我該如何做個母親

Charlotte_mom

好老實講 (如有得罪請勿見怪)

我在教育王國十年了, 由自己個小朋友考小一, 到睇人地小朋友考小一
每年見盡唔少"有人歡笑有人愁", 亦見盡不少家長的抱怨及眼淚, 我都想自己小朋友健康快樂, 但同時我亦有個認知, 就係不能太hea我唔打算養佢過世

弊在事實係而家競爭激烈, 唔好講去考名校/谷的學校, 就算考間開心學校/講創意, 一樣要過五關斬六將, 因為學校都想收叻學生, 收著緊家長

點至可以令自己小朋友突出呢?

迷思出現了:
想揀間開心學校, 原來都要先裝備
無offer, 唯有靠運了, 抽入間非心水學校, 將來條路點先? 咪又係被迫要谷務求入間好中學.....有幾多家長真係做得到咁轄達: 讀邊間都無所謂呢? 我同意, 揀學校係要揀最適合, 但都要睇下自己有幾多籌碼在手, 至有得揀 (個人經驗, 我唔信有心讀書讀邊間都一樣, 唔止academic, 其他校風, 個人成長栽培, 都好大影響)

所以你話我怪獸家長都係咁話, 裝備點都要做, 就算唔去考咩cert上咩班, 平時同小朋友一齊, 學習總要的: 睇書, 玩創意遊戲, 培養兩文三語, 品格培育, 合群性, 學社交........每樣體驗都係學習

唔好怪我直, 如果你係校長, 一間學校幾百個家長, 共同目標就係健康快樂, 校長點"交功課"? 升中點算? 就算直升都會俾中學部炸型啦

除非唔打算在香港走主流, 否則條路都係無得點揀, 唔係你識唔識做媽媽的問題, 真係生活迫人

未來條路仲有好長, 加油吧

Aiyoyo

自知難度極高,又何必失望? 你報的學校我連waiting都無

ronniedad

只是學位有限而已，何必為一個小結果去打亂自己一直堅信對的事！更何況有四間waiting即仲有四個機會，到大抽獎過後可能會煩四選一的煩惱呢！

sissysze

原帖由 Charlotte_mom 於 15-03-02 發表
好老實講 (如有得罪請勿見怪)

我在教育王國十年了, 由自己個小朋友考小一, 到睇人地小朋友考小一

講出哂好多家長心声，唔hea得架，有幾多讀happy kg 考到私小/直G, 實有架，但肯定數目唔係多，同埋實有食補品 or 屋企自行進補

evil

Charlotte是好有道理

mcl203

Charlotte_mom 發表於 15-3-2 16:47
好老實講 (如有得罪請勿見怪)

我在教育王國十年了, 由自己個小朋友考小一, 到睇人地小朋友考小一

勁呀

kkqueendom

明白樓主心情,我自己都主張快樂童年,盡可能星期六下午和星期日不報興趣班,帶他們遊山玩水,但我好肯定要孩子學一種運動和一些樂理知識,現在還考慮讓他報讀朗誦班,一星期3項是極限,報讀運動,一來是想他強身健體,二來可鍛鍊他毅力,三是希望他將來除了約朋友行街睇戲,亦希望他可以約朋友去打打網球,蹓蹓冰
而學樂理,當然是想他能學會調節心靈,培養一種興趣,培養他的修養,
最後朗誦班是想他敢於在人群表現自己,不怯場,
我小朋友還未需要考小學,不過無論結果如何,我也不會後悔

奥脫福

有早知無乞兒，如果在自己果代係名津畢業，再信埋教，咁下一代咪唔使煩囉！
我怨左我老豆成世喇，點解唔捨得俾校車費而將我從油天扯走呢？

去到今時今日，想「止蝕」的話，咁只能夠要求你的仔女，在帶你的拖友回家食
飯時，「順便」帶埋小學畢業証書、宗教、社團証明之類囉！

cch0928

你選的學校數目太小又太大熱，這些學校成功的考生大多是早巳被train 和栽培，過五關斬六將才入讀附屬或同類的幼稚園，相信你的選校策略和你一向教育的方針似乎太相異才會如此。其實我孩子也不乖巧，有點公主，也沒有cert, 冇報面試班，睇餸食飯，所以全選交通45內可到的二綫直私，in了約十間，也只有一私校offer 和兩間waiting。現在我只做兼職，努力花時間幫佢改性格上缺點，只希望佢能有能力信心學習同更懂與人相處。你咁早花心機栽培佢愛學習，就貫切始終，唔好谷佢上面試班；抽到津校也有好的，即使學校唔好，佢小一讀得好，大把機會轉校呢！千祈唔好俾佢覺得自己冇offer 就冇用，繼續貫徹自己方向，孩子喜歡學習是對他一生受益！

simsimwong

4間太少而呢4間太難了

hkpapa852

200904 發表於 15-3-2 16:35
多謝你們啊！出post時，整個的心情如窗外的天色般，陰陰暗暗地。感謝你們的每個鼓勵和勸勉。

其實，我都後 ...

講真, 你報呢D超難入既學校, 入唔到真係好正常.

其實你大抽獎排得"安全嗎"?

叩門証書不是最重要, 即場表現到既學術能力(至少達小一上學期既能力), "特異功能" (可以幫到相關小學係大型比賽攞獎嗰D)呢D先緊要.

即使你有10個朗誦比賽冠軍, 但即場叫你開口就啞咗, 都係無用.

200904

多謝版主的直言。也多謝各位朋友的鼓勵。
我一直都有培養她們讀書的習慣，也有在家教她們中英數，效果也不錯。
她們肯學，也聰明，這讓我很欣慰。
我覺得迷茫當的是，在5/6歲時，學那麼多學術性的東西，好嗎？真的值得嗎?
只是如版主所講，校長怎麼選擇？你有什麼給校長選?
就算真的谷出來，哪裡有尺度給你知曉？叩門，你到底要怎樣的學術尺度?

hkpapa852

200904 發表於 15-3-2 17:20
多謝版主的直言。也多謝各位朋友的鼓勵。
我一直都有培養她們讀書的習慣，也有在家教她們中英數，效果也不 ...

關於叩門學術要求既個人意見:

去書局買些小一上, 甚至小一下的中英數補充練習, 如小朋友自己有能力完成至少小一上的練習, 才算得上合乎叩門的學術要求

至於特異功能, 睇下小學既校務報告, 學校鍾意派人參加咩比賽, 同係咩比賽攞獎

winnietingting

原帖由 200904 於 15-03-02 發表
多謝版主的直言。也多謝各位朋友的鼓勵。
我一直都有培養她們讀書的習慣，也有在家教她們中英數，效果也不 ...

有實力唔洗驚，小一唔得，小二插班都得。

longlokma

我從不認同幼稚園階段的孩子可憑「考核」找出精英，所以要相信，孩子不被小學憑一、二次面見考核而取錄，不代表孩子能力差，而是孩子優点未被發現及欣賞。
另一方面，家長亦要明白現今學校的遊戲方式，既然選擇不為証書不為奖狀的去培育稚子，就不應寄望孩子擠身你帶他所考的小學，否則便顯得自相矛盾了。
要相信世間有清泉，便要坚持下去，有能力的孩子不急於在幼稚園催生出來，你只要用心教導，即使小一未能考入或派入理想学校，孩子高小前轉校的机会仍多的是。

whitepurin

我今年要開始考小一，我都好擔心佢一間都考唔到，即使我已決定漁翁撒網，但現在考的人太多，莫講話4間（仲要兩間神校），真係1x間無間收都唔奇。

whitepurin

未寫完就send 了，但其實考小一時仲咁細，係龍定蛇邊有咁快睇得出，而家又未抽獎，話唔定你抽間好，即使touchwood抽得唔好，小朋友努力d都仲有機會升上好中學。我自己當年因為搬家都入咗間頗差嘅小學，但最後都入到band 1地區名校。

其實讀書天資好重要，有書緣總會讀得好，唔得嘅俾你入到名校跟唔上都無用。再講讀書唔係決定一切，讀得叻又唔代表搵多d錢，搵多錢又唔代表快樂。

Charlotte_mom

原帖由 200904 於 15-03-02 發表
多謝版主的直言。也多謝各位朋友的鼓勵。
我一直都有培養她們讀書的習慣，也有在家教她們中英數，效果也不 ...

肯學又聰明，已經係上天的恩賜，開心返先。
我仔學校鼓勵自學，有個叻仔學生，佢daddy 話佢晚晚得閒煲劇，老師話正常啊，佢上堂好留心聽，好多野問架，返到屋企都唔駛溫書，識晒都唔奇。
羨慕啊！呢d咪就係愉快學習模範示範lor ！如果小朋友肯學聰明，自然事半功倍。小一考學校就算失準，將來表現出色一樣條條大路通羅馬，都係果句，有籌碼就有得揀。希望你搵得到最適合嘅學習方式，同小朋友可以享受學習，慢慢黎啦

Jane1983

睇埋樓主寫，報4間 - spcc，dg，加2間有自己幼稚園的小學。無offer，真係正常過正常，幾千人陪佢呢。

mcl203

Jane1983 發表於 15-3-2 17:52
睇埋樓主寫，報4間 - spcc，dg，加2間有自己幼稚園的小學。無offer，真係正常過正常，幾千人陪佢呢。 ...

咪係....亳無挫折感....