德寶7期am VS 譚歐陽pm

iamverysleepy

囡囡讀緊德寶am N班，讀得開心。可直升K1 am。
譚歐陽就有K1 pm offer。譚歐陽有學券。

點樣揀好呢？有冇譚歐陽用家？覺得譚歐陽好嗎？好在哪？我只知英文好。

feifei_baby

每間幼稚園都有佢好同唔好嘅地方，視乎家長本身要求，對我嚟講，譚歐收費平，又有好嘅英文語境，又近我，女女讀得開心（其實大部分小朋友讀幼稚園都開心），佢雖然係學券學校，但對小朋友學習都叫有要求，唔係happy school，德寶唔認識，不如你講下佢有咩好，睇下譚歐俾唔俾到你，始終好唔好人人睇法唔同。

iansung

若經濟能力許可，更係留番喺德寶。以前入譚歐貪佢容易入陳守仁。但現在機會渺茫。

sunnymama2

iansung 發表於 15-3-9 01:43
若經濟能力許可，更係留番喺德寶。以前入譚歐貪佢容易入陳守仁。但現在機會渺茫。



  ...

以前同而家有咩唔同？

iamverysleepy

原帖由 feifei_baby 於 15-03-04 發表
每間幼稚園都有佢好同唔好嘅地方，視乎家長本身要求，對我嚟講，譚歐收費平，又有好嘅英文語境，又近我，女 ...

德寶我覺得無嘢唔好，只係貴。

feifei_baby

原帖由 sunnymama2 於 15-03-09 發表
以前同而家有咩唔同？

以前好多譚歐畢業生入陳守仁，聞說有三成，而家可能一年得10個，甚至更少，所以有家長覺得譚歐差咗，但公道啲講，以前tsl又冇咁多人考啫！其實想知派位可以上譚歐網頁，好公開，都有個別小朋友考到德望培正sfa，咁我估人地當然唔係旨意哂學校，自己都有努力栽培小朋友啦！我揀譚歐唔係target 陳守仁，因為平，近，同埋語境，1000蚊學費，我好滿意，女女英文好咗，講嘢叻咗，好鍾意返學，老師都好好，我女不嬲好內斂，唔出聲，但其實學嘢幾快，我成日覺得佢返學會俾人ignore，但家長日老師話佢成日邀請我女出去做示範，同學仔唔識又會叫我女教佢地，我聽到好感動，老師好有心機發掘小朋友長處！我覺得譚歐唔錯，算係用心嘅幼稚園，但資源一定同私幼冇得比，冇白人net，冇精美教材，冇好好嘅customer service （俾人鬧得最多），唔用名幼標準去judge，當佢普通幼稚園，其實唔錯！