表於 15-3-19 10:39
樓主, RELAX ! 書是她讀不是你讀, 初小放手讓他們知道自己點樣去學習吧　！　

我囡都是小一，　ＣＮＹ玩得 ...

好似大家個長假都好開心下, 我哋又係, 不過係聖誔, 已經叫咗佢快D做好假期功課同溫書, 點知, 功課係做好, 書就唔記得溫。返學第三日就要中默, 仲要係背默, 老師提佢哋要默書, 成班同學好似發緊夢咁, 個個都唔知發生乜事, 都幾好笑。

S-Kwok

原帖由 wan_sosin 於 15-03-17 發表
本帖最後由 wan_sosin 於 15-3-17 22:19 編輯

仔試過因為想睇書，話留返聽日先温書（實情係聽日已經要做assessment）, 佢嘅心態唔係唔温，係有另一樣嘢吸引咗佢。我同仔講，你唔温書，就食完晚餐上床瞓覺，咩都唔可以做。原因係我地要明白自己做人嘅責任，一個小朋友，有權玩、做自己鍾意嘅嘢，但亦有需要做好自己嘅責任，不能因為玩而唔盡責。正如父母不能因為玩而唔返工、唔照顧家人、阿媽唔煮飯。
這只是我個人見解。

另外，可以問吓小朋友點解唔温書/唔想温書，了解後再處理

S-Kwok

原帖由 MASAYA 於 15-03-17 發表
有時可以試下畀佢自己承受個後果，唔好畀佢覺得成績唔好，緊張既係父母而唔係自己

如果佢覺得成績唔好冇所 ...

學習動機係好緊要，有好嘅學習動機係一個很好嘅推動力。有時，可能要引導小朋友自己去揾學習動機，效果可能比起我地話比佢聽更好。

不過，小朋友有時都會因為玩/其他事情，暫時忘卻了自己嘅學習動機

wan_sosin

原帖由 S-Kwok 於 15-03-19 發表
仔試過因為想睇書，話留返聽日先温書（實情係聽日已經要做assessment）, 佢嘅心態唔係唔温，係有另一樣嘢吸 ...

我都同你一樣，唔溫書就要早D瞓，休息多D!
我個仔6歲，小一，不竟係男仔，我會比空間機會佢自己摸索，只要唔係真係懶同好唔認真！我會調節鬆緊！反而爸爸有時有D緊張，我叫佢唔洗咁急，男仔讀書，無咁快發力！

tinaleung

我都明要冷靜，雙職家長點舒緩自己壓力？我同c6 放工返到去，見到功課未做完，無名火起，我都想日日個家都溫馨呀

tws2010

回覆 wan_sosin 的帖子

Same here.  I will tell my kid to go to bed early the week before the exam.  During the exam week, he will go to bed around 8ish and probably fall asleep around 9 pm.  

scyauchris

要慢慢睇返你地之前個post.  阿女燒左六日都未退，昨天開始antibiotics打隻菌，但都未退到。每日早上充滿希望，late afternoon就好失望！

shirleyfcl

贊成你的意見

little_yolky

S-Kwok 發表於 15-3-19 12:36
仔試過因為想睇書，話留返聽日先温書（實情係聽日已經要做assessment）, 佢嘅心態唔係唔温，係有另一樣嘢吸 ...

我果個又係咁, 第二日中測, 放工見到佢仲係度睇無謂書唔溫書, 話佢, 佢就答：媽咪, 我要睇多D呢D閑書, 溫書至會快的。真係嘔血

不過我無理佢, 因為到時唔識佢就會知死了, 我由得佢睇。

little_yolky

scyauchris 發表於 15-3-19 22:44
要慢慢睇返你地之前個post.  阿女燒左六日都未退，昨天開始antibiotics打隻菌，但都未退到。每日早上充滿希 ...

Take care! 高唔高燒, 我果個上上星期高燒到40.1度, 入咗醫院住咗5日, 中咗H3N2。夜晚黑會高燒D (唔知點解), 所以, 我夜晚都會唔瞓密密手同小朋友探熱, 如果燒到38以上, 都會拍醒佢食退燒藥。